Amós 5:13 - Q'eqchi Bible

¹³ Jo'kan naq ani wank xna'leb' ink'a' na'aatinak anaqwan, xb'aan naq moko chaab'ileb' ta li kutan a'in.

Li Santil hu

¹³ Joꞌcan nak li ani cuan xnaꞌleb, cui x-ux raylal re, incꞌaꞌ ta̱xic chi jitoc xban nak saꞌ eb li cutan aꞌin incꞌaꞌ nequeꞌrakoc a̱tin saꞌ xya̱lal.

Amós 5:13 ပူးပေါင်းရင်းမြစ်များ

2 Timoteo 3:1

Chanawaq naq sa' roso'jikeb' li kutan wank honal q'axal ch'a'ajkaq xnumsinkil.

Miqueas 2:3

Jo'kan naq li Qaawa' xye chi jo'ka'in: “Laa'in ajwi' xink'uub' jun rahilal cho'q eere. Tintaqla sa' eeb'een jun rahilal li ink'a' texruuq wi' xkolb'al eerib'; ut ink'a' chik texb'eeq chi wanq eewankil, xb'aan naq chalk re xkutankil li sachok.

Oseas 4:4

Li Qaawa' naxye chi jo'ka'in: “Maajun chijitoq ut maa'ani chich'iilanq! At aj tij, ka'ajwi' aawik'in yo inch'a'ajkilal.

Eclesiastés 3:7

Wank xq'ehil li q'ichok, ut wank xq'ehil li b'ojok. Wank xq'ehil li ch'anaak, ut wank xq'ehil li aatinak.

Efesios 6:13

Jo'kan utan, chapomaq chixjunil li xk'anjelob'aal li Yos re naq teeram chiruheb' li maa'us aj kutan ut kaw xaqxooqex chi ak xeq'ax ru chixjunil.

Habacuc 3:16

Naq xwab'i a'in, k'ajo' naq xxiwak xsa' linsa'; xb'aan li xyaab' aakux ink'a' chik ninruuk chi aatinak, ut x'ok jun raxkehob' sa' chixjunil linb'aqel: neke'parpotk eb' li woq sa' linb'eenik. Ab'an k'ojk'o linch'ool royb'eninkil li xkutankil li rahilal taachalq sa' xb'eeneb' li neke'rahob'tesink qe.

Amós 6:10

Yal wiib' oxib' ajwi' li te'kole'q re risinkileb' li kamenaq sa' li kab'l; ut wi taapatz'manq re li toj wanq chaq sa' li kab'l: “Ma maajun chik wan chaq aawochb'een?”, a'an tixsume chaq: “Maajun chik”. Ut tixye li xpatz'ok: “Mat-aatinak, mare anchal taapatz' xk'ab'a' li Qaawa'”, cha'aq.

Isaías 37:3

re xyeeb'al re li propeet Isaías, ralal laj Amós: “Jo'ka'in xye chaq laj Esekías: «Li kutan a'in, a'an xkutankil li rahil ch'oolejil, li rahob'tesiik ut li xutaanal! Chanchano jun li ixq wank sa' yu'am, li maak'a' xmetz'ew chi alank.

Isaías 36:21

Eb' li poyanam mem ke'kanaak ut maajun chik aatin ke'xye, xb'aan naq xyehom li awab'ej: “Maajun aatin te'xsume”.

Eclesiastés 9:12

Jo'wi' anchal, ink'a' naqanaw jo'q'e tqak'ul junaq ch'a'ajkilal. Jo'keb' li kar chapb'ileb' sa' yooy ut eb' li xik'anel xul chapb'ileb' sa' ch'imb', jo'kan ajwi' naqak'ul laa'o: chi maak'a'aq sa' qach'ool, taachalq sa' qab'een chi junpaat li ink'a' usil honal.

2 Reyes 18:36

Mem ke'kanaak eb' li poyanam ut maajun chik aatin ke'xye, xb'aan naq xyehom li awab'ej: “Maajun aatin te'xsume”.

Li xHu LAJ JOB 32:16

Ab'anan maak'oxla naq tinkanaaq ajwi' laa'in chi ink'a' tin'aatinaq, yal xb'aan naq eb' a'an xe'kanaak chi ch'anch'o.

Salmos 38:14

A'ut laa'in nintz'apxiki wib' ut ink'a' nawab'i, ninb'aanu wib' jo' li mem, ut ink'a' nin'aatinak;