Amós 5:4 - Q'eqchi Bible

⁴ Xb'aan naq jo'ka'in kixye li Qaawa' reheb' laj Israel: “Sik'omaqin laa'in ut taawanq eeyu'am.

Li Santil hu

⁴ Ut quixye ajcuiꞌ li Ka̱cuaꞌ reheb laj Israel: —Sicꞌomakin la̱in ut ta̱cua̱nk e̱yuꞌam chi tzꞌakal.

Amós 5:4 ပူးပေါင်းရင်းမြစ်များ

2 Crónicas 15:2

li ki'elk chi xk'ulb'al laj Asá ut kixye re: “Ab'ihomaqin, a Asá ut chejunilex laa'ex aj Judá ut aj Benjamín! Li Qaawa' taawanq eerik'in wi laa'ex wanqex rik'in. Wi nekesik' li Yos, A'an tixk'e rib' chi tawe'k; ab'anan wi' neketz'eqtaana, texxtz'eqtaana ajwi' A'an.

Sofonías 2:3

Sik'omaq li Qaawa' chejunilex li kub'enaq eewankil sa' li ruuchich'och' a'in, jo'k'ihalex li nekexpaab'ank re li xchaq'rab'. K'anjelahomaq li tiikilal ut li q'unil ch'oolej: mare anchal texkole'q sa' xkutankil li xjosq'il li Qaawa'.

Salmos 14:2

Li Qaawa' toj sa' choxa narileb' chaq li poyanam: ma wank tana junjunqaq li wank xna'leb', junaq taxaq li nasik'ok re li Yos.

Isaías 55:3

Chex'ab'inq ut kimqex wik'in; ab'ihomaqin ut taawanq eeyu'am. Xb'aan naq tink'ojob' eerik'in jun junelik sumwank, ut chi jo'kan tinb'aanu li kinyeechi'i re laj David sa' xk'ab'a' linrahom.

San Mateo 7:8

Xb'aan naq chixjunil li natz'aamank nak'uluk; li nasik'ok natawok, ut li nab'oqok chire kab'l natehe'k chiru.

1 Crónicas 28:9

Ut laa'at Salomón, at walal, chanaw ru li xYos laayuwa' ut tatk'anjelaq chiru chi chaab'il ut chi anchal aach'ool, xb'aan naq li Qaawa' nalajxtz'ili li xch'ool chixjunileb' ut ch'olch'o chiru li xk'a'uxl ut xna'leb' li junjunq. Wi laa'at taasik' li Yos, a'an tixk'ut rib' chawu; ab'an wi taatz'eqtaana, a'an tatxtz'eqtaana ajwi' laa'at chi junajwa.

2 Crónicas 20:3

K'ajo' naq kichalk xxiw laj Josafat: kiraj xik chi patz'ok rik'in li Qaawa' ut kixtaqla resil li ayuunik sa' xsutam Judá.

Amós 5:6

Sik'omaq li Qaawa' ut taawanq eeyu'am; mare anchal jo' li xam naq taachalq sa' xb'eeneb' laj José ut maajun sa' xyanqeb' laj Betel taaruuq taachupuq re.

Salmos 69:32

A'an q'axal tixk'ulub'an wi' chik ru li Qaawa' chiru junaq wakax, malaj chiru junaq ral wakax li wanq xxukub' ut rixi'ij.

Salmos 27:8

“Chasik' xnaq' ru”, chan we linch'ool. Relik chi yaal, a' li xnaq' aawu ninsik', at Qaawa'; maamuq chiwu li xnaq' aawu!

Salmos 22:26

Tinnima aawu sa' li nimla ch'utam; chiruheb' chixjunil li neke'paab'ank aawe tink'e jo'nimal li xinyeechi'i sa' jurament.

2 Crónicas 34:3

Ak waqxaqib' chihab' rokik cho'q awab'ej chi toj saaj ajwi', laj Josías kixtikib' xsik'b'al li xYos laj David li xyuwa'; ut naq yo chik xkab'laju chihab', kixtikib' risinkileb' li tijob'aal wankatqeb' chi tzuul sa' xteepal Judá ut Jerusalén, jo' ajwi' eb' li xjalam u lix Aserá ut eb' li jalanil yos yiib'anb'ileb' rik'in ha'lesinb'il ch'iich' ut pek.

Deuteronomio 4:29

Ab'an wi aran teesik' li Qaawa' leeYos chi anchal leech'ool ut chi anchal leeraanm, relik chi yaal naq teetaw.

Deuteronomio 32:46

kixye ajwi' reheb': “Chek'e reetal chixjunil li xexintaqla wi' sa' li kutan a'in. Chechaq'rab'iheb' leeralal eek'ajol re naq te'xk'e xch'ool chi xk'anjelankil ru chixjunil li raatinul li Chaq'rab' a'in.

Deuteronomio 32:47

Xb'aan naq a'an maawa' yal aatin li maak'a' ta taa'ok wi' eere, a'an b'an eeyu'am: sa' xk'ab'a' li Chaq'rab' a'in taanajto'q roq leeyu'am sa' li ch'och' toxeereechani junpak'al li nima' Jordán”, chan laj Moisés.

Isaías 31:1

Ra chaalel sa' xb'eeneb' li neke'xik Ejiipt chi xpatz'b'al xtenq'ankileb', eb' li neke'xk'ojob' xch'ooleb' chirix li xk'iila kawaayeb' ut b'eleb'aal ch'iich'eb', eb' li kaweb' xch'ool xb'aan naq naab'aleb' naq neke'b'eek chirix kawaay, ab'anan ink'a' neke'xsik' li Qaawa' ut maak'a' royb'enihomeb' rik'in li xSant laj Israel.

Ezequiel 18:9

naxb'aanu li naxye linchaq'rab' ut naxpaab' li waatin, jo' chanru xk'ulub' li yaal. Relik chi yaal naq li winq a'an, jwal tiik xch'ool ut taawanq xyu'am -chan li Qaawa'-.

2 Reyes 20:3

“At Qaawa', jultikaq taxaq aawe naq xinwank chawu sa' chaab'ilal ut chi tiik ru linyu'am, ut xinb'aanu li nawulak chawu”. K'ajo' naq kiyot'e'k xch'ool laj Esekías chi yaab'ak.

2 Crónicas 20:4

Ut chixjunileb' laj Judá ke'xch'utub' rib' chi tz'aamank chi elajink chiru li Qaawa'.

Salmos 69:33

Naq te'ril a'an eb' li neb'a', q'axal te'saho'q xch'ool, ut taawanq xkawub' xch'ooleb' li neke'sik'ok re li Yos!

Jeremías 38:20

Laj Jeremías kixye re: “At awab'ej, laa'at ink'a' tatq'axtesiiq sa' ruq'eb' a'an. Paab' li naxye aawe li Qaawa' chi xtz'uumal we. Us tat-elq chi jo'kan ut taakol laayu'am.

Oseas 10:12

Inyehom eere: «Wi teeraw li tiikilal, teeq'ol li chaab'ilal usilal. Chapomaq li ch'och' re li awk ut k'alenqex. Ak xq'ehil anaqwan xsik'b'al li Qaawa', re naq A'an taachalq eerik'in chekolb'al jo' naq nachalk li loq'laj hab'».