2 Ts 3:4 - Q'eqchi Bible

⁴ K'ojk'o li qaanm cherix sa' xk'ab'a' li Qaawa' naq jo'nimal xexqachaq'rab'i wi' yookex chi xpaab'ankil, ut teepaab' ajwi' chi junelik.

Li Santil hu

⁴ Ut cꞌojcꞌo kachꞌo̱l saꞌ e̱be̱n la̱ex saꞌ xcꞌabaꞌ li Ka̱cuaꞌ Jesucristo nak yo̱quex chixba̱nunquil li xkajultica che̱ru ut nakanau nak te̱ba̱nu li bar cuan takaye e̱re.

2 Ts 3:4 ပူးပေါင်းရင်းမြစ်များ

1 Ts 4:10

Ut a'an li yookex xb'aanunkil rik'in chixjunileb' laj paab'anel li wankatqeb' sa' xsutam chixjunil Macedonia. Ab'anan, ex qas qiitz'in, naqatz'aama cheru naq q'axal wi' chik chexrahoq.

Filipenses 1:6

K'ojk'o inch'ool naq li Yos li xyoob'ank re li chaab'il k'anjel a'in eerik'in yooq ajwi' chi xtz'aqob'resinkil ru, toj reetal sa' xkutankil li Kristo Jesus.

Filemón 1:21

Xintz'iib'ak aawik'in chi k'ojk'o li waanm naq taab'aanu li usilal a'in; ut ninnaw naq q'axal naab'al chik taab'aanu chiru li nintz'aama aawe.

Filipenses 2:12

Jo'kan utan, ex was wiitz'in raarookex inb'aan, jo' naq xexpaab'ank chiwu chi junelik, moko ka'aj ta wi' naq wankin chaq eerik'in, jo'kan ajwi' teeb'aanu anaqwan naq maa'anihin sa' eeyanq. Chexk'anjelaq chi kaw chirix leekolb'al chi wanq eexiw ut texsiksotq,

2 Corintios 2:3

A'in aj e naq xintz'iib'a eerik'in chi jo'ka'in, re naq jo'q'e tinwulaq, maak'a'aq xrahil inch'ool xb'aaneb' li tento raj xe'xk'e xsahil li waanm. Ninnaw chi us cherix chejunilex naq linsahojik a'an ajwi' leesahojik chejunilex.

2 Ts 3:12

Eb' a'an naqachaq'rab'i ut naqajultika reheb' sa' xk'ab'a' li Qaawa' Jesukriist naq che'k'anjelaq sa' xyaalalil re naq te'xtaw xwaheb'.

2 Ts 3:6

Ex qas qiitz'in, sa' xk'ab'a' li Qaawa' Jesukriist nekexqachaq'rab'i naq cherisi eerib' sa' xyanqeb' chixjunil li qas qiitz'in li wankeb' chi sachsookeb' xch'ool ut ink'a' neke'xb'aanu jo' chanru leetijb'al eek'ulum qik'in.

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Gálatas 5:10

Laa'in kaw inch'ool cherix laa'ex sa' xk'ab'a' li Qaawa' naq ink'a' teek'am jalan chik li b'e; ab'an li yo chi po'ok re leech'ool tixk'ul xtojb'al xmaak, a' yaal ani a'an.

2 Corintios 8:22

Xqataqla ajwi' chirixeb' a'an jun chik li qiitz'in: k'iila wa xqak'e reetal naq a'an naxk'e xch'ool chi tz'aqal, ut anaqwan q'axal chik yalyo xq'e chi k'anjelak xb'aan naq kaw xch'ool cherix laa'ex.

2 Corintios 2:9

Ak xintz'iib'ak eerik'in re xyalb'al eerix, re rilb'al ma nekex'ab'ink rik'in chixjunil.

1 Corintios 14:37

Wi wan junaq naxk'oxla rib' naq a'an propeet malaj musiq'anb'il xb'aan li Musiq'ej, chixnawaq naq li k'aru yookin chi xtz'iib'ankil eerik'in, a'an xchaq'rab' li Qaawa'.

1 Corintios 7:19

Li sirkunsisyon maak'a' naraj naxye; jo'kan ajwi' li wank chi maak'a' a'an. Li na'ajmank ru, a'an xpaab'ankil li xchaq'rab' li Yos.

Romanos 15:18

Xb'aan naq maak'a' k'aru tinye laa'in wi ta ink'a' uxb'il xb'aan li Kriist sa' xk'ab'a' link'anjel re xk'amb'aleb' li maawa'eb' aj Judiiy chi paab'ank. A' li Kriist kib'aanunk re rik'in aatin ut b'aanuhom,

Romanos 15:14

Ex was wiitz'in, ninnaw chi us naq numtajenaq xchaab'ilal eech'ool, nujenaqex rik'in chixjunil li chaab'il k'a'uxl ut kawresinb'ilex re xk'eeb'al eena'leb' cherib'il eerib'.

Romanos 2:7

li Yos tixk'e junelik yu'am reheb' li ninqeb' xkuyum chi xb'aanunkil li us, jo'k'ihaleb' li neke'xsik' li loq'al, li chaab'ilal ut li yu'am ink'a' nalajk na'oso'k.