Amós 7:8 - Q'eqchi Bible

⁸ Ut kixpatz' we: “K'aru nakawil, a Amós?”, chan. Kinchaq'ok ut kinye: “A'an jun xb'isleb' aj tz'ak”, chankin. Toja' naq kixye we: “Rik'in li b'isleb' a'in tinnaw jo' tiikal li xyu'ameb' lintenamit Israel; ut ink'a' chik tinkuy xmaakeb'.

Li Santil hu

⁸ Ut li Ka̱cuaꞌ quixye cue: —¿Cꞌaꞌru li yo̱cat chirilbal, at Amós?— Ut la̱in quinye: —Yo̱quin chirilbal jun li plomo cuan saꞌ a̱cuukꞌ. Ut li Ka̱cuaꞌ quixye cue: —Riqꞌuin li bisleb plomo, ta̱cꞌutu̱nk nak eb lin tenamit incꞌaꞌ nequeꞌcuan saꞌ ti̱quilal. Ut la̱in incꞌaꞌ chic tebincuy xma̱c riqꞌuin li ma̱usilal nequeꞌxba̱nu.

Amós 7:8 ပူးပေါင်းရင်းမြစ်များ

Amós 8:2

“K'aru nakawil, a Amós?”, chan we li Qaawa'. “Jun chakach li chaq'al ki'q'een”, chankin re. Ut li Qaawa' kixye we: “Ak xwulak xkutankil li raqok aatin sa' xb'een lintenamit Israel ut ink'a' chik tinkuy li xmaakeb'.

Lamentaciones 2:8

Li Qaawa' xraj xjuk'b'al li xsuttz'akil Sión, li xchaq'alil ru tenamit. Xraq aatin sa' xb'een ut xk'e xch'ool chi sachok, toj reetal xe'hame'k chixjunileb' li xtz'ak ut eb' li xkuut li tenamit, ut nakirnak xe'kanaak.

Jeremías 15:6

Laa'at xattz'eqtaanank we ut xkohat -chan li Qaawa'-. Jo'kan naq laa'in xintitz'k chi xkuyb'al laamaak: xintaqsi li wuq' sa' aab'een charahob'tesinkil ut xinsach aawu.

Miqueas 7:18

Maajun chik junaq Yos jo' laa'at, at Qaawa', xb'aan naq laa'at nakakuy nakasach li xmaakeb' li rela' laatenamit. Laa'at ink'a' nakatjosq'o'k chi junajwa, xb'aan naq nakara li uxtaanank.

Isaías 28:17

Li k'ulub'ej tink'e cho'q b'isleb' sa' li xxaqab'ankil Sión, ut li tiikil ch'oolej tink'e cho'q aj tuqub'anel ru”. Li saqb'ach taasachoq re chixjunil li tik'ti' li nekekol wi' eerib', ut li b'ut'iha' taapo'oq re li nekekawub'resi wi' eech'ool.

2 Reyes 21:13

Juntaq'eet tink'e chi xtojb'al xmaakeb' laj Jerusalén, laj Samaria ut eb' li ralal xk'ajol laj Ajab. Tinch'ajob'resi Jerusalén jo' naq naji'e'k ru jun li sek' ut nahupub'aak.

Zacarías 5:2

Li ánjel kixpatz' we: “K'aru yookat chi rilb'al?”, chan we. Kinchaq'ok ut kinye: “Yookin chi rilb'al jun li b'otb'ookil hu yo chi xik sa' iq', numenaq oob' moqoj roq ut kach'in chik maa oxib' moqoj ru”.

Isaías 34:11

Aran te'xyiib' xna'ajeb' li warom ut li k'uch, laj tak' ra' ut li tuntz'oq. Li Qaawa' tixsutq'isi Edom cho'q chaqich'och' ut junesal na'ajej.

Amós 7:7

Li Qaawa' kixk'utb'esi ajwi' li moy u a'in. Kiwil li Qaawa' xaqxo sa' xb'een li tz'ak tz'aqal tuqtu ru, ut wank sa' ruq' jun xploom laj tz'ak.

Zacarías 4:10

Li ink'a' xk'e xloq'al li xtiklajik li k'anjel, taasaho'q chik naq taaril chi yaalo'k li xk'anjel laj Sorobabel”. Chirix chik a'an li ánjel kixye: “Eb' li wuqub' chi eetalil a'in, a'aneb' xsa' ruheb' li Qaawa' li naril wi' chixjunil li ruuchich'och'”, chan.

Oseas 1:6

Lix Gómer kikanaak wi' chik sa' yu'am ut kiyo'laak jun xch'ina ixqa'al. Ut li Qaawa' kixye re laj Oseas: “«Ink'a' uxtaananb'il ru» taak'e cho'q xk'ab'a', xb'aan naq ink'a' chik twuxtaana ru eb' laj Israel, ut xeb'intz'eq chirix inch'ool.

Zacarías 4:2

“K'aru nakawil?”, chan we. Laa'in kinye re: “Yookin chi rilb'al jun xna'aj saqenk yiib'anb'il rik'in oor chixjunil. Sa' xb'een a'an wank li xna'aj li xya'al li xam, wuqub' chi saqenk rochb'een li xnumleb'aal li xya'al.