Amós 8:4 - Q'eqchi Bible

⁴ Ab'ihomaq a'in laa'ex li nekexrahob'tesink reheb' li neb'a' ut nekeraj xsachb'aleb' ru li kub'enaqeb' xwankil sa' li tenamit.

Li Santil hu

⁴ Abihomak li oc cue xyebal e̱re la̱ex li nequexrahobtesin reheb li ma̱cꞌaꞌ cuan reheb, la̱ex li nequexsachoc reheb li nebaꞌ li cuanqueb saꞌ le̱ tenamit.

Amós 8:4 ပူးပေါင်းရင်းမြစ်များ

Amós 5:11

Laa'ex nekerahob'tesi li neb'a' ut nekepatz' re li toj chirix li triiw. Jo'kan naq ink'a' texwanq sa'eb' li ochoch xeyiib' rik'in pek tuqub'anb'il ru chi us, chi moko teeruk' xya'al li uub' xeraw chi chaab'il.

Proverbios 30:14

Wankeb' ajwi' poyanam li wankeb' xq'esnal ch'iich' cho'q ruuch reheb', ut kok' q'esnal ch'iich' cho'q xkalam e, re xkamsinkileb' li kub'enaqeb' xwankil ut xsachb'aleb' chi junajwa li neb'a' sa' ruuchich'och'.

Salmos 14:4

Ma ink'a' te'xtaw xyaalal eb' laj b'aanuhom maa'usilal, li wankeb' aran chi k'ajo'eb' xxiw, chixjunileb' li neke'xlow lintenamit jo' nawa'e'k li wa, eb' li ink'a' neke'xpatz' xk'ab'a' li Qaawa'?

Salmos 140:12

Ink'a' chik chixtaw xna'aj laj q'ab'anel sa' ruuchich'och'; a' ta li rahilal chinaq sa' xb'een laj yoob'anel raaxiik', ut a'an chisachoq re.

Salmos 12:5

eb' li neke'yehok re: “Li ru'uj qaq' a'an qakawilal; li xtz'uumal qe nokooxtenq'a, ani tawi' taataqlanq sa' qab'een?”.

Santiago 5:6

Kexraqok aatin sa' xb'eeneb' li tiikeb' xch'ool ut kekamsiheb'; ut eb' a'an ink'a' ke'xram cheru.

San Mateo 23:13

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketz'ap li xnimajwal wankilal li choxa chiruheb' li tenamit! Xb'aan naq ink'a' nekex'ok laa'ex, ut nekeram chiruheb' li neke'raj raj ok.

Jeremías 5:21

«Ab'ihomaq li esil a'in, ex jip aj tenamit ut maak'a' eena'leb'! Wank xsa' leeru, ab'an maak'a' nekeril; wank leexik, ut ink'a' nekex'ab'ink.

1 Reyes 22:19

Toja' naq kixye laj Mikeas: “K'e reetal, ab'i li naxye li Qaawa'. Xwil li Qaawa' k'ojk'o sa' li xk'ojarib'aal, rochb'een chixjunileb' laj k'anjel chiru sa' li choxa, xaqxookeb' sa' xnim ut sa' xtz'e uq'.

Amós 7:16

Ut anaqwan ab'i li raatin li Qaawa'. Laa'at nakaye: «Mat-aatinak jo' propeet chirixeb' laj Israel; mik'a' aaye chi kaw chirixeb' li ralal xk'ajol laj Isahak».

Jeremías 28:15

Toja' naq laj Jeremías kixye re laj Ananías: “Ab'i, a Ananías. Maawa' li Qaawa' xtaqlank chaq aawe chi aatinak, ut laa'at yookat chi xk'ojob'ankil xch'ool li tenamit a'in rik'in laatik'ti'.

Isaías 28:14

Ab'ihomaq li raatin li Qaawa', laa'ex li jwal sa nekexse'ek anaqwan ut li nekexjolomink re li tenamit Jerusalén.

Isaías 1:10

Ex jolomil re Sodoom, ab'ihomaq li raatin li Qaawa', ex aj Gomoor, k'ehomaq eech'ool chi rab'inkil li naxye li qaYos:

Salmos 56:1

Re li xjolomileb' laj b'ichanel. Taab'ichamanq jo' chanru li xyaab': “Li mukuy reheb' li najtil yos”. Xb'ich laj David, naq kichape'k xb'aaneb' laj Filistea aran Gat.

Li xHu LAJ JOB 24:4

Neke'xk'eheb' li neb'a' chi sachk sa' li xb'eheb', ut eb' li toq'ob'aal ruheb' tento te'xmuq rib'.

Ezequiel 45:10

“Naq texb'isoq, b'isonqex chi tz'aqal, a' yaal k'aru teeb'is.

Amós 5:12

Laa'in ninnaw naq k'ajo' xk'ihal leemaa'usilal, ninnaw naq numtajenaq leemaak: nekerahob'tesi li tiik xch'ool, natuminaak eeru ut nekesach xwankileb' li neb'a' sa'eb' li raqleb'aal aatin.

Miqueas 2:2

Neke'rahink jalanil ch'och', ut neke'reechani; neke'rataw junaq ochoch, ut neke'relq'a. Neke'xrahob'tesi laj eechal junkab'al ut eb' li wankeb' chisa', li winq jo'wi' li k'aru re.

Salmos 10:7

Sa' re numtajenaq li b'alaq' ut li tik'ti', rub'el li ru'uj raq' k'uulanb'il li maa'usilal ut rahob'tesink.

Ezequiel 22:12

Wankeb' neke'tuminaak ru chi xkamsinkileb' li poyanam, ut numtajenaq ral li to' tumin neke'xpatz'; neke'xtawasi eb' li ras riitz'ineb' ut neke'xmaq' sa' josq'il li k'a'aq ru reheb', ut xine'xtz'ek laa'in chirix xch'ooleb' -chan li Qaawa'-.

Miqueas 3:3

Neketz'ub' xkik'eleb' lintenamit; nekemich' li xtz'uumaleb' ut nekejori li xb'aqeleb', jo' na'uxk re li tib' nachiqe'k sa' uk'al.

Zacarías 5:6

Ut laa'in kinpatz' re: “K'aru a'an?”, chankin re. Kichaq'ok a'an: “A'an chakach re b'isok -chan-. A'an xb'ismank wi' li xmaakeb' li poyanam sa' chixjunil li tenamit a'in”.