2 Ts 1:6 - Q'eqchi Bible

⁶ Relik chi yaal naq tiik xch'ool li Yos, ut tixq'ajkamu rik'in rahilal eb' li neke'rahob'tesink eere;

Li Santil hu

⁶ Kꞌaxal ti̱c xchꞌo̱l li Dios. Joꞌcan nak tixqꞌue raylal saꞌ xbe̱neb li nequeꞌrahobtesin e̱re.

2 Ts 1:6 ပူးပေါင်းရင်းမြစ်များ

Colosenses 3:25

Chek'e reetal, li nab'aanunk re li ink'a' us, taaq'ajkamuuq jo' chanru xb'aanu, xb'aan naq li Yos juntaq'eet narileb' chixjunil.

Zacarías 2:8

Xb'aan naq jo'ka'in naxye li Nimajwal Yos li xtaqlank chaq we chi xyeeb'al reheb' li xe'rahob'tesink eere: “Ani taarahob'tesinq eere, tinxrahob'tesi ajwi' laa'in”.

Apocalipsis 6:10

Ut ke'ok chi xjapb'aleb' re chi kaw xyaab'eb' xkux, ut ke'xye: “At santil Eechalinel, laa'at paab'ajelat, toj jo'q'e tatkanaaq chi ink'a' tatraqoq aatin sa' xb'eeneb' li wankeb' sa' ruuchich'och' ut ink'a' taweeqajuniheb' li ke'kamsink qe?”.

Apocalipsis 19:2

xb'aan naq naraqok aatin sa' tiikilal ut rik'in yaal: xteneb' tojb'amaak sa' xb'een li xnimal ru aj yumb'eet, a' li xpo'ok ru li ruuchich'och' rik'in li xmuxb'al rib'; ut xk'e reeqaj li xkik'eleb' laj k'anjel li ke'kamsiik xb'aan li ixq”.

Isaías 49:26

Tink'eheb' chi xtiweb' rib' li xe'rahob'tesink aawe, ut te'ruk' li xkik'eleb' jo' tawi' eb' li neke'kalaak rik'in li chaab'il b'iin. Toja' naq chixjunileb' te'xnaw naq laa'in li Qaawa', laj Kolol aawe, li xNimajwal Yos laj Jakob li xin'isink chaq aawe sa' laarahilal”.

Éxodo 23:22

Wi taawab'i chi us xyaab' xkux ut taab'aanu chixjunil li tinye, laa'in xik' te'wil eb' li xik' neke'ilok aawe ut tintz'eqtaana eb' li neke'tz'eqtaanank aawe.

Apocalipsis 18:20

Chatsaho'q xb'aan a'an, at choxa. Chisaho'q sa' eech'ool, ex sant, apóstol ut propeet, xb'aan naq rik'in xteneb'ankil li tojb'amaak sa' xb'een, li Yos xraqok aatin sa' tiikilal.

Apocalipsis 15:4

Ani ink'a' tixxiwa ut ink'a' tixnima ru laak'ab'a', at Qaawa'? Xb'aan naq ka'jat wi' laa'at santat, ut chixjunileb' li tenamit talaje'chalq ut te'xhupub' rib' chawe chawu, xb'aan naq xe'kanaak chi kutankil laaninqal k'a'uxl”.

Apocalipsis 11:18

Xe'josq'o'k eb' li tenamit, ab'an xchalk laajosq'il ut xtaw xq'ehil xraqb'al aatin sa' xb'eeneb' li kamenaq, jo'wi' xq'ajkamunkileb' laj k'anjel chawu, a'eb' li propeet, eb' li sant ut eb' li neke'paab'ank chawu jo' kok' jo' ninq. Xtaw xq'ehil xsachb'aleb' ajwi' li neke'sachok re li ruuchich'och'”.

Apocalipsis 18:24

Aran, sa' li tenamit Babilonia, xtawe'k xkik'eleb' li propeet, xkik'eleb' li sant ut chixjunileb' li kilaje'kamsiik sa' ruuchich'och'.

Eclesiastés 3:17

Jo'kan naq xinye sa' inch'ool: “Li Yos taaraqoq aatin sa' xb'een li tiik xch'ool ut laj maak, xb'aan naq wank xq'ehil chixjunil li nak'ulmank ut li nab'aanumank”.

Jeremías 50:29

“Ch'utub'omaq chixjunileb' li neke'kutuk rik'in simaj re xik chi yalok rik'in Babilonia. Sutumaq rix li tenamit re naq maajun taa'eleliq. Eeqajuuq re jo' chanru xk'ulub' ut b'aanuhomaq re jo' chanru xb'aanu a'an, xb'aan naq xq'etq'eti rib' chiwu laa'in li Qaawa', li xsant laj Israel.

Hebreos 6:10

Xb'aan naq tiik xch'ool li Yos, moko hoon ta nasachk sa' xch'ool leechaab'il k'anjel ut chanru xetenq'aheb' chaq laj santil paab'anel, ut toj yookex chi xtenq'ankileb' anaqwan, sa' xk'ab'a' li Qaawa'.