Amós 5:8 - Q'eqchi Bible

^8-9 Li Qaawa', a'an li kiyiib'ank reheb' li k'iila chahim, Pléyades ut Oryón li xk'ab'a'eb', ut aak'ab' naxkanab' wi' li kutan. A'an naxjunaji li xha'el li palaw ut naxpaji chaq sa' xb'een li ruuchich'och'. A'an li nasachok xwankil eb' li kaweb' rib' ut naxjuk' li kawub'resinb'il tenamit. Li xk'ab'a' a'an Qaawa'.

Li Santil hu

⁸ Li Ka̱cuaꞌ, aꞌan li quiyi̱ban re li qꞌuila chahim joꞌ li chahim Pléyades ut li chahim Orión. Aꞌan naxsukꞌisi li kꞌojyi̱n chokꞌ cutan ut naxsukꞌisi ajcuiꞌ li cutan chokꞌ kꞌojyi̱n. Aꞌan naxchꞌutub li haꞌ li cuan saꞌ eb li palau ut naxqꞌue li hab saꞌ xbe̱n li ruchichꞌochꞌ. Aꞌan Ka̱cuaꞌ lix cꞌabaꞌ.

Amós 5:8 ပူးပေါင်းရင်းမြစ်များ

Amós 4:13

Xb'aan naq a' li Qaawa' nak'uub'ank reheb' li tzuul, ut a'an nayoob'ank re li iq'. A'an naxk'ut chiru li winq ut li ixq li k'aru wank sa' xch'ool, ut naxsutq'isi li saqenk cho'q aak'ab'. A'an naxb'eeni eb' li tzuul sa' chixjunil li ruuchich'och': li Qaawa', li Nimajwal Yos naxk'ab'a'in.

Li xHu LAJ JOB 9:9

Kixyiib' chixjunileb' li chahim ut kixjunajiheb' chi ch'uutal: li xnimal Tz'uqtz'un, li Oryón ut li Pléyades xk'ab'a'eb'; jo' ajwi' eb' li chahim li wankeb' sa' releb'l iq'.

Amós 9:6

Li Qaawa' kixyiib' li xmuheb'aal sa' choxa ut kixk'ojob' li kupku sa' xb'een li ruuchich'och'. A'an naxch'utub' li xha'el li palaw ut naxhoy chaq sa' xb'een li ruuchich'och'. Li xk'ab'a' a'an Qaawa'.

Amós 8:9

“Sa' li kutan a'an -chan li Qaawa' Yos- tink'e chi aak'ab'o'k ru li kutan ut taachalq li q'oqyink sa' wa'leb'.

Salmos 104:20

Nakataqla chaq li aak'ab', ut naq'oqyino'k: neke'elk chi b'eek chixjunileb' li xul sa' li k'iche'.

Salmos 105:28

Kixtaqla li aak'ab', ut kiwank li aak'ab'; a'ut eb' a'an ke'xq'etq'eti rib' chiru li raatin.

Li xHu LAJ JOB 12:22

Naxk'eheb' chi nawe'k li tz'aptz'ookil na'leb' ut narisi chi kutankil li k'aru wank sa' aak'ab'.

San Lucas 1:79

re xkutanob'resinkil li wankeb' sa' aak'ab' ut sa' xmuheel li kamk, ut re xb'eresinkil li qoq sa' xb'ehil li tuqtuukil usilal”.

San Mateo 4:16

Li tenamit li wankeb' chaq sa' li aak'ab' ke'ril jun xnimal ru saqenk, ut li wankeb' chaq sa' xq'oqyinkil li kamk jun li saqenk kikutano'k sa' xb'eeneb'”.

Isaías 59:10

Yal xqamayu aj chik ru li tz'ak naq xoob'eek, chanchan tawi' naq ink'a' nokoo'ilok. Xootichk'ok chi b'eek sa' wa'leb' jo' tawi' sa' aak'ab' wanko; us ta kaweb' li qoq quq', xoowank kama'eb' li kamenaq.

Isaías 42:16

Tink'ameb' li mutz' sa' junaq b'e ink'a' numenaqeb' chisa', ut tinb'eresiheb' sa' junaq na'ajej b'arwi' toj maji' wanjenaqeb'. Chiruheb' a'an tinsutq'isi li aak'ab' cho'q saqenk, ut eb' li julux b'e te'kanaaq chi nat'anb'ak ru. Chixjunil li k'a'aq re ru a'in tinb'aanu; relik chi yaal naq tinb'aanu chi junpaat”, chan li Qaawa'.

Li xHu LAJ JOB 38:34

Ma naru tab'i' taaye reheb' li choql naq te'xtaqla chaq li hab' sa' ruuchich'och'?

Li xHu LAJ JOB 37:13

a' yaal ma re xrahob'tesinkil li ruuchich'och' malaj re rosob'tesinkil.

Jeremías 16:21

“Jo'kan naq anaqwan tink'ut chiruheb' linloq'al ut linwankil, re naq te'xnaw naq Nimajwal Yos nink'ab'a'in”, chan li Qaawa'.

Jeremías 33:2

“Jo'ka'in xye li Qaawa', li kixk'uub' li ruuchich'och', kixyiib' ut kixk'ojob' chi junajwa sa' xna'aj; li xk'ab'a' a'an Qaawa':