2 Samuel 7:7 - Q'eqchi Bible

⁷ Chiru chixjunileb' li kutan xe'wochb'eeni wi' chaq eb' laj Israel yalaq b'ar, maajun sut xinye reheb' laj k'amol b'e li xeb'inxaqab' chi xb'eresinkil lintenamit Israel, naq te'xyiib' junaq ochoch rik'in yaw».

Li Santil hu

⁷ Chalen nak xeꞌcuochbeni chak li ralal xcꞌajol laj Israel incꞌaꞌ xinye reheb li yo̱queb chi cꞌamoc be chiruheb nak teꞌxyi̱b junak li templo riqꞌuin chacalteꞌ re tincua̱nk cuiꞌ.”

2 Samuel 7:7 ပူးပေါင်းရင်းမြစ်များ

1 Crónicas 17:6

Chiru chixjunileb' li kutan xe'wochb'eeni wi' chaq eb' laj Israel yalaq b'ar, maajun sut xinye reheb' laj k'amol b'e li xeb'inxaqab' chi xb'eresinkil lintenamit, naq te'xyiib' junaq ochoch rik'in yaw».

2 Samuel 5:2

Chalen chaq junxil naq laj Saúl a'an chaq li na'awab'ejink qe, laa'at xtz'aqal jolomil Israel sa' li yalok. Ut xyehom li Qaawa' naq laa'at tatb'eresinq re li xtenamit ut laa'ataq aj k'amol xb'eheb' laj Israel”.

Hechos 21:28

ut ke'xjap re chi xyeeb'al: “Ex aj Israel, chooheetenq'a! A'an a'in li winq li naxtzoleb' chixjunil yalaq b'ar naq tento xtz'eqtaanankil li qatenamit, jo' ajwi' li xChaq'rab' laj Moisés ut li na'ajej a'in. Ut anaqwan kiroksiheb' ajwi' laj Griego sa' rochoch li Yos ut kixmux xloq'al li santil na'ajej a'in”.

Hechos 20:28

Cherilaq eerib' jo' ajwi' cherilaqeb' chixjunil li karneer li xaqab'anb'ilex wi' xb'aan li Santil Musiq'ej cho'q aj k'aak'alehom reheb'. Cheb'eresi li x'Iklees li Yos li kixloq' rik'in xkik'el li Ralal.

San Mateo 2:6

«Ut laa'at Belén, xch'och'el laj Judá, moko jwal kach'inat ta sa' xyanqeb' li xninqal xteepaleb' laj Judá, xb'aan naq aawik'in taa'elq jun aj k'amol b'e li taab'eresinq re lintenamit Israel».

Miqueas 5:4

Li awab'ej tixb'eresi li xtenamit rik'in li xwankil ut xloq'al li Qaawa', li xYos. Ut chaab'il chik te'wanq, xb'aan naq li Qaawa' sut-nimanb'ilaq ru, toj sa' xmaril li ruuchich'och'.

Ezequiel 34:23

“Tinxaqab' jun ajwi' aj k'aak'alehom reheb', a' laj David aj k'anjel chiwu. A'an taa'iloq ut taab'eresinq reheb'.

Ezequiel 34:15

Laa'in ajwi' tinb'eresinq reheb' linkarneer ut teb'ink'am chi hilank -chan li Qaawa'-.

Ezequiel 34:2

“At kaamel winq, aatinan sa' ink'ab'a' ut ye reheb' li neke'k'aak'alenk re Israel: «Jo'ka'in xye li Qaawa': Ra chaalel sa' xb'eeneb' li neke'k'aak'alenk re Israel, xb'aan naq yal xjuneseb' rib' neke'xch'oolani rib'. Ma ink'a' tab'i' a'eb' li ketomq tento rilb'aleb'?

Jeremías 23:4

Tinxaqab'eb' aj ilol reheb' re naq te'xch'oolaniheb'; chi jo'kan maak'a' te'xxiwa chi moko taasachq junaq sa' xyanqeb'”, chan li Qaawa'.

Jeremías 3:15

Tinxaqab' eb' li te'k'aak'alenq eere jo' chanru naraj linch'ool, ut eb' a'an te'ch'oolaninq eere rik'in chaab'il na'leb' ut xseeb'al xch'ooleb'.

Isaías 40:11

Jo' junaq aj ilol ketomq, naxb'eresiheb' li xkarneer; naxq'alu eb' li xkok' karneer ut naxq'uneb', ut naxk'eheb' chi hilank li toja' xe'alank.

Deuteronomio 23:14

Li Qaawa' laaYos nab'eek wan wi' li muheb'aal re aakolb'al ut re xq'axtesinkil sa' laawuq' eb' li xik' neke'ilok aawe. Jo'kan naq laamuheb'aal tento naq oxloq'inb'ilaq; li Qaawa' ink'a' naru taaril li ink'a' us aran. Wi taaril li ink'a' us, taarisi rib' aawik'in.

1 Pedro 5:1

Nintz'aama chiruheb' laj k'amol b'e li wankeb' sa' eeyanq, laa'in aj k'amol b'ehin ajwi' jo'eb' a'an ut tz'aqal wilom li rahilal kixk'ul li Kriist, laa'in li xintz'aqonk sa' li nimla loq'al taak'utb'esimanq chi seeb':

1 Crónicas 11:2

Chalen chaq junxil naq laj Saúl a'an chaq li na'awab'ejink qe, laa'at tz'aqal xjolomil Israel sa' li yalok. Ut xyehom li Qaawa' naq laa'at tatb'eresinq re li xtenamit ut laa'ataq aj k'amol xb'eheb' laj Israel”.

Isaías 66:1

Jo'ka'in kixye li Qaawa': “Li choxa a'an link'ojarib'aal, ut li ruuchich'och' a'an li xxaqleb'aal li woq. K'aru chi ochochil teeyiib' laa'ex cho'q we, malaj k'a' chi na'ajejil teek'e cho'q inhilob'aal?