2 Ts 1:9 - Q'eqchi Bible

⁹ Li xtojb'al rix li xmaakeb' a'an li sachk chi junajwa, ut najt te'wanq rik'in li Qaawa' jo'wi' rik'in li xnimal xloq'al li xwankilal.

Li Santil hu

⁹ Lix tojbal rixeb lix ma̱c li tixqꞌue, aꞌan li sachc chi junelic nak teꞌisi̱k chiru li Ka̱cuaꞌ Jesucristo ut chiru lix nimal xlokꞌal ut lix cuanquilal.

2 Ts 1:9 ပူးပေါင်းရင်းမြစ်များ

San Mateo 25:41

“Toja' naq tixye ajwi' reheb' li wanqeb' sa' xtz'e uq': «Elenqex chiwu, maa'usilanb'ilex. Ayuqex sa' li xam li ink'a' nachup, kawresinb'il cho'q re laj tza ut eb' laj k'anjel chiru.

2 Ts 2:8

Toja' naq tixk'ut chaq rib' laj q'etol chaq'rab', ut taasaapuuq xb'aan li Qaawa' rik'in li xmusiq' li na'elk chaq sa' re, ut taasache'q xb'aan xnimal xwankil sa' li xk'ulunik.

San Mateo 25:46

Ut te'xik eb' a'in sa' li tojb'amaak chi junelik, ut eb' li tiikeb' xch'ool te'xik sa' li junelik yu'am”.

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

Isaías 2:21

Eb' li poyanam te'xch'ik rib' sa'eb' li ochoch pek ut sa' xyanqeb' li saqoonak, re naq te'kole'q chiru li xjosq'il li Qaawa' jo'wi' chiru li xlemtz'unkil li xloq'al, naq tolreek'asi li ch'och' sa' xna'aj.

Filipenses 3:19

Ab'an li xraqikeb' a'in, a'an li sachk; li xyoseb' a'an li xsa'eb'; neke'xnimob'resi rib' sa' li xutaanalil na'leb' neke'xye neke'xb'aanu, ut ka'ajwi' li k'a'aq re ru wank sa' ruuchich'och' neke'reek'a xsahil.

San Mateo 16:27

Xb'aan naq li K'ajolb'ej yooq chaq chi chalk sa' li xnimal xloq'al li xYuwa' rochb'eenaqeb' chaq li x'ánjel; toja' naq tixq'ajkamu li junjunq a' yaal chanru li xb'aanuhom.

San Mateo 7:23

Toja' naq tinye reheb': «Maajun wa xinnaw eeru. Elenqex chiwu, ex aj b'aanuhom maa'usilal!».

Apocalipsis 20:14

Li kamk ut li xna'ajeb' li kamenaq ke'kute'k sa' li palaw xam (li palaw xam a'an li xkab' kamk).

2 Pedro 3:7

A'ut li choxach'och' li wankeb' anaqwan k'uulanb'ileb' cho'q re li xam xb'aan ajwi' Raatin li Yos, ut xokxookeb' cho'q re xkutankil li raqb'a aatin naq te'sache'q li ink'a' neke'paab'ank.

San Lucas 13:27

A'ut a'an tixye eere: «Ink'a' ninnaw b'ar xexchal chaq. Elenqex chiwu chejunilex aj b'aanuhom maa'usilal!».

Isaías 66:24

Ut sa' li relikeb' te'ril naq kamenaqaqeb' chik li winq li xe'xq'etq'eti rib' chiwu. Li xmotzo'ileb' ink'a' te'kamq, chi moko taachupq li xam li nak'atok reheb'. Ut xa'b'eetalaq cho'q reheb' chixjunil li poyanam naq te'ril a'an”.

Isaías 2:19

Naq tol'elq li Qaawa' ut tolxrahob'tesi li ruuchich'och', eb' li poyanam te'xch'ik rib' sa'eb' li ochoch pek ut sa'eb' li siwan, re xkolb'al rib' chiru li xjosq'il li Qaawa' jo'wi' chiru li xlemtz'unkil li xloq'al, naq tolreek'asi li ch'och' sa' xna'aj.

Isaías 2:10

Ch'ikomaq eerib' sa'eb' li ochoch pek, muqomaq eerib' sa'eb' li siwan re xkolb'al eerib' chiru xjosq'il li Qaawa' jo'wi' chiru li xlemtz'unkil li xloq'al, naq tolreek'asi li ch'och' sa' xna'aj.

San Mateo 22:13

Toja' naq li awab'ej kixye reheb' li xmoos: «B'ak'omaq li roq ruq' ut kutomaq chirix kab'l sa' li aak'ab'; aran taawanq li yaab'ak ut li k'uxuxink ruuch e».

Daniel 12:2

«Naab'aleb' li ak kamenaqeb' te'wakliiq chaq wi' chik chi yo'yo: wankeb' re junelik yu'am, wankeb' chik re wank sa' xutaan ut tojb'amaak chi junajwa.

Isaías 33:14

Xsachk xch'ooleb' laj maak li wankeb' Sión, k'ajo' naq kichalk xxiweb' li ink'a' useb' xna'leb': “Ani qe tixkuy wank sa' li xam nasachok? Ani taaruuq chi wank sa' li xam li ink'a' nachupk?”, chankeb'.

Génesis 4:16

Ki'elk laj Kaín chiru li Qaawa' ut kikanaak sa' li na'ajej Nod xk'ab'a', sa' releb'l saq'e, junpak'al Edén.

Génesis 3:8

Chirix chik a'an ke'rab'i xyaab' roq li Qaawa' Yos yo chi b'eek ewu sa' li awimq, sa' xhonal naq namayusink li iq'. Li winq ut li rixaqil ke'xmuq rib' chiru li Qaawa' Yos sa' xyanqeb' li che', sa' xna'aj li awimq.

Apocalipsis 20:11

Chirix chik a'an kiwil jun li nimla saqi k'ojarib'aal jo' ajwi' li k'ojk'o sa' xb'een. Chiru a'an ki'elelik li choxa ut li ruuchich'och', ut ink'a' chik kitawmank na'ajej cho'q reheb'.

San Judas 1:13

kama'eb' li xkaw oq li palaw, neke'risi chaq li xwoqxil li xxutaaneb', jo'keb' li chahim li yal neke'xb'eeni rib'eb', ut ak kawresinb'il cho'q reheb' xchamal li aak'ab' chi junelik.

Hebreos 10:29

Ma ink'a' nekek'oxla naq numtajenaq chik ra tixk'ul li ani xyeq'i sa' roq li Ralal li Yos, a' li xtz'eqtaana xkik'elil li Sumwank li xsantob'resiik wi', jo' ajwi' xmajewa li Musiq'ej nak'ehok li usilal?

Tito 2:13

Yooko chi xyo'oninkil naq tixk'utb'esi rib' li xloq'al li Kristo Jesus, a'an li qaNimajwal Yos ut aj Kolol qe, li qasahilal ut qoyb'enihom.

Salmos 51:11

Maak'e sa' aach'ool li xinmaakob'k wi', ut chawisi chixjunileb' linmaak chi junajwa.

Apocalipsis 22:15

Elqeb' li tz'i', eb' laj tuul, eb' laj muxuleb' rib', laj kamsineleb' ras riitz'in, eb' laj loq'oninel li yal k'oxlanb'il yos ut chixjunileb' li neke'xra ut neke'xb'aanu li tik'ti'!

2 Pedro 2:17

A'aneb' chanchaneb' li roqha' chaqijenaqeb', chanchaneb' li choql k'amb'ileb' xb'aan li kaqsut-iq': oyb'eninb'ileb' sa' xchamal li aak'ab'.

1 Ts 5:3

Naq yooqeb' chi xyeeb'al: “Wanko sa' tuqtuukilal ut maak'a' chik qak'a'uxl”, toja' naq taachalq li roso'jikeb' sa' junpaat chi maak'a'aq sa' xch'ooleb', jo' naq nachalk xrahil li alank sa' xb'een li ixq; ut ink'a' naru te'eleliq chiru.

San Juan 5:14

Moqon chik li Jesus kixtaw li winq sa' rochoch li Yos ut kixye re: —K'e reetal, xatk'iraak. Matmaakob'k chik re naq michalk sa' aab'een junaq rahilal q'axal ra chik chiru a'an.

San Mateo 26:24

Li K'ajolb'ej taaxik jo' tz'iib'anb'il chirix, ab'an ra chaalel sa' xb'een li winq a'an li taaq'axtesinq re li K'ajolb'ej! Q'axal us raj cho'q re li winq a'an naq ink'a' xyo'laak chaq.

San Mateo 24:30

Toja' naq taak'utunq chaq sa' choxa li reetalil li K'ajolb'ej ut te'xten li re xch'ooleb' chixjunil li xteepaleb' li ruuchich'och': te'ril li K'ajolb'ej yooq chaq chi k'ulunk sa' xb'eeneb' li choql sa' choxa, rik'in xnimal xwankil ut xloq'al.

Salmos 16:11

Taak'ut chiwu xb'ehil li yu'am: k'ajo' xnimal li sahilal chawe chawu, xiikil li saa'us aawik'in chi junelik!

Li xHu LAJ JOB 22:17

Xe'xye re li Yos: “Elen arin! K'aru tixb'aanu qe li Nimajwal Yos?”, chankeb'.

Li xHu LAJ JOB 21:14

Neke'xye re li Qaawa': “Kanab'o qajunes, ink'a' naqaj xnawb'al laachaq'rab'.

Deuteronomio 33:2

ut kixye chi jo'ka'in: “Li Qaawa' xchalk chaq toj Sinaí; toj Seír kik'utunk chaq li xsaqenk, ak xkutano'k chaq chalen chiru li tzuul Parán. Rochb'een chaq k'iila o'q'ob' chi aj k'anjel chiru; sa' xnim uq' wan chaq li xxamlel li Chaq'rab'.

Isaías 1:28

Ab'an eb' laj q'etoleb' aatin ut eb' laj maak te'xk'ul li raaxiik'; te'kamq chixjunileb' li neke'tz'eqtaanank re li Qaawa'.