2 Ts 2:16 - Q'eqchi Bible

¹⁶ A'aj tawi' li Qaawa' Jesukriist ut li Yos li qaYuwa', li xrahok qe ut, xb'aan xnimal rusilal, xk'e qe jun xk'ojob'ankil qach'ool li ink'a' nalajk na'oso'k jo'wi' xnimal xsahil li qaanm chi oyb'enink,

Li Santil hu

¹⁶ Li Ka̱cuaꞌ Jesucristo ut li Dios li kaYucuaꞌ, li narahoc ke, xban xnimal rusilal naxcꞌojob kachꞌo̱l chi junelic ut naxqꞌue xcacuilal kachꞌo̱l chi oybeni̱nc.

2 Ts 2:16 ပူးပေါင်းရင်းမြစ်များ

San Juan 3:16

“Xb'aan naq li Yos k'ajo' naq kixra li ruuchich'och': kixk'e chaq li Ralal jun chirib'il re naq chixjunil li taapaab'anq re, ink'a' taasachq, wanq b'an xyu'am chi junelik.

Tito 1:2

li nawank sa' xk'ab'a' li loq'laj royb'eninkil li junelik yu'am. Li Yos ink'a' natik'ti'ik, kixyeechi'i chaq li yu'am a'an najter q'e kutan,

1 Ts 3:11

A' taxaq li Yos li qaYuwa' ut li Qaawa' Jesus chituqub'anq li qab'e re xik eerik'in.

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

Colosenses 1:23

Ka'ajwi' naq kawaq eech'ool sa' leepaab'aal; kaw kab'lanb'ilaqex sa' xb'een a'an, jo'wi' kaw xaqxooqex chi oyb'enink sa' xk'ab'a' li Chaab'il Esilal eerab'ihom, a' li xpuktesimank reheb' chixjunil junsut junrub'el choxa ut li xaqab'anb'ilin wi' laa'in laj Pablo chi xk'anjelankil chiruheb' chixjunil.

Efesios 5:25

Ex b'eelomej, chera leerixaqil jo' naq li Kriist kixra li Iklees ut kixq'axtesi rib' sa' xk'ab'a' a'an

Efesios 5:2

ut chexwanq sa' li rahok kama' naq kexra li Kriist ut kixq'axtesi rib' sa' qak'ab'a' jo' chaab'il mayej ut loq'laj yeechi'om, sununk xb'ook chiru li Yos.

Romanos 5:8

A'ut li Yos naxk'ut qaraab'al rik'in naq li Kriist kikamk sa' qak'ab'a' naq toj wanko chaq sa' li qamaak.

Romanos 4:16

Jo'kan naq chixjunil na'uxk sa' xk'ab'a' li paab'aal re naq k'ulb'ilaq yal chi maatan, ut li xyeechi'om li Yos xaqxooq xwankil cho'q reheb' chixjunil li ralal xk'ajol laj Abrahán: moko ka'aj ta wi' cho'q reheb' laj paab'anel Chaq'rab', reheb' aj b'an wi' li wankeb' xpaab'aal jo' laj Abrahán li qayuwa' chiqajunilo,

Romanos 4:4

Wi ani yo chi k'anjelak ut naxk'ul xtojb'al, a'in ink'a' nak'ehe'k re yal jo' xmaatan, ak re aj b'an wi' naq naxk'ul.

Hechos 18:27

Laj Apolo kiraj q'axonk Akaya; jo'kan naq eb' laj paab'anel ke'xk'e xkawub' xch'ool ut ke'tz'iib'ak rik'ineb' li rech aj paab'anelil wankeb' aran, re naq che'xk'ulaq chi chaab'il. Ut naq kiwulak aran, q'axal kixtenq'aheb' li ak okenaqeb' chi paab'ank xb'aan rusilal li Yos:

Hechos 15:11

Laa'o naqapaab' naq rik'in li rusilal li Qaawa' Jesus wank qakolb'al, tz'aqal jo'eb' a'an.

San Juan 16:22

Jo'kan ajwi' laa'ex ra sa' eech'ool anaqwan, ab'anan tolwil wi' chik eeru ut taasaho'q leech'ool, ut li xsahil eech'ool maa'ani truuq taamaq'oq cheru.

San Juan 15:13

Maa'ani q'axal narahok jo' li naxq'axtesi li xyu'am sa' xk'ab'a'eb' li ramiiw.

San Juan 15:9

Jo' naq xinxra li Yuwa'b'ej, jo'kan ajwi' naq xexinra laa'in. Kanaaqex sa' linrahom.

San Juan 13:1

Rub'elaj chaq xninq'ehinkil li Paswa naxnaw li Jesus naq xwulak xhonal naq taa'elq sa' li ruuchich'och' a'in ut taaq'axonq rik'in li Yuwa'b'ej. Jo' naq kixraheb' li xtzolom li wankeb' sa' ruuchich'och', kixraheb' chi tz'aqal re ru toj sa' roso'jik.

San Juan 4:14

a'ut li taa'uk'uq re li ha' tink'e laa'in, maajoq'e chik taachaqiq re: li ha' tink'e laa'in wanq rik'in jo' jun yu'amha' nab'ululnak re li junelik yu'am.

San Lucas 16:25

“Ut laj Abrahán kixye re: «At walal, chijultiko'q aawe naq sa xatwank chaq chiru laayu'am, ut laj Lázaro ra xk'ul chaq. Anaqwan nak'ojob'aak xch'ool arin ut laa'at q'axal ra wankat.

Isaías 61:7

Numtajenaq leexutaan ut leemajewankil eek'ulum chaq; jo'kan naq naab'alaq ajwi' leemaatan: ka'wa teek'ul xk'ihal leeb'ihomal sa' li na'ajej wanqex wi' ut junelik chik sahaq sa' leech'ool.

Isaías 51:11

Jo'ka'in naq te'sutq'iiq chaq li te'kole'q xb'aan li Qaawa', yooqeb' chi b'ichank naq te'ok Sión. Li rahilal ut li yaab'ak taasachmanq chi junajwa; numtajenaqaq li xsahil xch'ooleb', ut a'an taak'utunq tz'aqal sa' xnaq' ruheb'.

Isaías 35:10

Eb' li kolb'ileb' xb'aan li Qaawa' te'sutq'iiq chaq, te'ok Sión yooqeb' chi b'ichank, ut chi xnaq' ruheb' taak'utunq li xsahilaleb' xch'ool chi junelik. Nimla sahilal taa'ochb'eeninq reheb' ut maak'a'aq chik li yaab'ak ut li rahil ch'oolej sa' xyanqeb'.

Salmos 103:17

A'ut li xrahom li Qaawa' wank chi junelik, xaqxo sa' xb'eeneb' chixjunileb' li neke'paab'ank re. Li xtiikilal xch'ool nahoye'k sa' xb'eeneb' li ralal xk'ajoleb',

Apocalipsis 22:5

Aran maak'a'aq chik q'oqyink; moko te'raj ta ru xsaqenkil li xam chi moko xsaqenkil li saq'e, xb'aan naq li Qaawa' Yos taakutanob'resinq reheb', ut te'awab'ejinq chi junelik q'e kutan.

Apocalipsis 3:9

K'e reetal, wank xkomoneb' li xch'utleb'aal ochoch laj tza li ok we chi xq'axtesinkileb' sa' laawuq', eb' li neke'xye rib' naq a'aneb' aj Judiiy ut maawa'eb', tik'ti' b'an li neke'xye. Laa'in teb'ink'e chi xik chi wiq'laak rub'el laawoq, re naq te'xnaw naq laa'in nakatinra.

1 Juan 3:16

A'in xqataw wi' ru k'aru li rahok, rik'in naq li Jesus kixk'e li xyu'am sa' qak'ab'a'; jo'kan naq laa'o ajwi' tento tqak'e li qayu'am sa' xk'ab'a'eb' li qas qiitz'in.

Hebreos 7:19

(xb'aan naq maak'a' k'aru kitz'aqlok re ru xb'aan li Chaq'rab'), ut na'oksimank jun chik chaab'il oyb'enink li nokoojilok wi' chi xk'atq li Yos.

Tito 2:13

Yooko chi xyo'oninkil naq tixk'utb'esi rib' li xloq'al li Kristo Jesus, a'an li qaNimajwal Yos ut aj Kolol qe, li qasahilal ut qoyb'enihom.

Colosenses 1:5

sa' xk'ab'a' royb'eninkil li sahil ch'oolej k'uulanb'il cho'q eere sa' choxa. Ak tzolb'ilex chaq chirix a'an xb'aan li Aatin re li yaal, a' li Chaab'il Esilal

Romanos 1:7

Eerik'in chejunilex laa'ex li raarookex xb'aan li Yos aran Roma ut b'oqb'ilex chi wank sa' santilal chiwanq taxaq li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist.

2 Ts 2:13

A'ut laa'o rajlal toob'anyoxinq re li Yos cherix laa'ex, ex qas qiitz'in raarookex xb'aan li Qaawa', xb'aan naq li Yos kisik'ok eeru chalen chaq sa' xtiklajik re naq texkole'q sa' xk'ab'a' li santob'resink naxb'aanu li Musiq'ej, jo' ajwi' xb'aan xpaab'ankil li yaal.

1 Ts 1:3

Junelik wank sa' qach'ool chiru li qaYos ut qaYuwa' li xk'anjel leepaab'aal, li xkuyum leerahom ut li xkawil eech'ool chi yo'onink sa' xk'ab'a' li Jesukriist li Qaawa'.