Amós 1:3 - Q'eqchi Bible

³ Jo'ka'in kixye li Qaawa': “Ak k'iila sut xinkuy xmaakeb' laj Damaask ut anaqwan maak'a' chik xkuyb'al, xb'aan naq k'ajo' naq xe'xrahob'tesi eb' laj Galahad.

Li Santil hu

³ Joꞌcaꞌin quixye li Ka̱cuaꞌ: —Nabal sut ac xincuy xma̱queb laj Damasco. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal li yo̱queb chixba̱nunquil. Queꞌxrahobtesiheb laj Israel li cuanqueb Galaad. Chanchan tenbileb riqꞌuin chꞌi̱chꞌ joꞌ nequeꞌxba̱nu riqꞌuin li trigo nak queꞌxrahobtesiheb laj Israel.

Amós 1:3 ပူးပေါင်းရင်းမြစ်များ

Amós 2:6

Jo'ka'in kixye li Qaawa': “Ak k'iila sut xinkuy xmaakeb' laj Israel ut anaqwan maak'a' chik xkuyb'al, xb'aan naq neke'xk'ayi chi tuminal li tiik xch'ool ut yal rik'in jun sumal chi perxaab' neke'xk'ayi li neb'a'.

Amós 1:9

Jo'ka'in kixye li Qaawa': “Ak k'iila sut xinkuy xmaakeb' laj Tiro ut anaqwan maak'a' chik xkuyb'al, xb'aan naq xe'xchap junq teep chi tenamit re xk'ayinkil reheb' laj Edom, ut ink'a' xe'xk'e sa' xch'ool li sumwank rik'ineb'.

Isaías 8:4

xb'aan naq li k'uula'al toj maji'aq ajwi' tixnaw xyeeb'al: «na' ut yuwa'», naq taa'elq'aaq chixjunil li k'aru wank re Damaask ut Samaria, ut li xb'ihomaleb' taak'ame'q toj rik'in li awab'ej re Asiria”.

2 Reyes 8:12

“K'a'ut naq nakatyaab'ak, wa'chin?”, chan laj Jasahel. Laj Eliseo kixsume: “Xb'aan naq ninnaw li rahilal taab'aanu reheb' laj Israel: taak'ateb' li ochoch kawub'resinb'ileb', taakamsiheb' chi ch'iich' eb' li saaj winq, taaputz'iheb' li xk'uula'aleb' ut taacho'eb' chi ch'iich' li xsa'eb' li ixq wankeb' sa' yu'am”, chan.

Amós 2:4

Jo'ka'in kixye li Qaawa': “Ak k'iila sut xinkuy xmaakeb' laj Judá ut anaqwan maak'a' chik xkuyb'al, xb'aan naq xe'xtz'eqtaana li xchaq'rab' li Qaawa' ut ink'a' xe'xpaab' li raatin. Xe'xk'e rib' chi b'alaq'iik xb'aaneb' li yal k'oxlanb'il yos, jo' ke'xb'aanu eb' li xmama' rixa'aneb'.

Amós 2:1

Jo'ka'in kixye li Qaawa': “Ak k'iila sut xinkuy xmaakeb' laj Mohab ut anaqwan maak'a' chik xkuyb'al, xb'aan naq xe'xk'at li xb'aqel li awab'ej re Edom toj reetal naq cha xchahirk.

Amós 1:13

Jo'ka'in kixye li Qaawa': “Ak k'iila sut xinkuy xmaakeb' laj Amón ut anaqwan maak'a' chik xkuyb'al, xb'aan naq jachb'il xe'xb'aanu reheb' li yaj aj ixq aj Galahad naq xe'xkamsiheb', yal re xmaq'b'al li xch'och'eb'.

Amós 1:6

Jo'ka'in kixye li Qaawa': “Ak k'iila sut xinkuy xmaakeb' laj Gasa ut anaqwan maak'a' chik xkuyb'al, xb'aan naq xe'xchap junq teep chi tenamit re xk'ayinkil reheb' laj Edom.

Zacarías 9:1

A'aneb' a'in li aatin kixye li Qaawa' chirix li tenamit Hadrak ut chirix Damaask, xb'aan naq eb' laj Aram jo'wi' eb' li xteepal laj Israel, a'aneb' re li Qaawa'.

Amós 1:11

Jo'ka'in kixye li Qaawa': “Ak k'iila sut xinkuy xmaakeb' laj Edom ut anaqwan maak'a' chik xkuyb'al, xb'aan naq rik'in ch'iich' xe'raanilasiheb' laj Israel li riitz'ineb' ut xe'xsach xwankil li uxtaanank u. Xe'xtz'eqtaanaheb' chi junwaakaj ut junelik xe'xk'uula sa' xch'ooleb' li josq'ink.

Isaías 41:15

K'e reetal, xatink'e chi xsachb'al ruheb' jo' li ak' pikleb' ch'och'; taaputz'iheb' li tzuul ut pojtz' taakanab'eb', chanchaneb' li k'im naq te'kanaaq li ninqi b'ool.

Isaías 7:8

Damaask a'an li xnimal ru tenamit aran Siria ut laj Rasín a'an li awab'ej re Damaask. Samaria a'an li xnimal ru tenamit sa' xteepal Efraín, ut li ralal laj Romelías a'an li awab'ej re Samaria. Ab'anan sa' oob' xkaak'aal chihab' eb' laj Efraín moko tenamitaq ta chik. Ut wi laa'ex ink'a' k'ojk'o leech'ool wik'in, jo'kan ajwi' teek'ul: ink'a' texkanaaq chi xaqxo»”.

Eclesiastés 11:2

Chawotz li k'aru wank aawe rik'in wuqub' malaj waqxaqib' laawamiiw, xb'aan naq ink'a' nakanaw jo'q'e taachalq rahilal sa' xb'een li tenamit.

Proverbios 6:16

Wank waqib' li na'leb', malaj wuqub', li ink'a' nawulak chiru li Yos ut xik' na'ile'k xb'aan chi junajwa:

Li xHu LAJ JOB 19:3

Ak lajeeb' sut xineehob'. Ma ink'a' nekexxutaanak chintz'eqtaanankil chi jo'kan?

Li xHu LAJ JOB 5:19

Jun sut ka' sut tatxkol chiru li rahilal, ut tixram chawu chixjunil li ch'a'ajkilal.

2 Reyes 13:7

Laj Johakás kikanaak yal rik'in lajeeb' roxk'aal chi aj puub' neke'yalok chirix kawaay, jo'wi' rik'in lajeeb' chi b'eleb'aal ch'iich' ut lajeeb' mil laj puub' neke'b'eek chi roqeb', xb'aan naq li awab'ej re Aram kixq'ax ruheb' ut kixsacheb' chi junajwa li junch'ol chik chi aj puub', jo' na'uxk re li pojtz' naq nayeq'iik.

2 Reyes 13:3

K'ajo' naq kijosq'o'k li Qaawa' sa' xb'eeneb' laj Israel ut kixq'axtesiheb' rub'el xwankil laj Jasahel, awab'ej re Aram, jo'wi' sa' ruq' laj Ben-Adad, li ralal, chiruheb' li kutan a'an.

1 Reyes 19:17

Li taakole'q sa' ruq' laj Jasahel, taakamsiiq xb'aan laj Jehú, ut li taakole'q sa' ruq' laj Jehú, taakamsiiq xb'aan laj Eliseo.

2 Reyes 16:9

ut a'in kixb'aanu li kitz'aamaak chiru: koho chi yalok rik'in Damaask, kireechani li tenamit, kixk'ameb' li xpoyanamil toj sa' li tenamit Kir ut kixkamsi laj Resón.

Isaías 7:16

Ab'anan naq toj maji' tixnaw xtz'eqtaanankil li ink'a' us ut xsik'b'al li k'aru us, li xch'och'eb' li wiib' chi awab'ej li nakaxiwa ruheb' taakanaaq chi maajun chik xpoyanamil.

Isaías 28:27

Xb'aan naq ink'a' nachiileek li anis chi moko nake'eek li komiin; chi che' b'an nateniik li anis ut chi jich'che' nach'oxleek li komiin.

Zacarías 9:2

Jo'kan ajwi' Jamat li wank chi nach', ut li tenamit Tiro ut Sidón, li nayeemank naq wank xna'leb'eb':