Amós 1:4 - Q'eqchi Bible

⁴ Jo'kan naq tink'e xxamlel li rochoch laj Jasahel, ut tinjuk'eb' ajwi' li xmuheb'aal laj Ben-Adad.

Li Santil hu

⁴ Tinqꞌue xxamlel li rochoch laj Hazael ut ta̱cꞌatk ajcuiꞌ lix palacio laj Ben-adad.

Amós 1:4 ပူးပေါင်းရင်းမြစ်များ

Jeremías 49:27

Laa'in tink'e xxamlel eb' li xsuttz'akil Damaask ut te'oso'q eb' li ch'ina'usil ochoch re Ben-Adad”.

Jeremías 17:27

Ab'anan wi ink'a' nikineepaab' re xsantob'resinkil li xwuq li kutan, ut nekeroksi leeriiq sa' li tenamit Jerusalén sa' li kutan a'an, laa'in tink'e chi k'ate'k eb' li rokeb'aal li tenamit; ut li xam a'an tixk'at eb' li xchaq'alil ru ochoch re Jerusalén, ut maajun chik taaruuq chi chupuk re»”.

2 Reyes 13:25

Laj Johás, ralal laj Johakás, kireechaniheb' wi' chik li tenamit li wankeb' rub'el xwankil laj Ben-Adad, ralal laj Jasahel, a'eb' li ke'maq'e'k chiru laj Johakás li xyuwa' sa' li yalok. Ox sut laj Johás kixq'ax ru laj Ben-Adad, ut chi jo'kan kireechaniheb' wi' chik li tenamit xteepal Israel.

2 Reyes 13:3

K'ajo' naq kijosq'o'k li Qaawa' sa' xb'eeneb' laj Israel ut kixq'axtesiheb' rub'el xwankil laj Jasahel, awab'ej re Aram, jo'wi' sa' ruq' laj Ben-Adad, li ralal, chiruheb' li kutan a'an.

2 Reyes 6:24

Chirix chik a'an, laj Ben-Adad, awab'ej re Aram, kixch'utub' chixjunileb' laj puub' ut koxsut li tenamit Samaria.

Amós 2:5

Jo'kan naq tink'e xxamlel chixjunil li xteepal Judá ut te'k'ate'q eb' li xchaq'alil ru ochoch re Jerusalén”.

Amós 2:2

Jo'kan naq tink'e xxamlel chixjunil li xteepal Mohab ut te'k'ate'q eb' li xchaq'alil ru ochoch re Keryot. Sa' li nimla mululij ib' te'kamq eb' laj Mohab, naq yooq chi yaab'asiik li pur sa' xhonalil li yalok.

Amós 1:14

Jo'kan naq tink'e xxamlel li xsuttz'akil li tenamit Rabá ut te'k'ate'q eb' li xchaq'alil ru ochoch. Tinb'aanu chi jo'kan sa' xkutankil li yalok, sa' li nimla mululij ib', jo' xyaab' li kawil kaqsut-iq'.

Amós 1:12

Jo'kan naq tink'e xxamlel li tenamit Temán ut te'k'ate'q eb' li xchaq'alil ru ochoch re Bosrá”.

Amós 1:10

Jo'kan naq tink'e xxamlel li xsuttz'akil li tenamit Tiro ut te'k'ate'q eb' li xchaq'alil ru ochoch”.

Amós 1:7

Jo'kan naq tink'e xxamlel li xsuttz'akil li tenamit Gasa ut te'k'ate'q eb' li xchaq'alil ru ochoch.

Oseas 8:14

Eb' laj Israel xe'xyiib' naab'al li xninqal ru ochoch, ut xsachk sa' xch'ooleb' laj Yoob'tesihom reheb'. Eb' laj Judá xe'xsuttz'aki naab'aleb' li tenamit; a'ut laa'in tink'eheb' xxamlel, ut te'k'ate'q chixjunileb' li xchaq'alil ru ochoch”.

Ezequiel 39:6

Tintaqla li xam sa' xb'een li xna'aj laj Magog ut sa' xb'eeneb' li tenamit wankeb' sa' tuqtuukilal, chire li palaw. Toja' naq taanawmanq naq laa'in li Qaawa'.

Ezequiel 30:8

Naq tink'e xxamlel Ejiipt ut te'oso'q chixjunileb' li neke'tenq'ank re, te'xtaw xyaalal naq laa'in li Qaawa'.

2 Crónicas 16:2

Toja' naq laj Asá kixxok li plaat ut li oor wank sa' rochoch li Yos ut li wank sa' rochoch li awab'ej, ut kixtaqlaheb' laj k'anjel chiru, rik'in laj Ben-Adad, awab'ej re Aram, li wank aran Damaask, chi xyeeb'al re:

1 Reyes 19:15

Toja' naq li Qaawa' kixye re: “Sutq'in sa' laab'e ut ayu sa' li chaqich'och' re Damaask. Naq tatwulaq aran, taayul rik'in aseeyt laj Jasahel cho'q awab'ej re Aram.

Jueces 9:57

Ut li Yos kixk'eheb' ajwi' chi xtojb'al rix li xmaakeb' chixjunileb' laj Sikem. Chi jo'kan kitz'aqlok ru rik'ineb' li xmajewahom laj Jotán, ralal laj Yerubahal.