Amós 4:5 - Q'eqchi Bible

⁵ K'atomaq leewa li ink'a' yuub'il, cho'q re b'anyoxink, ut yalaq b'ar yehomaq resil leemayej li x'alaak sa' eech'ool xyeechi'inkil, xb'aan naq a'an li nawulak cheru xb'aanunkil, ex ralal xk'ajol laj Israel”, chan li Qaawa'.

Li Santil hu

⁵ Ayukex. Chemayeja le̱ caxlan cua li cuan xchꞌamal ut yehomak resil li joꞌ qꞌuial xemayeja xban nak aꞌan li nacuulac che̱ru xba̱nunquil, la̱ex aj Israel, chan li Ka̱cuaꞌ Dios.

Amós 4:5 ပူးပေါင်းရင်းမြစ်များ

Oseas 9:10

Jo'ka'in xye li Qaawa': “Naq kintaw laj Israel, kisaho'k linch'ool jo' naq natawmank li uub' sa' li chaqich'och'. Kisaho'k linch'ool rik'ineb' leena' leeyuwa' jo' naq natawmank li xb'een ru li ki'il q'een. Ab'an naq ke'wulak aran Bahal-Pehor, ke'xq'axtesi rib' reheb' li yal k'oxlanb'il yos, ut q'axal tz'eqtaananb'ileb' chik ke'kanaak jo'eb' li pek che' raarookeb' xb'aaneb'.

Salmos 81:12

“A'ut lintenamit ink'a' xrab'i xyaab' linkux, eb' laj Israel ink'a' xe'raj ab'ink chiwu.

San Mateo 6:2

“Jo'kan utan, naq taatenq'a junaq li wank sa' aajel ru, maayaab'asi tronpeet chawu jo' neke'xb'aanu eb' laj ka'pak'al u sa'eb' li ch'utleb'aal kab'l ut sa' b'e re naq te'oxloq'iiq xb'aaneb' li tenamit. Relik chi yaal ninye eere naq ak xe'xk'ul li xq'ajkamunkileb'.

Oseas 9:1

Misaho'k aach'ool, a Israel; matpisk'ok xb'aan xsahilal aawaanm jo'eb' li tenamit junch'ol, xb'aan naq xab'alaq'i laaYos ut q'axal chik xarahi ru li xtuminal li maakob'k sa'atqeb' li na'ajej na'isiik wi' li rix li triiw.

Romanos 1:28

Ink'a' ke'raj xk'uulankil sa' xch'ooleb' li yaal chirix li Yos, jo'kan naq ke'q'axtesiik xb'aan li Yos sa' li xmaa'us aj k'a'uxeb' re te'xb'aanu li moko uxk naraj.

San Mateo 23:23

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketoj li xlajeetqil li isk'i'ij, li anis ut li komino, ut xekanab' xpaab'ankil li q'axal nim xwankil sa' li Chaq'rab': a' li tiikilal, li uxtaanank ut li paab'aal! Chixjunil a'in tento raj xeb'aanu, ab'an ink'a' raj xekanab' xb'aanunkil li junch'ol chik.

San Mateo 15:9

Maak'a' aj e naq nikine'roxloq'i, xb'aan naq li k'aru neke'xk'ut chiruheb' li tenamit yal xtaqlahomeb' li winq».

Levítico 23:17

ut teek'am chaq sa' leerochoch ka'kab'aq li kaxlan wa, yiib'anb'ilaq rik'in xyu chaab'il k'aj triiw ut chiqb'ilaq chi wanq numenaq waqxaqib' liib'r li junjunq, jo' xb'een ru li awimq ut chaab'il mayej cho'q re li Qaawa'.

Jeremías 7:9

Nekex'elq'ak, nekekamsi leeras eeriitz'in, nekexmuxuk sumlaak, nekexyehok jurament sa' tik'ti', nekexmayejak chiruheb' laj Bahal ut nekeloq'oni ruheb' li yos ink'a' eenawomeb' ru.

Jeremías 7:10

Chirix chik a'an nekexchalk arin sa' li wochoch li ninloq'oniik wi', ut nekeye: Kolb'ilo, sa wanko arin, chankex. Ut nekeb'aanu wi' chik chixjunil li maa'usilal a'an.

Amós 5:21

“Xik' nawil ut nintz'eqtaana leeninq'e, ut ink'a' naxk'ojob' inch'ool naq nekech'utub' eerib' sa' ink'ab'a'.

Amós 5:22

Wi nekemayeja leek'atb'il xul ut leeyeechi'om, laa'in ink'a' tink'ul; chi moko nawulak chiwu naq nekemayeja leeninqi wakax chirix li k'amok ib' sa' usilal.

Isaías 1:1

Chiru chaq li xyu'ameb' laj Osías, laj Jotán, laj Ajás ut laj Esekiel, awab'ejeb' re Judá, laj Isaías, ralal laj Amós, kiril li moy u a'in chirix li tixk'ul Judá ut Jerusalén.

Isaías 1:11

“K'aru aj e we leek'iila mayej? Jwal xintitz'k xb'aan leekarneer nekek'at chiwu, ut ninyib' li xk'iila xeeb'ul leewakax. Li xkik'eleb' li wakax ut eb' li chib'aat ink'a' nawulak chiwu.