2 Samuel 8:6 - Q'eqchi Bible

⁶ Moqon chik laj David kixxaqab'eb' aj k'aak'alenel aran Aram sa' xteepal Damaask, ut eb' laj Aram ke'kanaak rub'el xwankil laj David chi k'ehok toj. Yalaq b'ar naxik laj David, li Qaawa' natenq'ank re chi q'axok u.

Li Santil hu

⁶ Chirix aꞌan laj David quixyi̱b xnaꞌajeb li soldados re teꞌcꞌacꞌale̱nk saꞌ li tenamit Damasco. Ut eb laj Siria queꞌcana rubel xcuanquil ut queꞌxtoj rix lix naꞌajeb. Yalak bar co̱ chi pletic laj David, li Ka̱cuaꞌ quitenkꞌan re, re nak us qui-el.

2 Samuel 8:6 ပူးပေါင်းရင်းမြစ်များ

2 Samuel 8:14

Kixxaqab'eb' aj k'aak'alenel sa' xsutam Edom, ut chixjunileb' laj Edom ke'kanaak rub'el xwankil laj David. Yalaq b'ar naxik laj David, li Qaawa' natenq'ank re chi q'axok u.

Salmos 140:7

Xinye sa' inch'ool re li Qaawa': “Laa'at linYos. At inNa' at inYuwa', chawab'i taxaq xyaab' inkux.

2 Crónicas 17:2

Kixk'eheb' aj puub' sa' chixjunileb' li tenamit kawub'resinb'ileb' sa' xteepal Judá ut kixxaqab'eb' aj taqlanel sa' xteepal Judá ut sa'atqeb' li tenamit re Efraín, li kireechani laj Asá li xyuwa'.

2 Samuel 7:9

Xinwank aawik'in yalaq b'ar xkohat, ut xinsacheb' ru chixjunileb' li xik' xe'ilok aawe. Ut laa'in tink'e chi nimaak laak'ab'a' jo'eb' li ninqeb' xwankil sa' ruuchich'och'.

Proverbios 21:31

Nakawresimank li kawaay cho'q re xkutankil li yalok, ab'anan a' li Qaawa' nak'ehok li q'axok u.

1 Crónicas 18:13

Kixxaqab'eb' aj k'aak'alenel sa' xsutam Edom, ut chixjunileb' laj Edom ke'kanaak rub'el xwankil laj David. Yalaq b'ar naxik laj David, li Qaawa' natenq'ank re chi q'axok u.

2 Samuel 23:14

Laj David wank aran sa' li kawub'resinb'il na'ajej, ut jun ch'uuteb' aj Filistea wankeb' chaq Belén.

2 Samuel 8:2

Kixq'ax ajwi' ruheb' laj Mohab; kixk'eheb' chi jilib'aak chiru ch'och' ut kixb'iseb' rik'in k'aam: jo'k'ihaleb' li ke'kanaak sa' li wiib' b'isok, ke'kamsiik; ut li ke'kanaak sa' li rox b'isok, ke'kanab'aak chi yo'yo. Jo'ka'in naq eb' laj Mohab ke'kanaak rub'el xwankil laj David chi k'ehok toj.

2 Samuel 3:18

Us b'i', xtaw xq'ehil. B'aanuhomaq anaqwan, xb'aan naq xyehom li Qaawa' re laj David laj k'anjel chiru naq, sa' xk'ab'a' a'an, tixkoleb' li xtenamit Israel sa' ruq'eb' laj Filistea jo' ajwi' sa' ruq'eb' chixjunileb' li xik' neke'ilok reheb'”.

1 Samuel 14:15

Ke'ok xxiw jo'k'ihaleb' li wankeb' sa' xmuheb'aaleb' ut sa' k'aleb'aal, jo'wi' chixjunileb' li poyanam. Ke'xiwak ajwi' eb' laj puub' li yookeb' chi k'aak'alenk ut eb' laj k'ehol eetal. Kixhich'le rib' li ruuchich'och' ut k'ajo' naq ke'xiwak chixjunileb'!

1 Samuel 14:6

Kixye laj Jonatán re laj tenq' re: “Kim, q'axonqo junpak'al, b'arwi' wankeb' laj puub' li ink'a' neke'xpaab' li Yos. Mare chan naq li Qaawa' tooxtenq'a, xb'aan naq moko ch'a'aj ta chiru li Qaawa' qak'eeb'al chi q'axok u, us ta ink'a' naab'alo”.

1 Samuel 14:1

Sa' jun kutan laj Jonatán, ralal laj Saúl, kixye re laj tenq' re: “Kim, yo'o toj wankeb' wi' jun ch'ina ch'uuteb' aj puub' aj Filistea, toj junpak'al li nima'”, chan. Ab'anan maak'a' kixye re li xyuwa'.

1 Samuel 13:3

Laj Jonatán kixkamsi jun ch'uuteb' aj Filistea li wankeb' aran Kibehá, ut eb' laj Filistea ke'rab'i resil. Toja' naq laj Saúl kixye naq chiyaab'asiiq li tronpeet sa' chixjunil li na'ajej, ut kixye: “Ab'ihomaq, ex aj Hebreo!

2 Samuel 8:7

Chirix chik a'an kixxok eb' li koleb' ch'iich' yiib'anb'ileb' rik'in oor li wankeb' rik'ineb' laj tenq' re Hadadéser, ut kixk'ameb' Jerusalén.

2 Samuel 10:19

Naq chixjunileb' li awab'ej li neke'tenq'ank re laj Hadadéser ke'ril naq ke'q'axe'k ru xb'aaneb' laj Israel, ke'xk'e rib' sa' tuqtuukil usilal rik'ineb' ut ke'kanaak rub'el xwankileb'. Ut eb' laj Aram ink'a' chik ke'chalk xch'ool chi xtenq'ankileb' laj Amón.

1 Reyes 4:21

Laj Salomón wank xwankil sa' xb'een chixjunileb' li awab'ejihom, chalen chaq chire li nima' Éwfrates toj sa' xtenamiteb' laj Filistea ut toj chi xnub'ajlil Ejiipt. Chixjunileb' a'an neke'xk'e xtoj ut neke'k'anjelak chiru laj Salomón jo' najtil kiyo'yook.

2 Samuel 5:10

Chi jo'kan li xwankil laj David yo chi nimank, xb'aan naq li Qaawa', li Nimajwal Yos, wank rik'in.

2 Reyes 1:1

Chirix xkamik laj Ajab, eb' laj Mohab ke'q'etq'eto'k chiruheb' laj Israel.

2 Reyes 3:4

Laj Mesá, awab'ej re Mohab, wank naab'al xkarneer, ut naxtoj re li awab'ej re Israel o'k'aal mil chi karneer ut o'k'aal mil rismaleb' li chib'aat.

2 Reyes 14:28

Chixjunil li xyehom xb'aanuhom laj Jerobohán ut chixjunil li yalok kixb'aanu ut chanru naq kixkoleb' wi' chik Damaask ut Jamat cho'q re Israel, tz'iib'anb'ileb' sa' xHuhil li xyehom ut xb'aanuhomeb' li awab'ej re Israel.

2 Reyes 18:7

Junelik ki'ochb'eeniik ut kitenq'aak xb'aan li Qaawa'; jo'kan naq jwal us ki'elk sa' chixjunil li kixb'aanu. Laj Esekías kiq'etq'eto'k chiru li awab'ej re Asiria ut ink'a' kiraj wank rub'el xwankil a'an.

Salmos 60:10

Mohab a'an li emel xna'aj linch'ajleb'; tinkut linperxaab' sa' xb'een Edom, ut tinb'ichanq xb'aan naq xinnumtaak sa' xb'eeneb' laj Filistea”.