2 Ts 1:4 - Q'eqchi Bible

⁴ A'an nanimob'resink qaloq'al naq nokoo'aatinak cherix sa'eb' li x'Iklees li Yos, xb'aan naq nim leekuyum ut kaw leech'ool sa' leepaab'aal sa' chixjunil li raaxiik' ut li rahilal yookex chi xk'ulb'al.

Li Santil hu

⁴ Joꞌcan nak kꞌaxal sa saꞌ kachꞌo̱l chixserakꞌinquil resil le̱ pa̱ba̱l reheb li nequeꞌpa̱ban re li Dios yalak bar. Nakaye reheb chanru nak nequexpa̱ban chi anchal e̱chꞌo̱l ut cau e̱chꞌo̱l nak yo̱quex chixcuybal xnumsinquil li raylal ut li ra xi̱cꞌ.

2 Ts 1:4 ပူးပေါင်းရင်းမြစ်များ

Hebreos 10:36

Na'ajmank ru naq wanq eekuyum sa' li rahilal re xb'aanunkil li rajom li Yos ut xk'ulb'al li k'aru yeechi'inb'il chaq xb'aan.

1 Ts 2:14

Ex qas qiitz'in, laa'ex xek'am eere rik'ineb' li x'Iklees li Yos wankeb' aran Judea sa' xk'ab'a' li Kristo Jesus, xb'aan naq laa'ex ajwi' xek'ul li rahilal xb'aaneb' leerech tenamitul, jo' ke'xk'ul eb' a'an xb'aaneb' laj Judiiy.

1 Ts 2:19

B'ar pe' wank li qoyb'enihom, li qasahilal, li qaloq'al li tqanima wi' qib' chiru li Qaawa' Jesus sa' li xk'ulunik? Ma ink'a' tab'i' laa'ex?

1 Ts 1:3

Junelik wank sa' qach'ool chiru li qaYos ut qaYuwa' li xk'anjel leepaab'aal, li xkuyum leerahom ut li xkawil eech'ool chi yo'onink sa' xk'ab'a' li Jesukriist li Qaawa'.

2 Corintios 7:14

Ut wi wank k'aru xinnima wi' wu eeb'aan laa'ex chiru laj Tito, ink'a' xinkanaak sa' xutaan. Jo' naq yaal chixjunil li xqaye eere, jo'kan ajwi' tz'aqal yaal chixjunil li xqaye re laj Tito: naq laa'ex li xk'ojob'ankil qach'ool.

Apocalipsis 14:12

Arin na'ajmank ru li xkuyumeb' li sant, a'aneb' li neke'xk'e xch'ool chirix li xchaq'rab' li Yos ut chi xpaab'aankil li Jesus.

1 Corintios 7:17

Li junjunq chiwanq jo' chanru k'eeb'il re xb'aan li Qaawa'; chiwanq jo' b'oqb'il wi' li junjunq xb'aan li Yos. A'an a'in li ninchaq'rab'iheb' wi' chixjunileb' li Iklees.

2 Pedro 1:6

li loq'laj na'leb'ak rik'in li taqlank sa' xb'een leetz'ejwal, li taqlank sa' xb'een leetz'ejwal rik'in li kawil ch'oolej, li kawil ch'oolej rik'in xloq'oninkil li Yos,

Santiago 5:11

“Us xaq reheb' li ke'kuyuk rahilal rik'in xkawub' xch'ooleb'”, chanko. Eerab'ihom resil li xnimal xkuyum laj Job; ut nekenaw ajwi' k'aru kixk'ul rik'in li Qaawa' sa' xraqik, xb'aan naq li Qaawa' a'an aj toq'ob'anel u ut aj uxtaan.

Hebreos 6:15

Ut sa' xk'ab'a' li xnimal xkuyum, laj Abrahán koxtaw li kiyeechi'iik re.

2 Ts 3:5

A' taxaq li Qaawa' chib'eresinq leech'ool sa' li xrahom li Yos ut sa' li royb'eninkil li Kriist rik'in xnimal eekuyum.

2 Corintios 9:4

Mare anchal eb' laj Macedonia te'xik wochb'een ut toxextaweb' chi ink'a' kawresinb'ilex; chi jo'kan xutaanal tookanaaq xb'aan naq xqanima qu cherix. Yal ink'a' nawaj xyeeb'al naq laa'ex xutaanal texkanaaq.

2 Corintios 9:2

xb'aan naq ak ninnaw naq chi anchal eech'ool nekeraj xtenq'ankileb'. A'an a'in li ninnima wi' wib' chiruheb' laj Macedonia. Xinye reheb' naq ak laa'ex aj Akaya chalen junhab'er ak kawresinb'ilex chi xtenq'ankileb' laj santil paab'anel. Ut naab'aleb' aj Macedonia xe'eek'asiik xch'ool xb'aan leerahom.

Romanos 12:12

Chisaho'q sa' eech'ool sa' xk'ab'a' leeroyb'enihom; chekuyaq li raaxiik' ut junelikaqex chi tijok.

Romanos 8:25

Ab'an wi li qoyb'enihom ink'a' naqil ru, a'an q'axal naqayo'oni rik'in xnimal qakuyum.

Romanos 2:7

li Yos tixk'e junelik yu'am reheb' li ninqeb' xkuyum chi xb'aanunkil li us, jo'k'ihaleb' li neke'xsik' li loq'al, li chaab'ilal ut li yu'am ink'a' nalajk na'oso'k.

2 Corintios 7:4

Ninye eere li yaal ut q'axal ninnima wu sa' eek'ab'a' laa'ex. K'ojk'o inch'ool ut numtajenaq xsahil li waanm sa' chixjunil li rahilal.

2 Corintios 12:10

Nasaho'k sa' inch'ool sa' xmajelal inmetz'ew, rik'in li hob'e'k, rik'in li wank sa' rajb'al ru, rik'in li rahob'tesiik ut li raaxiik' k'ulb'il sa' xk'ab'a' li Kriist, xb'aan naq jo'q'e maak'a' inmetz'ew, toja' naq q'axal kaw wib'.

Hebreos 6:12

re naq ink'a' chiq'olo'q eerix, chek'am b'an eere rik'ineb' li yookeb' reechaninkil li xyeechi'om li Yos rik'in li xpaab'aaleb' jo'wi' rik'in li xnimal xkuyumeb'.