2 Ts 2:14 - Q'eqchi Bible

¹⁴ A'in aj e naq xexb'oq rik'in li Chaab'il Esilal xqapuktesi, re naq textz'aqonq sa' li xnimal xloq'al li Qaawa' Jesukriist.

Li Santil hu

¹⁴ Aꞌan aj e nak li Dios quixsicꞌ e̱ru re nak te̱pa̱b li evangelio li xkachꞌolob che̱ru re nak textzꞌako̱nk riqꞌuin lix nimal xlokꞌal li Ka̱cuaꞌ Jesucristo.

2 Ts 2:14 ပူးပေါင်းရင်းမြစ်များ

1 Pedro 5:10

Naq akaq xekuy b'ayaq li rahilal, li Yos taatz'aqob'resinq eere eeru, tixk'e xkawub' eech'ool, taawaklesinq ut taaxaqab'anq eere. A'an ajwi' li Yos li kib'oqok eere sa' li xjunelik loq'al sa' xk'ab'a' li Kriist, xb'aan xnimal xrahom.

1 Ts 1:5

xb'aan naq li Chaab'il Esilal xqapuktesi eere moko ka'aj ta wi' rik'in aatin xwulak eerik'in, rik'in aj b'an wi' xwankil li Yos jo'wi' rik'in li Santil Musiq'ej, chi tz'aqal yaal. Nekenaw chanru naq xoowank chaq sa' eeyanq xb'aan eeraab'al.

Romanos 8:17

Ut wi laa'o li alal k'ajolb'ej, too'eechaninq ajwi' maatan, taaqeechani xyeechi'om li Yos, sum'eechaninelaqo qochb'een li Kriist, xb'aan naq qochb'een A'an naqak'ul rahilal re naq qochb'een ajwi' A'an taanimaaq qaloq'al.

Apocalipsis 3:21

«Li ani taaq'axoq u, tink'e chi k'ojlaak wik'in sa' linnimajwal k'ojarib'aal, jo' ajwi' laa'in xinq'axok u ut xink'ojlaak rik'in linYuwa' sa' li xnimajwal k'ojarib'aal.

2 Timoteo 2:12

Wi wanq qakuyum, toosum'awab'ejinq ajwi' qochb'een A'an. Wi taaqatz'eqtaana, tooxtz'eqtaana ajwi' A'an.

Efesios 1:18

Chixkutanob'resi taxaq leech'ool, re naq teenaw b'arwan leeroyb'enihom b'oqb'ilex wi' xb'aan, jo'wi' li xchamal xsasal li loq'al te'reechani eb' laj santil paab'anel.

Romanos 16:25

Chiqanima ru li Yos! A'an wank xwankil chi xk'eeb'al xkawub' eech'ool, jo' chanru li Chaab'il Esilal ninjultika ut ninpuktesi chirix li Jesukriist, jo' ajwi' chanru yo chi k'utunk xyaalal anaqwan li choxahil na'leb' tz'aptz'o ru naq kiwank chalen chaq q'e kutan,

Romanos 2:16

Chixjunil a'in taak'utunq chi us sa' li kutan taaraqoq wi' aatin li Yos sa' xk'ab'a' li Jesukriist chirix li k'aru muqmu sa' xch'ooleb' chixjunileb'. A'an a'in li Chaab'il Esilal ink'ulum laa'in.

San Juan 17:24

“At inYuwa', eb' li xak'eheb' we nawaj naq wanqeb' wochb'een b'arwi' wanqin laa'in, re naq te'xka'ya linloq'al li xak'e chaq we, xb'aan naq xinaara rub'elaj xk'ojlajik li ruuchich'och'.

San Juan 17:22

Laa'in xink'e reheb' linloq'al xak'e chaq we, re naq junaqeb' ta a'an, kama' laa'o juno ajwi':

San Mateo 25:21

Ut laj eechal re kixye: «Us, chaab'il aj k'anjelat ut tiik aach'ool! Tiik aach'ool naq xatwank rik'in li b'a'b'ay, tink'e aawankil sa' xb'een naab'al chik. Tattz'aqonq sa' xsahilal xch'ool laj eechal aawe».

Salmos 16:11

Taak'ut chiwu xb'ehil li yu'am: k'ajo' xnimal li sahilal chawe chawu, xiikil li saa'us aawik'in chi junelik!

Apocalipsis 21:23

Li tenamit ink'a' chik naraj ru taakutanob'resiiq xb'aan li saq'e chi moko xb'aan li po, xb'aan naq nakutanob'resiik xb'aan li xnimal xloq'al li Yos, ut li Karneer a'an li xsaqenk.

2 Pedro 1:3

Li xnimal xwankil li Kriist kixsi qe chixjunil li nak'anjelak sa' li qayu'am ut sa' li qapaab'aal, sa' xk'ab'a' xnawb'al ru li Yos li kib'oqok chaq qe rik'in li xloq'al ut li rusilal.