2 Ts 2:10 - Q'eqchi Bible

¹⁰ taachalq ajwi' rik'in chixjunil li maa'usilal re naq tixq'unb'esi xch'ooleb' li tento te'sachq xb'aan naq ink'a' ke'xk'ulub'a ut ink'a' ke'xra li yaal li kikolok raj reheb'.

Li Santil hu

¹⁰ Tixbalakꞌiheb li teꞌsachekꞌ xban nak queꞌxtzꞌekta̱na lix ya̱lal li quicoloc raj reheb.

2 Ts 2:10 ပူးပေါင်းရင်းမြစ်များ

1 Corintios 1:18

Xyeeb'al resil li krus a'an memil na'leb' chiruheb' li yookeb' chi sachk, ab'an chiruheb' li yookeb' chi kole'k -chiqu laa'o- a'an xnimal xwankil li Yos.

Proverbios 1:7

Li roxloq'inkil li Qaawa' a'an xtiklajik li chaab'il k'a'uxl; eb' li jip neke'xtz'eqtaana li tije'k ut li q'use'k.

2 Pedro 2:12

A'ut eb' a'in chanchaneb' li xul maak'a'eb' xna'leb', li yal reheb' chape'k ut kamsiik naq xe'yo'laak chaq: neke'xmajewa li k'aru ink'a' neke'xnaw, ut te'kamq jo' nakamsiik junaq xul.

1 Corintios 16:22

Ani ink'a' naxra li Qaawa', tz'eqtaananb'ilaq chi junajwa! Maraná tha.

Romanos 16:18

xb'aan naq eb' a'an ink'a' neke'xk'anjela ru li Kriist li Qaawa', a' chik li xsa'eb' neke'xk'anjela ru, ut rik'in chaab'il q'unil aatin neke'xb'alaq'i li q'uneb' xch'ool sa' xpaab'aaleb'.

2 Corintios 11:15

Jo'kan utan, misachk eech'ool chi rab'inkil naq eb' laj tenq' re neke'xpak' rib' cho'q aj k'anjel re li tiikilal. Ab'an te'wanq roso'jikeb' a' yaal chanru li xb'aanuhomeb'.

Proverbios 8:17

Laa'in ninraheb' li nake'rahok we; ut eb' li nikine'xsik' chi anchaleb' xch'ool, nikine'xtaw.

1 Timoteo 2:4

A'an naraj naq chixjunileb' te'kole'q ut toxe'xtaw ru k'aru li yaal.

Efesios 4:14

Ink'a' chik kama'aqo li kok'al, chi moko eek'asinb'ilaqo ut k'amb'ilaqo xb'aan li iq' yalaq b'ar xb'aan k'a'aq re ru chi na'leb'il li yal naraj xch'ooleb' li winq aj tik'ti' ut aj lab'al, a'eb' li junes b'alaq'il neke'xyoob',

2 Corintios 2:17

Relik chi yaal naq laa'o ink'a' nokooyakok rik'in Raatin li Yos kama' neke'xb'aanu naab'aleb'; nokoo'aatinak b'an sa' yaal, chiru li Yos, sa' xk'ab'a' li Kriist, jo' chanru musiq'anb'ilo xb'aan li Yos.

2 Corintios 2:15

Xb'aan naq laa'o kama'o xsununkil li Kriist chiru li Yos, sa' xyanqeb' li wankeb' sa' xb'e li kolb'a ib' jo'wi' sa' xyanqeb' li yookeb' chi sachk:

Romanos 10:1

Ex was wiitz'in, a'an a'in li naxrahi linch'ool ut li nintz'aama chiru li Yos: naq che'kole'q eb' laj Israel.

Romanos 6:17

Ab'anan, b'anyox re li Yos, laa'ex li xexwank chaq cho'q moos re li maak, xepaab' chi anchal eech'ool leechaab'il tzolb'al li xexq'axtesiik wi';

San Juan 5:34

Laa'in ninye a'in re naq texkole'q, xb'aan naq ink'a' ninsik' li naxye junaq winq.

San Juan 3:17

Xb'aan naq li Yos ink'a' kixtaqla chaq li Ralal sa' ruuchich'och' chi raqok aatin sa' xb'een li ruuchich'och', re b'an naq chikole'q li ruuchich'och' sa' xk'ab'a' a'an.

2 Pedro 2:18

Neke'aatinak rik'in xninqal ru aatin sa' xmajelal xna'leb'eb'; ut rik'in li naxrahi li tz'ejwalej jo'wi' rik'in li wank chi jo'maajo', neke'xq'unb'esi eb' li toja' xe'elk chaq sa' xyanqeb' li wankeb' sa' li ink'a' usil na'leb'.

Hebreos 3:13

Chek'ehaq b'an xkawub' eech'ool cherib'il eerib' rajlal kutan naq toj nayeemank li “anaqwan”, re naq maajun eere tixkawub'resi xch'ool rik'in xb'alaq'il li maak.

1 Ts 2:16

neke'xram chiqu aatinak rik'ineb' li maawa'eb' aj Judiiy re naq te'kole'q; chi jo'kan junelik yo chi nujak li xb'isb'al li xmaakeb'. Ab'anan li xjosq'il li Yos ak teneb'anb'il sa' xb'eeneb' chi junajwa.

2 Corintios 11:13

Xb'aan naq eb' a'an yal neke'xk'e rib' cho'q apóstol; ab'anan aj k'anjeleb' re b'alaq'ik, neke'xpak' rib' cho'q x'apóstol li Kriist.

San Mateo 13:11

Kixsumeheb' ut kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal wankilal li choxa, ab'an ink'a' k'eeb'il reheb' a'an.

2 Ts 2:12

ut chi jo'kan chixjunileb' li ink'a' ke'xpaab' li yaal ut a' chik li maa'usilal kiwulak chiruheb', taateneb'aaq tojb'amaak sa' xb'eeneb'.

2 Ts 2:13

A'ut laa'o rajlal toob'anyoxinq re li Yos cherix laa'ex, ex qas qiitz'in raarookex xb'aan li Qaawa', xb'aan naq li Yos kisik'ok eeru chalen chaq sa' xtiklajik re naq texkole'q sa' xk'ab'a' li santob'resink naxb'aanu li Musiq'ej, jo' ajwi' xb'aan xpaab'ankil li yaal.