Amós 1:14 - Q'eqchi Bible

¹⁴ Jo'kan naq tink'e xxamlel li xsuttz'akil li tenamit Rabá ut te'k'ate'q eb' li xchaq'alil ru ochoch. Tinb'aanu chi jo'kan sa' xkutankil li yalok, sa' li nimla mululij ib', jo' xyaab' li kawil kaqsut-iq'.

Li Santil hu

¹⁴ Joꞌcan nak tinqꞌue xxamlel li tzꞌac sutsu cuiꞌ li tenamit Rabá ut ta̱cꞌatk li palacio. Teꞌxjap re chi cau nak yo̱keb chi numta̱c saꞌ xbe̱neb li tenamit Rabá. Chanchan nak nachal li ca̱k-sut-ikꞌ nak tintaklaheb li xicꞌ nequeꞌiloc reheb chi pletic riqꞌuineb.

Amós 1:14 ပူးပေါင်းရင်းမြစ်များ

Amós 2:2

Jo'kan naq tink'e xxamlel chixjunil li xteepal Mohab ut te'k'ate'q eb' li xchaq'alil ru ochoch re Keryot. Sa' li nimla mululij ib' te'kamq eb' laj Mohab, naq yooq chi yaab'asiik li pur sa' xhonalil li yalok.

Jeremías 49:2

“Jo'kan naq chalk re xkutankil naq aran Rabá, sa' xteepal Amón, taa'ab'imanq li xyaab' kuxej re yalok ut po'lem taakanaaq wi' li tenamit a'an; te'k'atmanq eb' li poyanam ut eb' laj Israel te'reechani wi' chik li na'ajej kimaq'e'k chiruheb' -chan li Qaawa'-.

Deuteronomio 3:11

(Laj Og, awab'ej re Basán, a'an chaq rosob'leb' li ke'kanaak chi yo'yo sa' xyanqeb' laj Refait. Aran Rabá, tenamit re Amón, natawmank li xch'aat ch'iich', wan rox moqoj li roq ut numenaq jun moqoj li ru, jo' li xb'isleb' a'an.)

Isaías 30:30

Ut taa'ab'iiq li xkawil xyaab' xkux li Qaawa'; taak'utunq li xnimal xwankil, rik'in li xxamlel li xjosq'il li nasachok, rik'in kaqsut-iq', kaaq ut saqb'ach.

2 Samuel 12:26

Laj Johab ki'ok wi' chik chi yalok rik'in Rabá, xtenamiteb' laj Amón, ut koxreechani li na'ajej wan wi' li awab'ej.

Zacarías 7:14

Jo'kan naq kincha'cha'iheb' sa' chixjunileb' li tenamit ink'a' xnawomeb' ru, ut li na'ajej li ke'elk wi' kisache'k ut maajun chik naru nawank aran. Nakirirnak aj chik kikanaak li chaab'il ch'och' a'in”.

Daniel 11:40

«Sa' roso'jikeb' li kutan li awab'ej re Ejiipt taayaloq rik'in li awab'ej re Siria, ut a'in taaxik chi xsumenkil rik'in k'iila b'eleb'aal ch'iich', k'iila aj puub' ut naab'aleb' li jukub'; te'ok aran Ejiipt ut te'nume'q jo' li b'ut'iha'.

Ezequiel 25:5

Rabá taakanaaq cho'q xwa'leb'aaleb' li kameey ut Amón taakanaaq cho'q xna'ajeb' li karneer. Toja' naq teenaw naq laa'in li Qaawa'.

Isaías 9:5

Chixjunil li xxaab'eb' laj puub' li kaw na'eek'ank chiru ch'och' ut eb' li aq'ej oso'jenaqeb' sa' kik' te'k'atmanq ut te'oso'q sa' xam.

Salmos 83:15

Jo' li xam naxk'at li k'iche', jo' li raq'xam naxsacheb' li tzuul,

Li xHu LAJ JOB 39:25

Naxjap re naq narab'i xyaab' li pur; toj chi najt wank naq nareek'a naq ok re li yalok. Narab'i xyaab' xkuxeb' laj jolominel ut eb' laj puub'.

2 Samuel 11:1

Sa' li chihab' jun chik, sa' li saq'ehil naq eb' li awab'ej neke'xik chi yalok, laj David kixtaqla laj Johab rochb'eeneb' li xjolomileb' laj puub' ut chixjunileb' laj Israel chi yalok. Ut ke'xq'ax ruheb' laj Amón, ke'xsut Rabá li xtenamiteb'; ab'an laj David kikanaak Jerusalén.

1 Crónicas 20:1

Sa' li chihab' jun chik, naq eb' li awab'ej neke'xik chi yalok, laj Johab kixk'ameb' laj puub' chirix ut kixsach ru li xna'ajeb' laj Amón. Chirix chik a'an koxsut li tenamit Rabá, kixq'ax ru ut kixsach chi junajwa. Ab'an laj David kikanaak Jerusalén.

Jeremías 23:19

K'ehomaq reetal naq xchalk xjosq'il li Qaawa', jo' jun kaqsut-iq' li xchalk sa' xb'eeneb' li neke'b'aanunk maa'usilal.

Ezequiel 21:20

Tento taatz'iib'a reetalil b'ar taanume'q li awab'ej rik'in li xch'iich'. A'aneb' a'in li tenamit: Rabá, sa' xteepal Amón, ut Jerusalén, li kawub'resinb'il tenamit sa' xteepal Judá.

Ezequiel 21:22

Sa' xnim uq' x'elk li simaj li naxjayali Jerusalén, a'an reetalil naq taaxik chi xsachb'al: tixsut rix li tenamit, tixtuub' li xtaqleb'aal chi xsutam, tixk'eheb' xk'anjelob'aal chireheb' li okeb'aal ut tixjap re chi xyeeb'al resil li kamsink tiklaak re.

Ezequiel 25:7

Jo'kan naq tintaqsi li wuq' sa' eeb'een cherahob'tesinkil ut texinq'axtesi sa' ruq'eb' li xninqal ru tenamit re naq taa'elq'aaq chixjunil li k'aru eere. Tinsach eeru chi junwaakaj re teenaw naq laa'in li Qaawa'».

2 Samuel 12:31

ut eb' li poyanam li toj wankeb' aran, kirisiheb' ut kixk'eheb' chi jachok che', chi isink pek, chi yok'ok che' ut chi yiib'ank xan. Jo'kan ajwi' kixb'aanu rik'in chixjunileb' li xtenamiteb' aj Amón. Chirix chik a'an kisutq'iik Jerusalén rochb'een chixjunileb' laj puub'.

Ezequiel 21:25

Ut laa'at, at reemaaru aj awab'ej re Israel, xwulak xkutankil li tojb'amaak; ak xraqe'k chixjunil.