Amós 1:8 - Q'eqchi Bible

⁸ Tinsach ruheb' laj Asdod jo' ajwi' li na'awab'ejink re Askalón; tinrahob'tesiheb' laj Ekrón ut tinsach ruheb' laj Filistea chi junajwa”, chan li Qaawa'.

Li Santil hu

⁸ Ut tinsacheb li cuanqueb saꞌ li tenamit Asdod. Tinsacheb ajcuiꞌ li nequeꞌtaklan saꞌ li tenamit Ascalón, joꞌ ajcuiꞌ eb li cuanqueb saꞌ li tenamit Ecrón. Chixjunileb laj filisteo teꞌosokꞌ, chan li Ka̱cuaꞌ Dios.

Amós 1:8 ပူးပေါင်းရင်းမြစ်များ

Ezequiel 25:16

Jo'kan naq laa'in, li Qaawa', ninye chi jo'ka'in: Tintaqsi li wuq' chi xrahob'tesinkileb' laj Filistea; tinsach ruheb' laj Keret jo' ajwi' li xe'kole'k chire li palaw.

Zacarías 9:6

Eb' li jalan chik xtenamiteb' te'wanq Esdod. Tinjuk' li xq'etq'etileb' laj Filistea,

Isaías 20:1

Sa' jun kutan laj Sargón, awab'ej re Asiria, kixtaqla li xjolomileb' laj puub' aran Asdod, ut a'an kiyalok rik'in li tenamit ut kireechani.

Salmos 81:14

Us rajan lintenamit tinxpaab', us rajan eb' laj Israel te'xtaaqe linb'e!

2 Crónicas 26:6

Koho chi yalok rik'ineb' laj Filistea ut kixjuk'atq li xsuttz'akeb' li tenamit Gat, Jamnia ut Asdod. Kixyiib' wi' chik eb' li tenamit wankeb' sa' xteepal Asdod jo'wi' sa' xteepal Filistea.

Zacarías 13:7

Li Nimajwal Yos naxye chi jo'ka'in: “Ajsi aawu, at q'esnal ch'iich', re xkamsinkil laj k'aak'alenel, ut kamsi li natenq'ank we. Kamsi laj ilol ketomq, ut eb' li karneer te'xcha'cha'i rib'eb'; ut laa'in ink'a' tintoq'ob'a ruheb' li kok' karneer.

Amós 3:9

Yehomaq a'in sa'eb' li xchaq'alil ru rochocheb' laj Asdod; puktesihomaq resil sa'atqeb' li xch'ina'usal ochoch re Ejiipt: “Ch'utub'omaq eerib' sa'eb' li xtzuulul Samaria re teeril li k'iila rahilal nawank sa' li tenamit a'an ut k'ajo' li maa'usilal neke'xb'aanu aran”.

Isaías 1:25

Ok wi' chik we cherahob'tesinkil, texinch'ajob'resi jo' na'uxk re li plaat re risinkil eerik'in leemaa'usilal.

Jeremías 47:1

A'an a'in li aatin kixye li Qaawa' re laj Jeremías, li propeet, chirixeb' laj Filistea, naq toj maji'aq na'eechaniik Gasa xb'aan laj Parahón.

Joel 3:4

“K'aru teeraj wik'in laa'ex aj Tiro ut aj Sidón ut chejunilex li wankex sa' xteepal Filistea? Ma teeraj eeqajunk sa' inb'een? Wi wank k'aru nekeraj xpatz'b'al reeqaj we, chi seeb' tink'e leeq'ajkamunkil jo' chanru eek'ulub'!

Amós 1:7

Jo'kan naq tink'e xxamlel li xsuttz'akil li tenamit Gasa ut te'k'ate'q eb' li xchaq'alil ru ochoch.

Abdías 1:18

Li xjunkab'al laj Jakob a'anaq li ru xam, li xjunkab'al laj José a'anaq li raq' xam, ut li xjunkab'al laj Esaú taak'atmanq chi junajwa jo' li k'im: maajun taakole'q sa' xyanqeb' li ralal xk'ajol laj Esaú”, chan li Qaawa'.

Zacarías 9:5

“Naq eb' laj Askalón te'ril a'an, te'xiwaq; eb' laj Gasa k'ajo' naq te'yot'e'q xch'ool, ut eb' laj Ekrón maak'a' chik te'royb'eni. Taakamsiiq li awab'ej re Gasa ut maajunaq chik poyanam sa' li tenamit Askalón.

1 Samuel 6:17

A'aneb' a'in li oob' chi saqijoj yiib'anb'ileb' rik'in oor li ke'yeechi'iik chiru li Qaawa' xb'aaneb' laj Filistea re xtojb'al rix li xmaakeb': jun sa' xk'ab'a'eb' laj Asdod, jun sa' xk'ab'a'eb' laj Gasa, jun sa' xk'ab'a'eb' laj Askalón, jun sa' xk'ab'a'eb' laj Gat ut li jun chik sa' xk'ab'a'eb' laj Ekrón.