Amós 5:6 - Q'eqchi Bible

⁶ Sik'omaq li Qaawa' ut taawanq eeyu'am; mare anchal jo' li xam naq taachalq sa' xb'eeneb' laj José ut maajun sa' xyanqeb' laj Betel taaruuq taachupuq re.

Li Santil hu

⁶ —Sicꞌomakin ban la̱in, chan li Ka̱cuaꞌ, ut ta̱cua̱nk le̱ yuꞌam chi tzꞌakal, xban nak cui incꞌaꞌ tine̱sicꞌ, tinrakok a̱tin saꞌ e̱be̱n. Chanchan xam tintakla chak nak tinrakok a̱tin saꞌ e̱be̱n la̱ex laj Israel. Chixjunileb teꞌcꞌatekꞌ xban li xam ut ma̱ ani junak saꞌ xya̱nkeb laj Bet-el ta̱ru̱k ta̱chupuk re li xam, chan li Dios.

Amós 5:6 ပူးပေါင်းရင်းမြစ်များ

Isaías 55:6

“Sik'omaq li Qaawa' naq toj naru xtawb'al; b'oqomaq A'an naq toj wank chi nach'.

Amós 5:14

Sik'omaq li chaab'ilal ut maawa' li ink'a' us, re naq twanq eeyu'am. Wi teeb'aanu chi jo'kan, relik chi yaal naq li Nimajwal Yos twanq eerik'in jo' nekeye laa'ex.

Amós 5:4

Xb'aan naq jo'ka'in kixye li Qaawa' reheb' laj Israel: “Sik'omaqin laa'in ut taawanq eeyu'am.

Ezequiel 33:11

Ab'anan, sa' xk'ab'a' linloq'al, laa'in li Qaawa' ninye li waatin naq ink'a' nawaj li xkamik laj maak, nawaj b'an naq tixyot' xch'ool tixjal xk'a'uxl ut wanq xyu'am. Ex aj Israel, jalomaq leek'a'uxl, kanab'omaq xb'aanunkil li maa'usilal. K'aru aj e naq texkamq?

Zacarías 10:6

“Laa'in tink'e xkawub' xch'ooleb' laj Judá ut tintenq'aheb' li ralal xk'ajol laj José. Tink'ameb' chaq wi' chik sa' li xtenamiteb' xb'aan naq nawil xtoq'ob'aal ruheb'; chanchan naq maajun sut xintz'eqtaanaheb', xb'aan naq laa'in li Qaawa' li xYoseb' ut nink'ul li xtijeb'.

Amós 6:6

Nekex'uk'ak b'iin sa'eb' li xninqal sek' ut nekeyul eerib' sa' sununkil b'an jwal chaab'il; ab'an maak'a' nekeraj wi' li xrahilaleb' laj José.

Ezequiel 37:19

ye reheb': «Jo'ka'in xye li Qaawa': Laa'in tinchap li xche' laj José, li wank sa' ruq' laj Efraín jo' ajwi' sa' ruq'eb' laj Israel li xe'okenk chirix, ut tinjunaji rik'in li xche' laj Judá re naq junajaq aj chik chi che' sa' wuq'».

Jeremías 7:20

Jo'kan naq li Qaawa' xye chi jo'ka'in: Twisi linjosq'il sa' xb'een li na'ajej a'in, sa' xb'eeneb' li xpoyanamil ut eb' li xul, sa' xb'eeneb' li che' ut eb' li awimq. Ut linjosq'il chanchanaq li choqlenk li ink'a' naru xchupb'al”, chan li Qaawa'.

Jeremías 4:4

Ex poyanam aj Judá ut aj Jerusalén, q'axtesihomaq eerib' re li Qaawa' Yos, ut k'ehomaq sa' leech'ool li reetalil linSumwank. Mare anchal taachalq injosq'il jo' li xam ut taa'ok chi sachok, chi maajun chik taaramoq re, xb'aan li k'iila maa'usilal nekeb'aanu.

Isaías 1:31

Li winq jwal kaw rib' kama'aq aj chik li k'im, ut li k'anjel naxb'aanu chanchanaq aj chik li chik'che': chi xkab'ichaleb' te'oso'q sa' xam ut maajun taaruhanq chi chupuk re li xam a'an”.

1 Reyes 11:28

kixk'e reetal naq kaw rib' li winq a'an, a' laj Jerobohán, ut q'axal naxnaw jolomink. Laj Salomón kiril naq li saaj al a'an jwal naxnaw li k'anjel naxb'aanu; jo'kan naq kixk'e cho'q xjolomileb' chixjunileb' li xteepal li ralal xk'ajol laj José.

2 Samuel 19:20

xb'aan naq ninxooto linmaak, ut laa'in li xb'een reheb' laj José li xinkub'e chaq sa' li kutan a'in re aak'ulb'al, at eechal we”.

Josué 18:5

Eb' li winq a'an te'xjachi li ch'och' sa' wuqub' jachal. Eb' laj Judá te'kanaaq sa' xna'ajeb', sa' xjayal rokeb'l iq', ut eb' li ralal xk'ajol laj José te'kanaaq sa' xna'ajeb', sa' xjayal releb'l iq'.

Deuteronomio 4:24

xb'aan naq li Qaawa' leeYos a'an jun xam nasachok ut jun Yos aj sowen.

Éxodo 22:6

“Naq nanimank li xam ut naxtaw li k'ix ru, wi tixk'at li q'olom, li triiw malaj li ch'och', li xchoqlenk re tento tixtoj jo'nimal li xk'atk.

Salmos 27:8

“Chasik' xnaq' ru”, chan we linch'ool. Relik chi yaal, a' li xnaq' aawu ninsik', at Qaawa'; maamuq chiwu li xnaq' aawu!

Isaías 55:3

Chex'ab'inq ut kimqex wik'in; ab'ihomaqin ut taawanq eeyu'am. Xb'aan naq tink'ojob' eerik'in jun junelik sumwank, ut chi jo'kan tinb'aanu li kinyeechi'i re laj David sa' xk'ab'a' linrahom.

Amós 3:14

Sa' li kutan naq teb'ink'e laj Israel chi xtojb'al rix li xmaakeb', tinsacheb' li artal re Betel; tinjor eb' li xxukub' li artal ut teb'inkut chi ch'och'el.

Sofonías 2:3

Sik'omaq li Qaawa' chejunilex li kub'enaq eewankil sa' li ruuchich'och' a'in, jo'k'ihalex li nekexpaab'ank re li xchaq'rab'. K'anjelahomaq li tiikilal ut li q'unil ch'oolej: mare anchal texkole'q sa' xkutankil li xjosq'il li Qaawa'.

Deuteronomio 32:22

Xb'aan naq yo xxamlel injosq'il ut cham taaxik xtiqwal, toj sa' xchamal li xb'alb'a! Taa'oso'q li ch'och' jo'wi' li awimq wank chiru, ut taak'atq li xtoonaleb' li tzuul.

2 Crónicas 34:25

xb'aan naq kine'xtz'eqtaana ut ke'ok chi k'atok pom chiruheb' jalan chik yos. Ke'xchiq' injosq'il rik'in chixjunil li k'aru ke'xyiib'. Jo'kan naq k'ajo' linjosq'il sa' xb'een li na'ajej a'in ut maajoq'e taach'anaaq.

Salmos 69:33

Naq te'ril a'an eb' li neb'a', q'axal te'saho'q xch'ool, ut taawanq xkawub' xch'ooleb' li neke'sik'ok re li Yos!

Jeremías 38:20

Laj Jeremías kixye re: “At awab'ej, laa'at ink'a' tatq'axtesiiq sa' ruq'eb' a'an. Paab' li naxye aawe li Qaawa' chi xtz'uumal we. Us tat-elq chi jo'kan ut taakol laayu'am.

Ezequiel 21:3

ut ye reheb': «K'ehomaq reetal naq xik' chik nekexwil. Twisi chaq linq'esnal ch'iich' ut tinkamsi li tiik xch'ool jo'wi' laj maak.