Amós 2:6 - Q'eqchi Bible

⁶ Jo'ka'in kixye li Qaawa': “Ak k'iila sut xinkuy xmaakeb' laj Israel ut anaqwan maak'a' chik xkuyb'al, xb'aan naq neke'xk'ayi chi tuminal li tiik xch'ool ut yal rik'in jun sumal chi perxaab' neke'xk'ayi li neb'a'.

Li Santil hu

⁶ Ut quixye cuiꞌchic li Ka̱cuaꞌ: —Nabal sut ac xincuy xma̱queb laj Israel. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Eb li ti̱queb xchꞌo̱l nequeꞌqꞌueheꞌ chokꞌ rahobtesinbil mo̱s nak incꞌaꞌ nequeꞌru xtojbal lix cꞌaseb. Ut eb li nebaꞌ, usta yal jun sumal chi xa̱b nequeꞌxcꞌas ut incꞌaꞌ nequeꞌru xtojbal, nequeꞌcanaba̱c chokꞌ lokꞌbil mo̱s.

Amós 2:6 ပူးပေါင်းရင်းမြစ်များ

Joel 3:3

Ke'xb'uuli rix lintenamit, ke'xk'e li k'uula'al cho'q xtojb'aleb' laj yumb'eet ut ke'xk'ayi li ixqa'al cho'q xtz'aq li b'iin ke'kalaak wi'.

Joel 3:6

xek'ayi eb' laj Judá ut eb' laj Jerusalén reheb' laj Grecia re risinkileb' sa' li xna'ajeb'.

Isaías 29:21

eb' li neke'q'ab'ank re jalan chik chi xb'aanunkil li maa'usilal ut neke'xb'alaq'i eb' laj raqol aatin, li neke'tik'ti'ik re naq ink'a' taakolmanq rix li maak'a' xmaak.

2 Reyes 18:12

Ke'xk'ul chi jo'kan xb'aan naq ink'a' ke'xpaab' li Qaawa' li xYoseb', ut ke'xq'et li xsumwank jo'wi' chixjunil li ke'chaq'rab'iik wi' xb'aan laj Moisés, laj k'anjel chiru li Qaawa'. Ink'a' ke'xpaab' chi moko ke'xk'anjela ru.

2 Reyes 18:11

Li awab'ej re Asiria kixk'ameb' laj Israel aran Asiria, ut kixk'eheb' chi wank sa'eb' li na'ajej Jalaj, Jabor, chire li nima' Kosán, ut sa'atq xteepaleb' laj Media.

Ezequiel 22:13

«Anaqwan tinpoq'poq'i eb' li wuq' xb'aan li rahob'tesink ut li kamsink nakab'aanu.

Isaías 10:2

Ink'a' neke'xtenq'aheb' li neb'a' sa' li raqleb'aal aatin, neke'xram b'an li xk'ulub' eb' li ra wankeb' sa' lintenamit, neke'xchoy xsa' li xjunkab'aleb' li xmalka'an ut neke'xmaq' li k'aru wank reheb' li neb'a'yox.

Zacarías 11:5

Eb' li neke'loq'ok reheb' neke'xkamsiheb' ut neke'xk'oxla naq maak'a'eb' xmaak; ut eb' li neke'k'ayink reheb' neke'xye: «B'anyox re li Qaawa', xinb'ihomo'k!», chankeb'. Chi moko eb' laj ilol reheb' neke'ril xtoq'ob'aal ruheb' li karneer.