Amós 5:12 - Q'eqchi Bible

¹² Laa'in ninnaw naq k'ajo' xk'ihal leemaa'usilal, ninnaw naq numtajenaq leemaak: nekerahob'tesi li tiik xch'ool, natuminaak eeru ut nekesach xwankileb' li neb'a' sa'eb' li raqleb'aal aatin.

Li Santil hu

¹² La̱in ninnau nak nequekꞌetkꞌeti e̱rib. Ninnau nak numtajenak le̱ ma̱usilal. Nequerahobtesi li ti̱queb xchꞌo̱l. Nacuulac che̱ru nak natumina̱c e̱ru ut incꞌaꞌ nequexrakoc a̱tin chi tzꞌakal saꞌ xbe̱neb li nebaꞌ.

Amós 5:12 ပူးပေါင်းရင်းမြစ်များ

Amós 5:10

Ra chaalel sa' eeb'een laa'ex xik' nekeril ani nakolok rix li tiikilal ut neketz'eqtaana li nayehok re li yaal.

Isaías 1:23

Q'axal q'etq'eteb' laj k'amol eeb'e ut wankeb' sa' amiiwil rik'ineb' laj elq'. Sa neke'ril li tuminaak li junjunq ut jwal neke'wulak chiru li k'uluk maatan. Ink'a' neke'xb'aanu usilal reheb' li neb'a'yox ut maak'a' neke'raj wi' li xch'a'ajkilal li xmalka'an.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

1 Samuel 8:3

Ab'anan eb' li ralal laj Samuel ink'a' ke'xtaaqe li xb'e, ke'xik b'an xch'ooleb' chirix li tumin, neke'tuminaak ruheb' ut ink'a' neke'raqok aatin sa' tiikilal.

Santiago 5:6

Kexraqok aatin sa' xb'eeneb' li tiikeb' xch'ool ut kekamsiheb'; ut eb' a'an ink'a' ke'xram cheru.

Santiago 5:4

K'ehomaq reetal: li xtojb'aleb' laj k'anjel li kerelq'a chiruheb' naq ke'q'olok eerik'in, a'an yo chi q'oqonk; ut li xyaab' xkuxeb' laj q'olonel xwulak toj rik'in li xQaawa' eb' li k'iila o'q'ob' chi ánjel.

Hechos 7:52

Ma wank junaq propeet li ink'a' xik' ki'ile'k xb'aaneb' leena' leeyuwa'? Eb' a'an ke'xkamsi li yookeb' chaq chi xyeeb'al resil chi junxilaj li xk'ulunik li Tiik xch'ool, a' li xeq'axtesi ut xekamsi laa'ex anaqwan.

Miqueas 7:3

K'aynaqeb' li ruq'eb' chi xb'aanunkil li maa'usilal; eb' laj jolominel kaw neke'titz'ok toj, eb' laj raqol aatin neke'tuminaak ruheb', ut eb' li ninqeb' xwankil neke'xb'aanu li neke'raj ut neke'xk'uub' ru li ink'a' us.

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

Amós 2:16

Sa' li kutan a'an, li q'axal kaw rib' sa' xyanqeb' laj puub' taa'eleliq chi t'ust'u!”, chan li Qaawa'.

Lamentaciones 3:34

Li Qaawa' ink'a' nawulak chiru naq neke'rahob'tesiik li b'ak'b'ookeb' sa' tz'alam,

Jeremías 29:23

Xb'aan naq q'axal xutaanal li ke'xb'aanu sa' xteepal Israel: ke'xmuxatq li xsumlajikeb' rik'ineb' li rixaqil eb' li ras riitz'ineb' ut b'alaq'il aatin ke'xye sa' ink'ab'a' li ink'a' inyehom reheb'. Ut a'an ch'olch'o tz'aqal chiwu», chan li Qaawa'”.

Isaías 66:18

“Laa'in tinchalq chi xch'utub'ankil chixjunileb' li tenamit -chan li Qaawa'- jo'wi' eb' li jalan jalanq chi aatinob'aal: junchalikaqeb' naq tole'ril linloq'al.

Isaías 47:9

Ab'anan, maak'a'aq sa' laach'ool naq te'chalq li wiib' chi rahilal a'in sa' aab'een: li kanaak sa' junaatalil ut li xsachikeb' laawalal aak'ajol, us ta jwal nakattuulak ut nakatnawalink.

Isaías 33:15

A' li nawank sa' tiikilal ut naxye li yaal, li ink'a' nab'ihomo'k rik'in b'alaq' chi moko natuminaak ru; li ink'a' naraj rab'inkil li k'aru naxye laj kamsinel ras riitz'in, chi moko naraj chi ril li maa'usilal.

Isaías 29:21

eb' li neke'q'ab'ank re jalan chik chi xb'aanunkil li maa'usilal ut neke'xb'alaq'i eb' laj raqol aatin, li neke'tik'ti'ik re naq ink'a' taakolmanq rix li maak'a' xmaak.

Isaías 10:2

Ink'a' neke'xtenq'aheb' li neb'a' sa' li raqleb'aal aatin, neke'xram b'an li xk'ulub' eb' li ra wankeb' sa' lintenamit, neke'xchoy xsa' li xjunkab'aleb' li xmalka'an ut neke'xmaq' li k'aru wank reheb' li neb'a'yox.

Isaías 5:23

Laa'ex li natuminaak eeru chi xyeeb'al naq maak'a' xmaak li xmaakob'k, ut neketeneb' maak sa' xb'een li maak'a' xmaak.

Proverbios 22:22

Maawelq'a li k'aru re li neb'a' yal xb'aan naq neb'a', chi moko chateneb' maak sa' xb'een li toq'ob'aal ru, sa' li raqleb'aal aatin.

Li xHu LAJ JOB 31:21

Maajun sut xinb'aanu rahilal reheb' li neb'a'yox, us ta wank inwankil chiruheb' laj raqol aatin.

Li xHu LIX RUT 4:1

Laj Bohos koho wan wi' rokeb'aal li tenamit ut kichunlaak aran. Sa' li honal a'an kinume'k li rech'alal lix Rut, a' li winq li xyehom chaq laj Bohos. Ut naq yo chi nume'k, laj Bohos ki'elk chi xk'ulb'al ut kixb'oq rik'in chi hilank.

Deuteronomio 31:21

Ab'anan naq toxe'tawe'q xb'aan li k'iila rahilal ut ch'a'ajkilal, li b'ich a'in tixch'olob' xyaalal li xmaakeb', xb'aan naq ink'a' taasachq sa' xch'ooleb' li ralal xk'ajol ut taab'ichamanq chi junelik. Ninnaw chi us k'aru yookeb' chi xk'uub'ankil anaqwan, toj chi rub'eetal naq te'woksi sa' li ch'och' inyeechi'om reheb'”, chan.

Deuteronomio 16:18

“Taaxaqab'eb' aj raqol aatin ut aj nawonel chaq'rab' cho'q reheb' laateepal, sa' li junjunq chi tenamit tixk'e aawe li Qaawa' laaYos. A'aneb' te'raqoq aatin sa' xb'een li tenamit rik'in tiikil ch'oolej.

Salmos 127:5

Us xaq re li winq li naab'aleb' ralal xk'ajol: ink'a' xutaanal tkanaaq xb'aaneb' li xik' neke'ilok re, naq taajitmanq chiruheb' laj raqol aatin.

Proverbios 17:8

Li natuminank u, sa' xch'ool a'an naq us na'elk sa' chixjunil li naxb'aanu.

Ezequiel 13:22

Xb'aan naq xerahob'tesi xch'ooleb' li tiikeb' ru xyu'am rik'in li tik'ti', li maajun wa inb'aanuhom laa'in, ut xek'e xkawil xch'ooleb' li maa'us aj winqeb' chi xb'aanunkil li maa'usilal, re raj naq te'kole'q chiru li tojb'amaak.

Oseas 5:3

Laa'in ninnaw ru laj Efraín; nawno ru laj Israel inb'aan. Relik chi yaal naq laj Efraín chanchan junaq aj yumb'eet, ut laj Israel xmuxum rib' sa' li xpaab'aal”.

Amós 2:3

Ut twisi xyu'am laj k'amol b'e: tinkamsi rochb'eeneb' li xninqaleb' ru winq”, chan li Qaawa'.

Amós 5:7

Ra chaalel sa' eeb'een laa'ex li nekepo' ru li tiikilal ut nekesach xwankil li k'ulub'ej.

Amós 8:4

Ab'ihomaq a'in laa'ex li nekexrahob'tesink reheb' li neb'a' ut nekeraj xsachb'aleb' ru li kub'enaqeb' xwankil sa' li tenamit.

Éxodo 23:3

chi moko chatenq'a li neb'a' sa' li xpleet wi ink'a' us yo chi xb'aanunkil.

Éxodo 23:6

“Maasach xwankil li yaal re xtenq'ankil laawechneb'a'il sa' li xpleet.

Li xHu LAJ JOB 20:19

Kixrahob'tesi ut kixtawasiheb' li neb'a', kirelq'a li rochocheb' li ink'a' xkab'lahom,