Amós 7:4 - Q'eqchi Bible

⁴ A'an a'in kixk'utb'esi chiwu li Qaawa' Yos. Kiwil naq li Qaawa' yo xtaqlankil chaq li xam, li kixchaqihob'resi li nimla palaw, ut yo ajwi' chi k'atk li ch'och'.

Li Santil hu

⁴ Mokon chic chanchan matqꞌuenbil quinba̱nu nak li Ka̱cuaꞌ quixcꞌutbesi chicuu jun chic li visión: Quixtakla chak li xam saꞌ xbe̱neb re nak teꞌxtoj rix lix ma̱queb li tenamit. Ut xban xtikcual li xam quichakic li nimla palau ut yo̱ chi cꞌatc li chꞌochꞌ nak quicuil.

Amós 7:4 ပူးပေါင်းရင်းမြစ်များ

Amós 7:1

A'an a'in kixk'utb'esi chiwu li Qaawa' Yos. Sa' xq'ehil relik chaq li raxpim, naq ak xraqe'k xq'olb'al li rawimq li awab'ej, kiwil li Qaawa' yo xyoob'tesinkileb' aj saak'.

Apocalipsis 4:1

Moqon chik kiwil sa' moy u jun li okeb'aal teeto sa' choxa; ut li xyaab' kuxej li ak wab'ihom jo' xyaab' li tronpeet, jo'ka'in kixye we: “Taqen chaq arin, ink'utaq chawu li tento taak'ulmanq moqon”.

Hebreos 1:7

Chirixeb' li ánjel naxye: “A'an naxtaqlaheb' li ánjel jo'keb' li iq', ut eb' laj k'anjel chiru jo'keb' li raq'xam”.

Nahum 1:6

Ani taaruuq taakuyuq re li xjosq'il? Ani taawanq chi xaqam chiru naq taajosq'o'q? Li xjosq'il naxpuka rib' chanchan li xam, ut chiru A'an neke'xjor rib' eb' li saqoonak.

Miqueas 1:4

Te'uq'e'q eb' li tzuul rub'eleb' li roq, chanchanaqeb' li waakab' naq naha'o' chi xk'atq li xam; te'jachje'q eb' li taq'a jo' tawi' setb'ilaqeb' xb'aan xkawil oq junaq nima'.

Amós 7:7

Li Qaawa' kixk'utb'esi ajwi' li moy u a'in. Kiwil li Qaawa' xaqxo sa' xb'een li tz'ak tz'aqal tuqtu ru, ut wank sa' ruq' jun xploom laj tz'ak.

Amós 5:6

Sik'omaq li Qaawa' ut taawanq eeyu'am; mare anchal jo' li xam naq taachalq sa' xb'eeneb' laj José ut maajun sa' xyanqeb' laj Betel taaruuq taachupuq re.

Amós 4:11

“Xexinsach rik'in nimla rahilal jo' kinb'aanu reheb' laj Sodoom ut eb' laj Gomoor, ut chanchanex aj chik li ru'uj si' na'elk sa' li xam naq xexkanaak. Ab'anan laa'ex ink'a' xexsutq'iik chaq wik'in”, chan li Qaawa'.

Amós 1:7

Jo'kan naq tink'e xxamlel li xsuttz'akil li tenamit Gasa ut te'k'ate'q eb' li xchaq'alil ru ochoch.

Amós 1:4

Jo'kan naq tink'e xxamlel li rochoch laj Jasahel, ut tinjuk'eb' ajwi' li xmuheb'aal laj Ben-Adad.

Joel 2:30

Tinb'aanu xninqal sachb'ach'oolej sa' li choxa ut sa' ruuchich'och'; ut taawanq kik', raq'xam ut sib'”.

Jeremías 21:12

Ex ralal xk'ajol laj David, a'an a'in li naxye li Qaawa': Rajlal kutan b'aanuhomaq li tiikilal; kolomaqeb' li yookeb' chi rahob'tesiik sa' ruq'eb' laj rahob'tesinel. Mare anchal, xb'aan leemaa'usilal, taachalq injosq'il sa' eeb'een jo' li xam, ut maajun chik taaruuq chi chupuk re.

Jeremías 4:4

Ex poyanam aj Judá ut aj Jerusalén, q'axtesihomaq eerib' re li Qaawa' Yos, ut k'ehomaq sa' leech'ool li reetalil linSumwank. Mare anchal taachalq injosq'il jo' li xam ut taa'ok chi sachok, chi maajun chik taaramoq re, xb'aan li k'iila maa'usilal nekeb'aanu.

Isaías 27:4

Ink'a' chik yo injosq'il rik'in. Wi ta wank li k'ix jo'wi' li pim sa' xyanq, laa'in teb'insach raj ut teb'ink'at chi junpaat jo' na'uxk re li k'im.

Deuteronomio 32:22

Xb'aan naq yo xxamlel injosq'il ut cham taaxik xtiqwal, toj sa' xchamal li xb'alb'a! Taa'oso'q li ch'och' jo'wi' li awimq wank chiru, ut taak'atq li xtoonaleb' li tzuul.

Números 16:35

Toja' naq jun li xam nachalk rik'in li Qaawa' kixsach ruheb' li lajeeb' roxlajuk'aal (250) chi winq li ke'yeechi'ink pom.

Levítico 10:2

Toja' naq ki'elk li xam wan wi' li Qaawa' ut ke'k'ate'k. Ut aran ke'kamk chiru li Qaawa'.

Joel 1:19

At Qaawa', nintz'aamank nin'elajink chawu, xb'aan naq li xam xsach li raxpim sa' li junesal na'ajej ut xe'k'ate'k chixjunileb' li che'k'aam.

Amós 2:5

Jo'kan naq tink'e xxamlel chixjunil li xteepal Judá ut te'k'ate'q eb' li xchaq'alil ru ochoch re Jerusalén”.

Ezequiel 21:3

ut ye reheb': «K'ehomaq reetal naq xik' chik nekexwil. Twisi chaq linq'esnal ch'iich' ut tinkamsi li tiik xch'ool jo'wi' laj maak.