2 Ts 2:17 - Q'eqchi Bible

¹⁷ a'an taxaq chik'ojob'anq eech'ool ut chik'ehoq eekawub' re xb'aanunkil ut xyeeb'al chixjunil li us.

Li Santil hu

¹⁷ Aꞌan ta ajcuiꞌ chicꞌojoba̱nk e̱chꞌo̱l ut chiqꞌuehok e̱cacuilal re xyebal ut re xba̱nunquil li cꞌaꞌru us.

2 Ts 2:17 ပူးပေါင်းရင်းမြစ်များ

2 Ts 3:3

Tiik xch'ool li Qaawa'; ut a'an tixk'e xkawub' eech'ool ut texxkol chiru li maa'us.

1 Ts 3:13

re naq kawub'resinb'ilaq chi us leech'ool sa' santilal chi maak'a'aq eeq'usb'al chiru li Yos li qaYuwa', sa' xk'ulunik li Qaawa' Jesukriist, rochb'een chixjunil li xsantil tenamit.

1 Ts 3:2

ut xqataqla eerik'in laj Timoteo, li qiitz'in ut aj k'anjel chiru li Yos sa' li xChaab'il Esil li Kriist. A'an a'in li qajom: xk'eeb'al eena'leb' ut xkawub' eech'ool sa' leepaab'aal

San Judas 1:24

A' taxaq li Yos li wank xwankil chekolb'al chiru li maak jo'wi' cheq'axtesinkil sa' li xnimal xloq'al chi maak'a'aq eemuxul ut rik'in sahil ch'oolej,

Colosenses 2:7

xe'eninb'ilaqex ut kab'lanb'ilaqex sa' xb'een, kaw xaqxooqex sa' li paab'aal jo' chanru tzolb'ilex wi', q'axal yooqex chi yoxink chiru li Yos.

1 Corintios 1:8

A'an tixk'e xkawub' eech'ool toj reetal sa' roso'jik, re naq maak'a'aq eeq'usb'al sa' xkutankil li Qaawa' Jesukriist.

Romanos 15:13

A' taxaq li Yos li nak'ehok xnimal qoyb'enihom chinujob'resinq eere rik'in chixjunil li sahil ch'oolej ut tuqtuukilal sa' leepaab'aal, re naq numtajenaqaq leeroyb'enihom xb'aan xwankil li Santil Musiq'ej.

1 Juan 3:18

Ex inkok'al, moorahok yal chi aatin malaj chi xtz'uumal qe, choorahoq b'an rik'in qab'aanuhom ut chi tz'aqal yaal.

1 Pedro 5:10

Naq akaq xekuy b'ayaq li rahilal, li Yos taatz'aqob'resinq eere eeru, tixk'e xkawub' eech'ool, taawaklesinq ut taaxaqab'anq eere. A'an ajwi' li Yos li kib'oqok eere sa' li xjunelik loq'al sa' xk'ab'a' li Kriist, xb'aan xnimal xrahom.

Hebreos 13:9

Chek'e reetal, mexb'alaq'iik xb'aan xk'utomeb' li winq jalan jalanq neke'xye ut najt chalenaqeb'. Jwal us naq tqakawub'resi qach'ool rik'in rusilal li Yos, ut maawa' rik'in tzekemq li maak'a' ki'ok wi' reheb' li ke'paab'ank re.

2 Ts 2:16

A'aj tawi' li Qaawa' Jesukriist ut li Yos li qaYuwa', li xrahok qe ut, xb'aan xnimal rusilal, xk'e qe jun xk'ojob'ankil qach'ool li ink'a' nalajk na'oso'k jo'wi' xnimal xsahil li qaanm chi oyb'enink,

2 Corintios 1:21

A' ajwi' li Yos nak'ehok xkawub' qach'ool qochb'eenex laa'ex sa' xk'ab'a' li Kriist, ut a'an ajwi' kooxyul

Romanos 16:25

Chiqanima ru li Yos! A'an wank xwankil chi xk'eeb'al xkawub' eech'ool, jo' chanru li Chaab'il Esilal ninjultika ut ninpuktesi chirix li Jesukriist, jo' ajwi' chanru yo chi k'utunk xyaalal anaqwan li choxahil na'leb' tz'aptz'o ru naq kiwank chalen chaq q'e kutan,

Isaías 66:13

Jo' junaq na'b'ej naxq'unb'esi li xk'uula'al, jo'kan ajwi' naq texinq'unb'esi laa'in, ut aran Jerusalén taak'ojob'aaq leech'ool”.

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

Isaías 62:7

meek'e chi hilank li Qaawa' toj reetal tixwaklesi wi' chik li xtenamit ut chixjunil li ruuchich'och' tixnima xloq'al Jerusalén.

Isaías 51:3

Laa'in tink'ojob' xch'ool Sión ut twil xtoq'ob'aal ru li xpo'lemil; tinsutq'isi li chaqich'och' cho'q sahil na'ajej, ut li joxk' ch'och' tkanaaq cho'q xna'aj li Qaawa': k'ajo'aq li b'ichank ut sahil ch'oolej aran, taawanq li wajb'ak ut b'anyoxink sa' ink'ab'a'.

Romanos 1:11

K'ajo' naq nawaj eerilb'al re xq'axtesinkil eere junaq leemaatan li naxk'e li Musiq'ej, re naq kawub'resinb'ilaq leech'ool,

Isaías 51:12

“Laa'in nink'ehok xkawub' laach'ool -chan li Qaawa'-. Anihat laa'at chi xxiwankil ru li winq li yal kaamel, li taa'oso'q jo' li k'im?