Amós 6:1 - Q'eqchi Bible

¹ Ra chaalel sa' xb'eeneb' li sa wankeb' aran Sión ut li k'ojk'ookeb' xch'ool chi wank sa' li xtzuulul Samaria, eb' li ninqeb' xwankil sa' li nimla tenamit li neke'xkawu wi' xch'ooleb' laj Israel.

Li Santil hu

¹ Raylal ta̱cha̱lk saꞌ xbe̱neb li sa cuanqueb aran Sión. Raylal ta̱cha̱lk saꞌ xbe̱neb li cꞌojcꞌo̱queb xchꞌo̱l chi cua̱nc saꞌ li tzu̱l Samaria. Aꞌaneb li cuib chi tenamit li kꞌaxal nim xcuanquil saꞌ xya̱nkeb chixjunileb. Ut junes riqꞌuineb aꞌan cauheb xchꞌo̱l chixjunileb laj Israel.

Amós 6:1 ပူးပေါင်းရင်းမြစ်များ

Santiago 5:5

Sa naq kexwank sa' ruuchich'och' chi xb'aanunkil li jo'maajo'il na'leb': kech'oolani eerib' chi us cho'q re xkutankil li xnimal kamsink!

Amós 4:1

Ab'ihomaq li aatin a'in, ex rixqilal Samaria, chanchanex li ninqi wakax li wankeb' Basán. Laa'ex nekerahob'tesi eb' li neb'a', neketawasiheb' li toq'ob'aal ruheb' ut nekepatz' eeb'iin reheb' leeb'eelom re texkalaaq.

Sofonías 1:12

“Sa' li kutan a'an tinxok linsaqenk ut tinpoqle li tenamit Jerusalén. Toja' naq tink'eheb' chi xtojb'al li xmaakeb' li k'ojk'ookeb' xch'ool ut sa yookeb' chi hilank, eb' li neke'yehok sa' xch'ooleb': «Li Qaawa' maak'a' naxb'aanu: chi moko li us chi moko li ink'a' us».

Jueces 18:7

Toja' naq eb' li oob' chi winq koheb' ut ke'wulak Lahis. Aran ke'xk'e reetal naq eb' li xpoyanamil li na'ajej a'an wankeb' sa' xyaalal, jo' k'aynaqeb' wi' laj Sidón, ut k'ojk'ookeb' xch'ool chi maak'a' k'oxlak. Maak'a' namajelo'k reheb' ut maa'ani nach'i'ch'i'ink reheb'. Najt wankeb' rik'in Sidón ut ink'a' neke'xnaw rib' rik'ineb' laj Aram.

Santiago 1:18

A'an sa' xch'ool x'alaak qayoob'tesinkil rik'in li Aatin re li yaal, re naq laa'ohaq jo' xb'een ru li awimq sa' li xyoob'tesihom.

Jeremías 49:31

Xaqlinqex ut ayuqex chi xchapb'al li tenamit wank sa' tuqtuukilal, li maak'a' naxk'oxla -chan li Qaawa'-; moko sutsu ta chi tz'akil chi moko wankeb' rokeb'aal, ut xjunes wank.

Isaías 33:14

Xsachk xch'ooleb' laj maak li wankeb' Sión, k'ajo' naq kichalk xxiweb' li ink'a' useb' xna'leb': “Ani qe tixkuy wank sa' li xam nasachok? Ani taaruuq chi wank sa' li xam li ink'a' nachupk?”, chankeb'.

1 Pedro 5:7

Q'axtesihomaq sa' ruq' li Yos chixjunil li k'a'uxl wi' eech'ool, xb'aan naq A'an na'ilok eere.

Amós 8:14

Eb' li neke'xye xjurament sa' xk'ab'a' li xyoseb' laj Samaria, eb' li neke'yehok: «Sa' xk'ab'a' laayos, a Dan», malaj: «Sa' xk'ab'a' laayos, a Berseba», te'oso'q ut maajun wa chik te'wakliiq chaq”.

Jeremías 7:4

Meeb'alaq'i eerib' chi xyeeb'al: Arin wank rochoch li Qaawa', waayi' li rochoch li Qaawa', a'in li rochoch li Qaawa'!

1 Reyes 16:24

Laj Omrí kixloq' li xtzuulul Samaria chiru laj Sémer chi oxib' o'q'ob' chi tumin plaat. Kixkawub'resi li na'ajej ut aran kikab'lak: Samaria kixk'e cho'q xk'ab'a' li tenamit sa' xk'ab'a' laj Sémer, laj eechal re xb'enwa li na'ajej.

Lamentaciones 1:1

Toq'ob' xaq ru li tenamit Jerusalén! Xnimal ru tenamit naq kiwank sa' xyanqeb' chixjunil li tenamit, ut k'ajo'eb' li poyanam ke'wank chisa'; ab'an anaqwan xkanaak sa' junaatalil, chanchan aj chik jun xmalka'an xkanaak. Junxil Jerusalén nataqlank sa' xb'eeneb' li tenamit, ut anaqwan a'an chik minb'il ru chi k'anjelak.

Jeremías 48:11

Mohab sa wank ut sa' tuqtuukilal chalen sa' li xsaajilal; maajun wa x'isiik sa' li xna'aj re ta xk'ame'k sa' jalanil tenamit. Chanchan li b'iin li ink'a' najalyaak li xna'aj, jo'kan naq ink'a' najalaak xsahil jo'wi' li xsununkil.

Salmos 123:4

K'ajo' naq xootitz'k chi hob'e'k xb'aaneb' li sa wankeb'; jwal nim li qatz'eqtaanankil xb'aaneb' li q'etq'eteb'.

Amós 3:2

“Ka'ajwi' laa'ex xinsik' eeru sa' xyanqeb' chixjunileb' li tenamit sa' ruuchich'och'. Jo'kan naq texink'e chi xtojb'al rix leek'iila maak”.

Amós 3:9

Yehomaq a'in sa'eb' li xchaq'alil ru rochocheb' laj Asdod; puktesihomaq resil sa'atqeb' li xch'ina'usal ochoch re Ejiipt: “Ch'utub'omaq eerib' sa'eb' li xtzuulul Samaria re teeril li k'iila rahilal nawank sa' li tenamit a'an ut k'ajo' li maa'usilal neke'xb'aanu aran”.

Amós 5:27

Jo'kan naq anaqwan texink'am toj junpak'al Damaask”, chan li Qaawa', li Nimajwal Yos.

Proverbios 1:32

Eb' li ink'a' neke'xnaw k'oxlak neke'kamk, xb'aan naq ink'a' neke'raj xk'ulb'al li xna'leb'eb'; ut eb' li jip neke'sachk xb'aan naq ink'a' neke'xk'e xch'ool chi tzolok.

Jeremías 2:3

Xsantil tenamit li Qaawa' naq kexwank chiwu, ex aj Israel, chanchanex li xb'een ru li awimq cho'q we. Jo'kan naq chixjunileb' li ke'rahob'tesink eere, laa'in kintaqla li rahilal sa' xb'eeneb'”, chan li Qaawa'.

Jeremías 5:5

Tinxik rik'ineb' li ninqeb' xwankil ut twaatinaheb', xb'aan naq eb' a'an neke'xnaw li xb'e li Qaawa' ut tzolb'ileb' chi us sa' li xchaq'rab' li xYoseb'”. Ab'anan juntaq'eet ajwi' xwil aran: xe'xq'etq'eti ajwi' rib' a'an chiru li Qaawa' ut ink'a' xe'raj ab'ink.

Amós 9:10

Chi q'esnal ch'iich' te'kamje'q chixjunileb' laj maak sa' lintenamit, eb' li neke'yehok: «Maak'a' rahilal tqak'ul; chi moko junaq raaxiik' taatawoq qe», chankeb'”.

Miqueas 3:1

Ut laa'in xinye: “Ab'ihomaq anaqwan, laa'ex xjolomileb' laj Jakob; ab'ihomaq laa'ex li nekextaqlank sa' xb'eeneb' li ralal xk'ajol laj Israel. Ma ink'a' tab'i' sa' eeb'een wank xnawb'al k'aru li tiikilal?