Amós 7:13 - Q'eqchi Bible

¹³ ab'an mat-aatinak chik jo' propeet arin Betel, xb'aan naq a'in xnimal ru rochoch li Yos, a'in li na'ajej naloq'onink wi' li awab'ej”.

Li Santil hu

¹³ Ut matchal chic arin Bet-el chixyebal ra̱tin profeta xban nak li naꞌajej aꞌin, aꞌan li nalokꞌonin cuiꞌ li rey ut arin ajcuiꞌ cuan li rochoch, chan.

Amós 7:13 ပူးပေါင်းရင်းမြစ်များ

Amós 2:12

“A'ut laa'ex xekaltesiheb' laj nasireo ut xeq'useb' li propeet naq ink'a' te'aatinaq sa' ink'ab'a'.

1 Reyes 12:32

Chirix chik a'an kixxaqab' xkutankil li ninq'e li taawanq sa' li o'laju xb'e li xwaqxaq po, jo' chanru neke'ninq'ehik eb' laj Judá. Ut koxmayejaq chiru li artal aran Betel, sa' xk'ab'a'eb' li wakax kixyiib'. Aran Betel kixxaqab'eb' ajwi' aj tij cho'q reheb' li tijob'aal kixyiib' sa' xjolomeb' li tzuul.

1 Reyes 12:29

Toja' naq kixkanab' jun sa' li na'ajej Betel ut li jun chik kixkanab' chaq sa' li na'ajej Dan.

1 Reyes 13:1

Naq laj Jerobohán xaqxo chiru li artal, ak ok raj re chi xk'atb'al pom, kiwulak aran Betel jun li propeet aj Judá taqlanb'il xb'aan li Qaawa'.

Hechos 5:40

Toja' naq ke'xb'oq wi' chik eb' li apóstol ut naq ak xe'xrapeb' chi tz'uum, ke'xchaq'rab'iheb' naq me'aatinak sa' xk'ab'a' li Jesus. Ut ke'rach'ab'eb'.

Hechos 5:28

—Ma ink'a' tab'i' xexqachaq'rab'i chi kaw naq tik ink'a' teetzoleb' li tenamit sa' li k'ab'a'ej a'an? Ut laa'ex xenujob'resi Jerusalén rik'in leek'utum ut teeraj xteneb'ankil sa' qab'een li xkik'el li winq a'an, chan reheb'.

Isaías 30:10

Neke'xye reheb' li neke'ilok moy u: “Mat-ilok chik moy u”; ut neke'xye reheb' li propeet: “Maaye li yaal qe, ye b'an li q'axal sa rab'inkil, us ta moko yaal.

Amós 3:14

Sa' li kutan naq teb'ink'e laj Israel chi xtojb'al rix li xmaakeb', tinsacheb' li artal re Betel; tinjor eb' li xxukub' li artal ut teb'inkut chi ch'och'el.

Amós 5:5

Mexxik chi loq'onink aran Betel; mineesik' aran Kilkal chi moko chexnume'q Berseba, xb'aan naq eb' laj Kilkal te'k'ame'q sa' najtil tenamit ut Betel taakanab'aaq cho'q po'lem”.

Amós 7:9

Te'juk'manq eb' li xtijob'aal laj Isahak, te'sachmanq li xmuheb'aaleb' laj Israel, ut tinwakliiq chi yalok rik'ineb' li ralal xk'ajol laj Jerobohán”.

Amós 7:16

Ut anaqwan ab'i li raatin li Qaawa'. Laa'at nakaye: «Mat-aatinak jo' propeet chirixeb' laj Israel; mik'a' aaye chi kaw chirixeb' li ralal xk'ajol laj Isahak».

2 Reyes 14:24

A'in kixb'aanu li ink'a' nawulak chiru li Qaawa' ut ink'a' kixkanab' xb'aanunkil chixjunil li xmaak laj Jerobohán, ralal laj Nebat, naq kixk'eheb' chi maakob'k eb' laj Israel.

Jeremías 26:9

K'a'ut naq xaye sa' xk'ab'a' li Qaawa' naq li ochoch a'in taakanaaq jo' Siló, ut Jerusalén taajuk'manq chi maajun chik poyanam taakanaaq chisa'?”. Ut chixjunileb' li poyanam ke'xtuub' rib' sa' rochoch li Yos chi xsutb'al laj Jeremías.