Amós 2:11 - Q'eqchi Bible

¹¹ Ut sa' xyanqeb' leeralal eek'ajol kinxaqab'eb' propeet; ut wan ajwi' naq kinsik'eb' ru li saaj winq re te'xmayeja rib' chiwu jo' aj nasireo. Ma ink'a' jo'kan, ex aj Israel?”, chan li Qaawa'.

Li Santil hu

¹¹ Saꞌ xya̱nkeb le̱ ralal e̱cꞌajol la̱ex aj Israel xinsiqꞌueb ru li teꞌcua̱nk chokꞌ profeta ut xinsiqꞌueb ru li toj sa̱jeb li queꞌxkꞌaxtesi rib chi cꞌanjelac chicuu chokꞌ Nazareo. ¿Ma incꞌaꞌ ta biꞌ ya̱l nak joꞌcan quinba̱nu? chan li Ka̱cuaꞌ.

Amós 2:11 ပူးပေါင်းရင်းမြစ်များ

Jeremías 7:25

“Chalen naq ke'elk chaq leena' leeyuwa' sa' li tenamit Ejiipt toj anaqwan, rajlal xintaqla eerik'in eb' li propeet, laj k'anjeleb' chiwu.

Miqueas 2:6

“Mooheeraatina chik jo' propeet. Laa'o ink'a' tooxtaw li rahilal”, chankeb' a'an.

Lamentaciones 4:7

Junxil eb' laj Jerusalén li sik'b'ileb' ru, saqsaqeb' jo' li ratz'amke, q'axal saqeb' wi' chik chiru li xya'al tu'; li xtib'eleb' jwal kaq jo' li kaqi q'ol, q'axal kaweb' rib' ut xchaq'al ruheb'.

Jeremías 26:11

Toja' naq eb' laj tij ut eb' li propeet ke'aatinak rik'ineb' laj jolominel jo' ajwi' rik'ineb' chixjunil li poyanam ut ke'xye: “Li winq a'in xk'ulub' naq taateneb'aaq kamk sa' xb'een, xb'aan naq xye naq li tenamit a'in taajuk'manq, jo' xerab'i laa'ex rik'in leexik”.

Jeremías 11:21

Jo'ka'in li Nimajwal Yos kiraqok aatin chirixeb' laj Anatot li ke'raj inkamsinkil rik'in xyeeb'al: “Mat-aatinak sa' xk'ab'a' li Qaawa', re naq ink'a' tatqakamsi”, chankeb'.

Jeremías 2:31

Ex aj Israel, ab'ihomaq chi us li raatin li Qaawa'. Ma laa'in tab'i' jun chaqich'och' cho'q eere malaj laa'in ta junaq na'ajej aak'ab' ru? Ex intenamit, k'a'ut naq nekeye: «Tqab'aanu li k'aru naqaj; maajoq'e chik toochalq aawik'in», chankex?

Jeremías 2:5

Jo'ka'in xye li Qaawa': K'aru kinmaakon chiruheb' leena' leeyuwa' naq kine'xtz'eqtaana? Koho xch'ooleb' chirixeb' li jalanil yos li maak'a' neke'ok wi'; jo'kan naq eb' a'an maak'a' ajwi' neke'ok wi'.

2 Crónicas 36:15

Ab'an li Qaawa', xYos li xxe'toonil yuwa'eb', jwal nim li xraab'al li xtenamit ut li xloq'laj muheb'aal: kiril xtoq'ob'aal ru li xtenamit ut chalen chaq sa' xtiklajik kixtaqla naab'aleb' li xtaql chi xk'eeb'al xna'leb'eb'.

2 Reyes 17:13

Li Qaawa' kixq'useb' laj Israel ut eb' laj Judá chi xtz'uumal reheb' li propeet ut eb' li xtaql, naq kixye reheb': “Kanab'omaq xb'aanunkil li maa'usilal ut b'aanuhomaq li naxye linchaq'rab'. Paab'omaq lintaqlahom ut li waatin li kintijeb' wi' leena' leeyuwa' ut kink'ut cheru laa'ex chi xtz'uumal reheb' li propeet aj k'anjeleb' chiwu”.

2 Reyes 6:1

Sa' jun kutan eb' li propeet ke'xye re laj Eliseo: “Ili, li na'ajej wanko wi' aawochb'een, jwal kach'in cho'q qe.

1 Reyes 22:8

Ut li awab'ej re Israel kixye re laj Josafat: “Toj wank jun chik winq li naru nokoopatz'ok wi' k'aru naxye li Qaawa'. Ab'an q'axal xik' nawil, xb'aan naq maajun wa naxye li us cho'q we, junes b'an rahilal naxye we. A'an laj Mikeas, ralal laj Imlá”, chan. Kichaq'ok laj Josafat ut kixye: “Mat-aatinak chi jo'ka'in, at awab'ej”.

1 Reyes 20:41

Ab'anan li propeet sa' junpaat kirisi li t'ikr chi xnaq' ru, ut li awab'ej re Israel kiril naq a'an xkomoneb' li propeet.

1 Reyes 20:35

Jun li winq, xkomoneb' li propeet, kixye re li rech propeetil, sa' xk'ab'a' li Qaawa': “Tiq'in”, chan re. Ab'an li winq a'an ink'a' kiraj xtiq'b'al.

1 Reyes 20:13

Toja' naq jun li propeet kiwulak rik'in laj Ajab, awab'ej re Israel, ut kixye re: “Jo'ka'in xye li Qaawa': «Ma xawil li naab'aleb' tenamit a'in? Us b'i', tinq'axtesiheb' sa' aawuq' re taanaw naq laa'in li Qaawa'»”.

1 Reyes 19:16

Taayul ajwi' laj Jehú, ralal laj Nimsí, cho'q awab'ej re Israel, ut laj Eliseo, ralal laj Safat, Abel-Mejolá xtenamit, taaxaqab' cho'q propeet cho'q aaweeqaj laa'at.

1 Reyes 18:4

xb'aan naq junxil naq lix Jesabel yo xkamsinkileb' li xpropeet li Qaawa', kixkoleb' o'k'aal chi propeet ut kixmuqeb' sa' wiib' ochoch pek, lajeeb' roxk'aal kixmuq sa' li junjunq chi ochoch pek, ut kixch'oolaniheb' rik'in wa ut ha'.

1 Reyes 17:1

Toja' naq laj Elías, Tisbé xtenamit, sa' xteepal Galahad, kixye re laj Ajab: “Sa' xk'ab'a' li Qaawa', xYos laj Israel, li yookin chi k'anjelak chiru, ninye aawe naq chiruheb' li chihab' a'in maak'a'aq xchu'ke chi moko li hab', wi ink'a' laa'in tinyehoq re”.

1 Samuel 19:20

Tikto kixtaqlaheb' winq re xchapb'al laj David. Ab'an naq ke'wulak aran, ke'ril jun ch'uuteb' chi propeet chi aatinak jo' propeet, ut laj Samuel yo chi k'amok b'e chiruheb'. Toja' naq li xmusiq' li Yos kichalk sa' xb'eeneb' li xtaql laj Saúl ut eb' a'an ajwi' ke'ok chi aatinak jo' propeet.

1 Samuel 3:20

Ut chixjunileb' laj Israel, chalen chaq Dan toj Berseba, ke'xk'e reetal naq laj Samuel tz'aqal xpropeet li Yos.

Deuteronomio 18:18

Laa'in tinwaklesi sa' xyanqeb' li ras riitz'in jun li propeet kama' laa'at; tink'eheb' li waatin sa' re, ut a'an taayehoq reheb' chixjunil li k'aru tinye laa'in.

Hechos 7:51

“Q'axal kaw leejolom, xjipo'k leech'ool jo'wi' leexik -chan laj Esteban-. Laa'ex junelik nekeq'etq'eti eerib' chiru li Santil Musiq'ej! Jo'eb' leena' leeyuwa', jo'kanex ajwi' laa'ex!

Hechos 5:28

—Ma ink'a' tab'i' xexqachaq'rab'i chi kaw naq tik ink'a' teetzoleb' li tenamit sa' li k'ab'a'ej a'an? Ut laa'ex xenujob'resi Jerusalén rik'in leek'utum ut teeraj xteneb'ankil sa' qab'een li xkik'el li winq a'an, chan reheb'.

Hechos 4:18

Ke'xb'oqeb' wi' chik ut ke'xchaq'rab'iheb' naq tik ink'a' chik te'aatinaq malaj te'k'utuq sa' xk'ab'a' li Jesus.