Amós 1:1 - Q'eqchi Bible

¹ A'an a'in li raatin laj Amós, jun reheb' laj ilol ketomq sa' xteepal Tékoha. A'in li kiril sa' moy u chirix li tixk'ul li tenamit Israel, naq wan chaq chi awab'ejink laj Osías aran Judá, ut naq laj Jerobohán, ralal laj Johás, yo chi awab'ejink aran Israel, wiib' chihab' rub'elaj li nimla hiik kiwank.

Li Santil hu

¹ Quicuan jun li cui̱nk aj Amós xcꞌabaꞌ saꞌ li naꞌajej Tecoa. Aꞌan jun reheb laj ilol xul. Quia̱tina̱c xban li Dios saꞌ eb li cutan nak cua̱nk chokꞌ rey aran Judá laj Uzías ut cua̱nk chokꞌ rey aran Israel laj Jeroboam ralal laj Joás. Cuib chihab chic ma̱ nanumeꞌ li hi̱c nak laj Amós quixtiquib xyebal resil li quicꞌutbesi̱c chiru xban li Dios chirixeb laj Israel.

Amós 1:1 ပူးပေါင်းရင်းမြစ်များ

Zacarías 14:5

Ut laa'ex tex'eleliq sa' li nimla taq'a, xb'aan naq li xtaq'ahil li tzuul taawulaq toj Yasol; tex'eleliq jo' keb'aanu naq kixk'e li hiik sa'eb' li kutan naq kiwank chi awab'ejil laj Osías arin Judá. Ut taachalq li Qaawa' linYos, rochb'eenaqeb' chaq chixjunileb' li xsant.

Amós 7:14

Kichaq'ok laj Amós ut kixye re laj Amasías: “Moko laa'in ta propeet chi moko xkomonin eb' li propeet, laa'in b'an aj ilol ketomq ut aj sik'ol ru iig.

Jeremías 6:1

Ex ralal xk'ajol laj Benjamín, elenqex chaq sa' li tenamit Jerusalén! Yaab'asihomaq li pur aran Tékoha, taqsihomaq li eetalil aran Bet-Keren, xb'aan naq chalk chaq re jun nimla rahilal ut raaxiik' sa' xjayal releb'l li iq'.

2 Crónicas 20:20

Wulajaq chik ke'wakliik eq'la ut ke'xk'am xb'eheb' re xik sa' li chaqich'och' re Tékoha. Ut naq ak elkeb' re aran Jerusalén, laj Josafat kixaqliik ut kixye reheb': “Ab'ihomaqin, ex aj Judá ut aj Jerusalén! K'ojk'ooq eech'ool rik'in li Qaawa' leeYos, ut maak'a' teek'ul. Paab'omaqeb' li xpropeet, ut us tex'elq”, chan.

2 Crónicas 11:6

Kixkawub'resiheb' li tenamit Belén, Etán, Tékoha,

1 Reyes 19:19

Ki'elk aran laj Elías ut koxtaw laj Eliseo, li ralaj laj Safat, naq yo chi xpikb'al li ch'och' rik'in kab'laju sumal chi b'ooyx, ut laj Eliseo wank sa' li xmaril. Laj Elías kinume'k chi xk'atq ut kixkut li xb'atb'al sa' xb'een.

2 Samuel 14:2

Jo'kan naq kixtaqla chaq xk'amb'al aran Tékoha jun li ixq seeb' xch'ool ut kixye re: “B'aanu aawib' jo' naq ra sa' aach'ool, tiqib' aawib' jo' na'uxk naq nakamk anihaq ut maak'e aasununkil b'an. B'aanu aawib' jo' junaq ixq li ak junxil x'ok xrahil li xch'ool.

Jeremías 1:1

A'an a'in resil li xyehom xb'aanuhom laj Jeremías, ralal laj Jilkías, xkomoneb' laj tij li ke'wank sa' li tenamit Anatot, sa' xteepaleb' laj Benjamín.

Isaías 1:1

Chiru chaq li xyu'ameb' laj Osías, laj Jotán, laj Ajás ut laj Esekiel, awab'ejeb' re Judá, laj Isaías, ralal laj Amós, kiril li moy u a'in chirix li tixk'ul Judá ut Jerusalén.

2 Reyes 14:23

O'laju chihab' rokik laj Amasías, ralal laj Johás, cho'q awab'ej re Judá, kixtikib' awab'ejink laj Jerobohán, ralal laj Johás, sa' xb'eeneb' laj Israel, sa' li tenamit Samaria. Ut jun roxk'aal chihab' ki'awab'ejink.

1 Corintios 1:27

Li Yos kixsik' ru li maak'a' xna'leb' sa' li ruuchich'och' re naq te'k'ute'q xxutaan li wankeb' xna'leb'; kixsik' ru li maak'a' xkawilal sa' ruuchich'och' re naq taak'ute'q xxutaan li jwal kaw rib'.

Miqueas 1:1

A'an a'in li raatin li Qaawa' li kixk'ul laj Mikeas, aj Moséret, ut li kiril sa' moy u chirix Samaria ut Jerusalén, naq laj Jotán, laj Ajás ut laj Esekías wankeb' chaq chi awab'ejink sa' xb'een Judá.

Oseas 1:1

A'an a'in li aatin kixye li Qaawa' re laj Oseas, ralal laj Beherí, naq laj Osías, laj Jotán, laj Ajás ut laj Esekías ke'awab'ejink sa' xb'eeneb' laj Judá, ut laj Jerobohán, ralal laj Johás, kiwank cho'q awab'ej re Israel.

2 Reyes 14:21

Toja' naq chixjunileb' laj Judá ke'xb'oq laj Asarías ut ke'xxaqab' cho'q awab'ej, sa' xna'aj laj Amasías li xyuwa'. Waqlaju chihab' wank re laj Asarías naq ki'ok chi awab'ejink.

Jeremías 7:27

“Taaye reheb' chixjunil li aatin xinye aawe, a Jeremías, us ta ink'a' te'raj aawab'inkil. Jap aawe chi xb'oqb'aleb', us ta ink'a' tate'xsume.

Éxodo 3:1

Laj Moisés yo chi xk'aak'alenkil li xketomq laj Jetró, xyuwa' li rixaqil ut aj tij re Madián. Sa' jun kutan kixk'ameb' li xkarneer junpak'al li chaqich'och' ut kiwulak toj Horeb, sa' li xtzuul li Yos.

San Mateo 4:18

Ut naq yo chaq chi b'eek li Jesus chire li palaw re Galilea, kiril wiib'eb' li winq riitz'ineb' rib', a' laj Simón, aj Pedro nayeemank re, ut laj Andrés li riitz'in, yookeb' chi xkutb'al li xyooyeb' sa' li palaw xb'aan naq aj kareb'.

Jeremías 28:8

Eb' li propeet li ke'wank chaq junxil, naq toj maji' nokooyo'laak chaq laa'o, ke'xye chaq resil li raaxiik', li we'ej ut li raxkamk taawanq sa' naab'aleb' chi tenamit ut xninqal awab'ejihom.