Abdías 1:18 - Q'eqchi Bible

¹⁸ Li xjunkab'al laj Jakob a'anaq li ru xam, li xjunkab'al laj José a'anaq li raq' xam, ut li xjunkab'al laj Esaú taak'atmanq chi junajwa jo' li k'im: maajun taakole'q sa' xyanqeb' li ralal xk'ajol laj Esaú”, chan li Qaawa'.

Li Santil hu

¹⁸ Eb li ralal xcꞌajol laj Jacob chanchanakeb li xam. Eb li ralal xcꞌajol laj José chanchanakeb li rakꞌ xam. Ut eb li ralal xcꞌajol laj Esaú chanchan nak nacꞌat li qꞌuim nak teꞌosokꞌ. Teꞌsachekꞌ ruheb chi junaj cua li ralal xcꞌajol laj Esaú. Ma̱ jun saꞌ xya̱nkeb teꞌcolekꞌ. La̱in li Ka̱cuaꞌ xinyehoc re aꞌin.

Abdías 1:18 ပူးပေါင်းရင်းမြစ်များ

Zacarías 12:6

“Sa' li kutan a'an li xjolomileb' laj Judá jo'kaqeb' li xam sa' li si' malaj sa' xyanqeb' li junq joob' chi triiw: te'xsach chixjunileb' li tenamit chi xsutameb', ut eb' laj Jerusalén wanqeb' wi' chik sa' li xna'ajeb'.

Isaías 10:17

Li Yos, li xsaqenk laj Israel, taachalq jo' li xam ut li Qaawa', li q'axal Sant, taasutq'iiq cho'q raq'xam; yal chiru jun kutan tolxsacheb' li k'ix ut li pim sa' li tenamit.

Miqueas 5:8

Sa' xyanqeb' li tenamit ut eb' li k'iila poyanam, li rela'eb' li ralal xk'ajol laj Jakob chanchanaqeb' li kaqkoj sa' xyanqeb' li k'iila josq' aj xul sa'eb' li k'iche', jo'aqeb' li ral kaqkoj sa' xyanqeb' li karneer: nat'upink ut nasachok b'arwi' nanume'k, ut maajun naramok chiru.

Ezequiel 37:19

ye reheb': «Jo'ka'in xye li Qaawa': Laa'in tinchap li xche' laj José, li wank sa' ruq' laj Efraín jo' ajwi' sa' ruq'eb' laj Israel li xe'okenk chirix, ut tinjunaji rik'in li xche' laj Judá re naq junajaq aj chik chi che' sa' wuq'».

Isaías 5:24

Jo' naq li xam naxk'at li k'im ut na'oso'k li k'ix xb'aan li raq'xam, jo'kan ajwi' naq tex'oso'q laa'ex, jo' li che' xq'aak li xxe' ut li ratz'um xhame'k kama' li pojtz'. Xb'aan naq xetz'eqtaana li xchaq'rab' li Qaawa' ut li raatin li Nimajwal Yos, li xSant laj Israel.

1 Corintios 3:12

Ut wi yooko chi kab'lak sa' xb'een li ub'elanb'il a'in rik'in oor, plaat, chaq'alil ru pek, che', pim malaj k'im,

Nahum 1:10

xb'aan naq eb' li xik' neke'ilok re, te'oso'q chi junajwa chanchaneb' li k'ix xchapomeb' rib'; jo'qeb' li chaqi k'im naq te'k'ate'q, ut k'ajo'eb' chi kalaak sa' xninq'eheb'.

Abdías 1:16

“Jo' naq xereek'a laa'ex xk'ahil li rahob'tesiik sa' linloq'laj tzuul, jo'kan ajwi' eb' li jalanil tenamit te'ruk' xsa' li xsek'ul linjosq'il chi kok'aq xsa' toj reetal te'oso'q chi junajwa.

Amós 6:6

Nekex'uk'ak b'iin sa'eb' li xninqal sek' ut nekeyul eerib' sa' sununkil b'an jwal chaab'il; ab'an maak'a' nekeraj wi' li xrahilaleb' laj José.

Amós 5:15

Tz'eqtaanahomaq li ink'a' us, rahomaq ru li us ut k'ehomaq xwankil li tiikilal sa' li raqok aatin. Mare anchal li Nimajwal Yos taaruxtaana ruheb' laj José, li jo'k'ihaleb' chik te'kole'q.

Joel 2:5

Tz'aapixik tz'aqal rab'inkileb' naq yookeb' chi aanilak sa' xb'eeneb' li tzuul, kama' xyaab'eb' li k'iila b'eleb'aal ch'iich' re yalok; chanchaneb' li xyaab' li chaqi pim naq yo chi k'atk; jo'eb' laj puub' jwal kaweb' rib' li tzoltzookeb' royb'eninkil li xhonalil li yalok.

Ezequiel 37:16

“At kaamel winq, xok jun perelaq li che' ut tz'iib'a chiru chi jo'ka'in: «Re laj Judá ut reheb' li xe'okenk chirix». Xok wi' chik jun perelaq li che' ut tz'iib'a chiru: «Re laj José ut reheb' li ralal xk'ajol laj Israel li xe'okenk chirix».

Isaías 47:14

K'e reetal, kama'eb' li k'im naq te'oso'q chixjunileb'; li xam taasachoq reheb', ut ink'a' te'ruhanq chi xkolb'aleb' rib' chiru xtiqwal li xam. Xb'aan naq a'an maawa' xam re k'uub'ank tzekemq chi moko ru xam naruuk wi' q'ixink.

Isaías 31:9

Taa'eleliq ajwi' li xyoseb' chi k'ajo'aq xxiw, ut eb' laj jolominel te'sachq xch'ool ut te'xkanab' li yalok. A'an a'in raatin li Qaawa' li wank xxam ak kawresinb'il aran Jerusalén re xrahob'tesinkileb' li xik' neke'ilok re.

2 Samuel 19:20

xb'aan naq ninxooto linmaak, ut laa'in li xb'een reheb' laj José li xinkub'e chaq sa' li kutan a'in re aak'ulb'al, at eechal we”.

Isaías 9:18

Xb'aan naq xnumtaak li maa'usilal, jo' li xam naxk'at li k'ix ut li chaqipim; nachoqleek li k'iche' xb'aan ut nab'utz'utz'nak li xsib'el chi elk.

Isaías 9:19

Xb'aan xnimal xjosq'il li Nimajwal Yos x'ok xxamlel li ruuchich'och' ut eb' li poyanam yookeb' chi k'atk jo'eb' li k'im; maajun chik naril xtoq'ob'aal ru li ras riitz'in.

Jeremías 11:23

Maajun chik reheb' a'an taakanaaq chi yo'yo, xb'aan naq chalk re xkutankil naq laa'in tintaqla li nimla rahilal sa' xb'eeneb' laj Anatot, sa' xq'ehil li raqb'a aatin”, chan li Qaawa'.

Amós 1:8

Tinsach ruheb' laj Asdod jo' ajwi' li na'awab'ejink re Askalón; tinrahob'tesiheb' laj Ekrón ut tinsach ruheb' laj Filistea chi junajwa”, chan li Qaawa'.

Malaquías 4:1

Xyehom li Nimajwal Yos: “Chalk re li xnimal ru Kutan, q'axal tiq ru, jo' li tiqwal xam. Chixjunileb' li q'etq'et ut eb' laj b'aanuhom maa'usilal te'k'atq jo' li k'im; ut te'oso'q chi junwaakaj sa' li Kutan chalk re.

Éxodo 5:12

Toja' naq li tenamit ke'xjek'atq rib' sa' xsutam Ejiipt chi xsik'b'al yal pim jo' reeqaj li k'im.