Amós 1:11 - Q'eqchi Bible

¹¹ Jo'ka'in kixye li Qaawa': “Ak k'iila sut xinkuy xmaakeb' laj Edom ut anaqwan maak'a' chik xkuyb'al, xb'aan naq rik'in ch'iich' xe'raanilasiheb' laj Israel li riitz'ineb' ut xe'xsach xwankil li uxtaanank u. Xe'xtz'eqtaanaheb' chi junwaakaj ut junelik xe'xk'uula sa' xch'ooleb' li josq'ink.

Li Santil hu

¹¹ Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Edom. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Eb laj Edom queꞌpletic riqꞌuineb laj Israel ut incꞌaꞌ queꞌril xtokꞌoba̱l ruheb. Junelic ban yo̱queb xjoskꞌileb saꞌ xbe̱neb ut junelic xicꞌ nequeꞌril.

Amós 1:11 ပူးပေါင်းရင်းမြစ်များ

2 Crónicas 28:17

xb'aan naq chalenaqeb' wi' chik laj Edom, ke'yalok wi' chik rik'ineb' laj Judá ut naab'aleb' li poyanam ke'chape'k.

Malaquías 1:4

Wi ta eb' laj Esaú te'xye: “Yaal naq xoosache'k, ab'an tqawaklesi wi' chik li qatenamit”, cha'qeb', li Qaawa', li Nimajwal Yos, tixye: “Wi eb' a'an te'xwaklesi wi' chik li xtenamiteb', laa'in tinjuk'uq wi' chik re. Ut li na'ajej a'an tixk'ab'a'in: «Xtenamitul li maa'usilal», ut «Tenamit b'arwi' junelik wanq li xjosq'il li Qaawa'»”.

Joel 3:19

Ejiipt taasache'q chi junajwa ut Edom nakirnak taakanaaq jo' li chaqich'och', xb'aan li rahilal ke'xb'aanu reheb' laj Judá, naq ke'xkamsi li maak'a'eb' xmaak sa' li xtenamiteb'.

Salmos 137:7

At Qaawa', che'jultijo'q taxaq aawe eb' laj Edom naq xe'xye chaq sa' xkutankil li xsachik Jerusalén: “Juk'umaq, juk'umaq toj reetal chixjunil li rub'elankil!”.

Miqueas 7:18

Maajun chik junaq Yos jo' laa'at, at Qaawa', xb'aan naq laa'at nakakuy nakasach li xmaakeb' li rela' laatenamit. Laa'at ink'a' nakatjosq'o'k chi junajwa, xb'aan naq nakara li uxtaanank.

Eclesiastés 7:9

Matjosq'o'k sa' junpaat, xb'aan naq li josq'il wank sa' xch'ooleb' li jipeb'.

Deuteronomio 23:7

“Maatz'eqtaana laj Edom, xb'aan naq aawas aawiitz'in. Maatz'eqtaanaheb' laj Ejiipt, xb'aan naq katwank chaq sa' li xtenamiteb'.

Efesios 5:1

Chek'am eere rik'in li Yos jo'qex li ralal xk'ajol raarookex xb'aan,

Malaquías 1:2

“Laa'in jwal nekexinra”, chan li Qaawa'. Ab'an laa'ex nekeye: “K'aru nak'utunk wi' naq nokoohaara?”, chankex. Ut li Qaawa' naxye: “Ma ink'a' tab'i' riitz'in laj Esaú laj Jakob? Laa'in jwal kinra laj Jakob

Isaías 57:16

Ink'a' tinjit lintenamit chi junelik chi moko toj yooq linjosq'il chi junajwa, xb'aan naq laa'in kinyoob'tesink re li winq ut li ixq, ut ink'a' nawaj naq te'ch'inanq ut te'raho'q xch'ool chiwu.

Salmos 85:5

At Qaawa' aj kolol qe, choohaakol wi' chik anaqwan, ch'anab' wan laajosq'il sa' qab'een.

Zacarías 1:15

Jo'kan naq makach'in injosq'il sa' xb'eeneb' li tenamit a'an li maak'a' neke'xk'oxla, xb'aan naq k'ajo' chik li maa'usilal xe'xb'aanu re lintenamit naq yo b'a'b'ay injosq'il.

2 Crónicas 20:10

Ab'an anaqwan wankeb' arin eb' laj Amón, eb' laj Mohab ut eb' li chalenaqeb' sa' li tzuul Seír, b'arwi' ink'a' kawaj roksinkileb' li qaxe' qatoon naq ke'elk chaq Ejiipt; jo'kan naq eb' li qana' qayuwa' yal ke'nume'k chirix li na'ajej a'an ut ink'a' ke'xsach ruheb' li tenamit a'an.

2 Crónicas 20:11

K'e reetal chanru nokoohe'xq'ajkamu: xe'chalk chi qisinkil sa' li qana'aj aak'ehom qe!

Oseas 8:3

A'ut eb' laj Israel xe'xtz'eqtaana li usilal chaab'ilal; jo'kan naq eb' li xik' neke'ilok reheb' te'xkut rib' sa' xb'eeneb'.