Amós 5:22 - Q'eqchi Bible

²² Wi nekemayeja leek'atb'il xul ut leeyeechi'om, laa'in ink'a' tink'ul; chi moko nawulak chiwu naq nekemayeja leeninqi wakax chirix li k'amok ib' sa' usilal.

Li Santil hu

²² Usta nequemayeja li cꞌatbil xul re xqꞌuebal inlokꞌal ut nequemayeja li ru le̱ trigo, abanan incꞌaꞌ nacuulac chicuu. Usta te̱mayeja li ral li cuacax, li nim xtibel re xcꞌambal cuiꞌchic e̱rib saꞌ usilal cuiqꞌuin, abanan la̱in incꞌaꞌ tincꞌul.

Amós 5:22 ပူးပေါင်းရင်းမြစ်များ

Isaías 66:3

Ab'anan wankeb' li neke'mayejak teelom wakax, ut neke'xkamsi ajwi' junaq winq; neke'xxeq' junaq karneer, ut neke'xch'ot ajwi' xkux junaq tz'i'; neke'mayejak triiw, ut neke'xyeechi'i ajwi' xkik'el li aaq; neke'k'atok k'ajpom chiwu, ut neke'xloq'oni ajwi' li jalanil yos. Eb' li xe'sik'ok re li jo'maajo'il na'leb' a'in q'axal sa sa' xch'ooleb' chi xb'aanunkil chixjunil a'an.

Salmos 116:17

Tinmayejaq chawu re b'anyoxink ut tinloq'oni laak'ab'a'.

Salmos 50:23

Li mayej naxk'e inloq'al, a'an jun ch'oolej li naxnaw yoxink. Chinaapaab', ut laa'in tatinkol”.

Levítico 7:11

“A'an a'in li chaq'rab' chirix li mayej re li k'amok ib' sa' usilal rik'in li Yos, a' li naq'axtesimank chiru li Qaawa':

Salmos 40:6

At Qaawa', at inYos, naab'al li sachb'ach'oolej xab'aanu, k'ajo' xk'ihal li xninqal ru aak'a'uxl chiqix: maajun truuq xjuntaq'eetankil rib' aawik'in! Nawaj raj xyeeb'al resil ut xpuktesinkil, ab'an ink'a' ninruhank chi rajlankileb'.

Proverbios 21:27

Li Qaawa' naxtz'eqtaana li xmayejeb' li ink'a' useb' xch'ool. Ma toja' ta chik naq yal kab' rix xch'ooleb' naq neke'xk'e?

Isaías 1:11

“K'aru aj e we leek'iila mayej? Jwal xintitz'k xb'aan leekarneer nekek'at chiwu, ut ninyib' li xk'iila xeeb'ul leewakax. Li xkik'eleb' li wakax ut eb' li chib'aat ink'a' nawulak chiwu.

Jeremías 6:20

K'aru na'ok wi' we li k'ajpom re Sabá ut li sununkil b'an chalenaq sa' najtil tenamit? Laa'in ink'a' nawulak chiwu leek'atb'il mayej chi moko naxk'ul wu li k'a'aq chik ru nekeyeechi'i we”.

Jeremías 7:21

Jo'ka'in ki'aatinak li Qaawa', li Nimajwal Yos, li xYos laj Israel, reheb' li xtenamit: “Yeechi'ihomaq ut k'atomaq chixjunil leemayej li teeraj, ut tzekahomaq li tib' a'an.

Jeremías 14:10

Jo'ka'in kixye li Qaawa' chirix li tenamit Israel: “Li tenamit a'in q'axal nawulak chiru xb'eeninkil rib' yalaq b'ar; ink'a' neke'hilank junpaataq. Jo'kan naq moko sa ta sa' inch'ool chirixeb'. Anaqwan ok we chi xjultikankil li xmaakeb' ut tink'eheb' chi xtojb'al rix a'an”.

Amós 5:23

Isihomaq chiwu xyaab' leek'iila b'ich! Ink'a' nawaj rab'inkil li xyaab' lee'aarp!

Malaquías 1:9

“Anaqwan tz'aamahomaq rusilal li Yos sa' qab'een re naq taaruxtaana qu. Ab'anan chanru naq taaril xtoq'ob'aal eeru naq yookex chi xyeechi'inkil a'an? -chan li Nimajwal Yos-.

1 Samuel 15:22

Toja' naq kixye laj Samuel: “Ma rik'in tab'i' k'atb'il mayej ut eeyeechi'om nak'ojlaak xch'ool li Qaawa'? Malaj a' li xpaab'ankil li raatin a'an li q'axal nawulak chiru? Jwal us paab'ank chiru mayejak, jwal loq' ab'ink chiru li xxeeb'ul li karneer.

Proverbios 15:8

Li Qaawa' xik' naril li xmayejeb' li ink'a' useb' xch'ool; ab'an naxk'ul chi anchal xch'ool li xtijeb' li chaab'ileb' xyu'am.