Amós 4:8 - Q'eqchi Bible

⁸ Eb' li poyanam xkoheb' chi xsik'b'al xha' yalaq b'ar sa'eb' li tenamit, ut ink'a' xkotz li xchaqi'eeleb'. Ab'anan laa'ex ink'a' xexsutq'iik chaq wik'in”, chan li Qaawa'.

Li Santil hu

⁸ La̱ex quexco̱ex chixsicꞌbal le̱ haꞌ saꞌ eb li tenamit quixqꞌue cuiꞌ li hab, ut incꞌaꞌ quitzꞌakloc e̱re re tixnumsi le̱ chaki el. Ut riqꞌuin chixjunil li raylal li xecꞌul incꞌaꞌ xeraj sukꞌi̱c cuiqꞌuin, chan li Ka̱cuaꞌ.

Amós 4:8 ပူးပေါင်းရင်းမြစ်များ

Amós 4:6

“Laa'in xintaqla chaq li we'ej sa' chixjunil leetenamit, ut xink'e chi lajk li tzekemq sa'eb' leek'aleb'aal, ab'anan laa'ex ink'a' xexsutq'iik chaq wik'in”, chan li Qaawa'.

Hageo 1:6

K'ajo' li awimq xeraw, ut kach'in ajwi' nekexok; xextzekank, ab'an ink'a' nak'ojlaak leech'ool; xex'uk'ak, ab'an ink'a' nanume'k leechaqi'eel; xelan eerib' chi us, ut ink'a' nekextiqwo'k; ut li tojb'il moos yal sa' q'ichil koxtal naxk'e li xtojb'al.

1 Reyes 18:5

Laj Ajab kixye re laj Abdías: “Ayu ut b'eeni chixjunil li tenamit re xsik'b'al yu'amha' ut nima'. Mare tqataw ichaj cho'q reheb' li kawaay ut eb' li muul; wi ut ink'a', tookanaaq chi maak'a'aq chik qaketomq”, chan.

Miqueas 6:14

Tattzekanq, ab'an ink'a' taak'ojlaaq laach'ool: li tz'okaak taachoyoq aawe. Tatk'uulanq tzekemq, ab'an maak'a' taa'ela'anq chawu; ut wi wank k'aru taaxok, tink'e chi oso'k xb'aan li raaxiik'.

Oseas 7:10

Li xq'etq'etileb' laj Israel yo chi numtaak sa' xb'eeneb', ab'an ink'a' neke'raj sutq'iik rik'in li Qaawa'. Us ta q'axal ra xe'xk'ul, ab'anan ink'a' neke'xsik' li Qaawa' li xYoseb'.

Jeremías 23:14

Xwil ajwi' li k'aru neke'xb'aanu eb' li propeet aj Jerusalén: q'axal yib' wi' chik ru li xb'aanuhomeb'. Neke'muxuk sumlaak ut neke'b'alaq'ik; neke'xk'e xkawil xch'ooleb' li ink'a' useb' xna'leb' re naq maajun tixkanab' xb'aanunkil li maa'usilal. Eb' a'an jo'wi' eb' li wankeb' Jerusalén chanchaneb' laj Sodoom ut eb' laj Gomoor!

Jeremías 3:7

Sa' inch'ool laa'in naq, chirix chixjunil a'an, taasutq'iiq chaq wik'in, ab'an ink'a' kisutq'iik chaq. Naq laj Judá, laj b'alaq', kiril a'an,

Isaías 9:12

eb' laj Siria xe'chalje'k chaq sa' xjayal releb'l saq'e, ut sa' xjayal rokeb'l saq'e xe'chalk eb' laj Filistea. Sa' junpaat xe'xsach ruheb' laj Israel. Ab'anan ink'a' xch'anaak xjosq'il li Qaawa' ut toj yo chi xrahob'tesinkileb' li tenamit.

Jeremías 3:3

Aab'aan laa'at naq ink'a' chik naxk'e li hab' sa' xq'ehil; kama'at tz'aqal junaq aj yumb'eet, tik ink'a' nakatxutaanak b'ayaq.

Jeremías 5:3

At Qaawa', ma ink'a' tab'i' a' li yaal nakasik'? Xarahob'tesiheb', ab'an maak'a' xe'reek'a; xasacheb' ru, ab'an ink'a' xe'raj xtawb'al xyaalal. Xe'xkawub'resi b'an li xch'ooleb' jo' li pek ut ink'a' xe'raj xjalb'al xna'leb'eb'.

Oseas 11:5

ab'anan ink'a' ke'raj sutq'iik wik'in. Jo'kan naq tento te'sutq'iiq wi' chik Ejiipt, ut eb' laj Asiria te'awab'ejinq sa' xb'eeneb'.

Hageo 2:17

Laa'in kexinrahob'tesi sa' chixjunil leek'anjel rik'in li tiqwal iq', laj saak' ut li saqb'ach, ab'an maajun eere kisutq'iik chaq wik'in, chan li Qaawa'.