Amós 7:2 - Q'eqchi Bible

² Ut naq eb' laj saak' ak xe'raqe'k chi xsachb'al li raxpim, kinye: “At Qaawa' Yos, b'aanu usilal, chakuy qamaak. Chanru naq tqakuy? Xb'aan naq moko k'iho ta laa'o”.

Li Santil hu

² Ut quicuil ajcuiꞌ nak eb laj sa̱cꞌ queꞌxchoy xcuaꞌbal li acui̱mk ut quinye: —Ka̱cuaꞌ Dios, chacuy taxak kama̱c, la̱o aj Israel, ralal xcꞌajolo laj Jacob. ¿Chanru nak ta̱ru̱k takacol kib xban nak la̱o incꞌaꞌ qꞌuiho ut ma̱cꞌaꞌ kacuanquil?—

Amós 7:2 ပူးပေါင်းရင်းမြစ်များ

Ezequiel 11:13

Toj yookin ajwi' chi xyeeb'al li aatin a'in naq kikamk laj Pelatías, ralal laj Benaías. Kinwiq'laak, kinhupub' wib' chiru ch'och' ut kinjap we chi xyeeb'al: “At Qaawa', ma taachoy xsachb'al ru li rela' laj Israel?”.

Isaías 37:4

Ma ink'a' tawi' xrab'i li Qaawa' laaYos li xyehom li xnimal ru aj k'anjel li xtaqlaak chaq xb'aan laj eechal re, a' li awab'ej re Asiria, re xhob'b'al li yo'yookil Yos? Jwal us raj naq li Qaawa' laaYos taarahob'tesinq re xb'aaneb' li raatin xye. Laa'at tijon chiru li Qaawa' chirixeb' laj Israel li toj yo'yookeb'!»”.

Ezequiel 9:8

Naq yookeb' chi kamsink, laa'in kinkanaak injunes. Kinwiq'laak ut kinhupub' wib' chiru ch'och', ut kinjap we chi xyeeb'al xb'aan xrahil linch'ool: “At Qaawa', ma taawisi laajosq'il sa' xb'eeneb' laj Jerusalén toj reetal taasach ru li rela' laj Israel?”.

Jeremías 42:2

rik'in laj Jeremías, li propeet, ut ke'xye re: “Naqatz'aama jun li usilal chawu: Tijon chiru li Qaawa' laaYos, chiqix laa'o li jun ch'inach'uuto xookanaak. K'ajo' qak'ihal junxil, ut anaqwan yookat chik rilb'al naq ink'a' chik k'iho.

Jeremías 14:7

At Qaawa', us ta li xk'ihal li qamaak nokooxjit chawu, tenq'aho sa' xk'ab'a' xnimal laarahom. Relik chi yaal naq naab'al wa xqaq'etq'eti qib' ut xoomaakob'k chawu.

Éxodo 10:15

Ke'xmoy ru chixjunil li na'ajej ut kiq'oqyinko'k li tenamit; ke'xk'ux chixjunil li xpimul li ch'och' ut chixjunileb' li ru li che' li toj kixkanab' li saqb'ach: maak'a' chik xraxal li che' chi moko xraxal li pim sa' ch'och', sa' xsutam Ejiipt.

Apocalipsis 9:4

Ke'yehe'k chaq reheb' naq maak'a' te'xb'aanu re li che'k'aam sa' ruuchich'och', chi moko re chixjunil li rax rax ru pim malaj re junaq che', ka'ajeb' b'an wi' li winq li maak'a'eb' li xkaaxtil li Yos chi xpeekemeb'.

Zacarías 4:10

Li ink'a' xk'e xloq'al li xtiklajik li k'anjel, taasaho'q chik naq taaril chi yaalo'k li xk'anjel laj Sorobabel”. Chirix chik a'an li ánjel kixye: “Eb' li wuqub' chi eetalil a'in, a'aneb' xsa' ruheb' li Qaawa' li naril wi' chixjunil li ruuchich'och'”, chan.

Amós 7:5

Ut laa'in kinye: “At Qaawa', chakuy inmaak, kanab' xb'aanunkil a'an. Chanru naq tixkuy a'an laj Jakob, laatenamit li jwal kach'in?”.

Daniel 9:19

At Qaawa', choohaawab'i taxaq! At qaYos, chakuy qamaak ut chawil xtoq'ob'aal qu! At inYos, chak'e reetal ut matb'ayk chaq chi qatenq'ankil sa' xk'ab'a' laaloq'al, xb'aan naq q'axtesinb'ileb' aawe Jerusalén ut laatenamit».

Isaías 51:19

Ani xraho'k xch'ool chawix naq xchalk li wiib' chi rahilal sa' aab'een: xatjuk'e'k ut xatrahob'tesiik, xattz'okaak ut xatkamk xb'aan li yalok? Ma wank tab'i' junaq xk'ojob'ank re laawaanm?

Salmos 12:1

Re li xjolomileb' laj b'ichanel. Rik'ineb' li wajb' waqxaqitq li ru. Xsaalm laj David.

Éxodo 34:9

“At Qaawa', at inYos, wi relik chi yaal naq usilal xintaw chawu, chalqat qik'in, us ta laa'o jun tenamit kaw qajolom -chan laj Moisés-. Chakuy chasach li qamaak ut li qamaa'usilal, ut choohaak'ul cho'q tz'aqal aaweechanihom”.

Joel 2:17

Sa' xyanq li neb'aal rik'in li artal yaab'aqeb' laj tij li neke'k'anjelak chiru li Yos, ut te'xye: “Kuy xmaakeb' laatenamit, at Qaawa', ut maakanab'eb' chi se'eek xb'aaneb' li xik' neke'ilok re. Ink'a' taxaq te'xye eb' li junch'ol chik: «B'ar wank li xYoseb'?»”.

Amós 4:9

“Xexinrahob'tesi rik'in tiqwal iq' ut motzo'; xchaqik leerawimq ut lee'uub', ut eb' laj saak' xe'xchoy lee'oliiw ut lee'iig. Ab'anan laa'ex ink'a' xexsutq'iik chaq wik'in”, chan li Qaawa'.