2 Samuel 7:23 - Q'eqchi Bible

²³ Maajun chik tenamit wank sa' ruuchich'och' jo' laatenamit. “Laa'at, at Qaawa', xatkolok reheb' laj Israel, re naq a'anaqeb' laatenamit; xanima li xk'ab'a'eb' ut xab'aanu li sachb'ach'oolej q'axal ninqeb' ut xiwajeleb' xb'aan xnimal laarahom. Xawisiheb' sa' ruq'eb' laj Ejiipt ut xawaanilasiheb' li poyanam ut eb' li jalanil yos chiru laatenamit.

Li Santil hu

²³ Ma̱ jun chic tenamit cuan saꞌ ruchichꞌochꞌ joꞌ la̱ tenamit Israel. Caꞌaj cuiꞌ aꞌan. At Ka̱cuaꞌ, la̱at xatcoloc reheb re nak teꞌoc chokꞌ a̱tenamit. Xaba̱nu li milagros, li sachba chꞌo̱lej ut li xni̱nkal ru naꞌleb re xcolbaleb, re nak naꞌno̱k ruheb la̱ tenamit. La̱at cat-isin chak reheb saꞌ xya̱nkeb li jalanil tenamit ut lix dioseb nak cacuisiheb chak Egipto. Caba̱nu chixjunil aꞌan xban xra̱baleb.

2 Samuel 7:23 ပူးပေါင်းရင်းမြစ်များ

Deuteronomio 10:21

Chanima ru li Qaawa' xb'aan naq A'an laaYos, ut aawilom chik rik'in aawu li xninqal b'aanuhom ut li sachb'ach'oolej kixb'aanu sa' aak'ab'a'.

Deuteronomio 9:26

Kin'elajink chiru li Qaawa' ut kinye: «At Qaawa', at qaYos, maasacheb' ru laatenamit, laaweechanihom li kakoleb' chaq rik'in xnimal aawankil ut kawisiheb' chaq Ejiipt rik'in xkawilal laawuq'.

Salmos 147:20

Ink'a' xb'aanu a'in re jun chik tenamit, chi moko xk'e chi xnaweb' junaq li xchaq'rab'. Aleluya!

Salmos 111:9

Kixk'am chaq li kolb'a ib' cho'q re li xtenamit ut kixk'ojob' li xSumwank chi junajwa: q'axal sant ut xiwajel li Qaawa'!

Nehemías 1:10

“At Qaawa', laa'o aj k'anjel chawu; misachk sa' aach'ool naq laa'o laatenamit li xakoleb' rik'in xnimal aawankil ut aametz'ew.

Deuteronomio 33:29

Us xaq aawe, at Israel. Ani tawi' jo' laa'at, tenamit kolb'ilat xb'aan li Qaawa'? A'an namuheelank ut natenq'ank aawe? Li Qaawa' a'an li ch'iich' nakasacheb' wi' ru li xik' neke'ilok aawe! Eb' a'an te'raj raj aab'alaq'inkil, a'ut laa'at tatnumtaaq sa' xb'eeneb'”, chan laj Moisés.

Deuteronomio 15:15

Jultikaq aawe naq laa'at katwank chaq chi munil sa' li tenamit Ejiipt ut li Qaawa' laaYos ki'ach'ab'ank aawe. Jo'kan naq laa'in nink'e aawe li chaq'rab' a'in anaqwan.

Ezequiel 20:9

Ab'anan ink'a' kinb'aanu sa' xk'ab'a' linloq'al, re naq ink'a' taamajewaaq link'ab'a' xb'aaneb' li tenamit wankeb' wi'. Ut chiruheb' laj Ejiipt kink'utb'esi linwankil rik'in risinkileb' laj Israel sa' li na'ajej a'an.

Salmos 40:5

Us xaq re li xkawuuk xch'ool rik'in li Yos, us xaq re li ink'a' naxjunaji rib' rik'ineb' li q'etq'et, a'eb' li sachenaqeb' chirixeb' li jalanil yos.

Apocalipsis 5:9

ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

Efesios 1:6

re naq taanimaaq xloq'al li usilal koorusila wi' sa' xk'ab'a' li xraarookil Alal.

Salmos 145:6

Taaseeraq'imanq chirix li xninqal ru aab'aanuhom, ut laa'in tinye resil naq jwal nim laawankil.

Salmos 65:5

Us xaq re li sik'b'il ru aab'aan, a' li nakak'am aawik'in re taawanq sa' laamuheb'aal. Chisaho'q sa' qach'ool rik'in li saa'us wank sa' laajunkab'al, rik'in li loq'laj eechej wank sa' laawochoch.

1 Crónicas 17:21

Maajun chik tenamit wank sa' ruuchich'och' jo' laatenamit. “Laa'at, at Qaawa', xatkolok reheb' laj Israel, re naq a'anaqeb' laatenamit; xanima li xk'ab'a'eb' ut xab'aanu sachb'ach'oolej q'axal ninqeb' ut xiwajeleb' xb'aan xnimal laarahom. Xawisiheb' sa' ruq'eb' laj Ejiipt ut xawaanilasiheb' li poyanam ut eb' li jalanil yos chiru laatenamit.

Josué 7:9

Naq eb' laj Kanahán jo'wi' chixjunileb' li wankeb' sa' li na'ajej a'in te'xnaw a'an, te'xjunaji chaq rib' sa' qab'een ut te'xsach chi junajwa li qak'ab'a' sa' ruuchich'och'. Wi jo'kan taaqak'ul, k'aru taab'aanu laa'at re xkolb'al rix laaloq'al?”, chan laj Josué.

Éxodo 12:12

Sa' li q'oqyink a'an laa'in tinnume'q sa' xsutam Ejiipt ut tintiq'eb' chixjunil li xb'een alalb'ej re li tenamit a'an, jo'wi' li xb'een raleb' li xul, ut tinraqoq aatin sa' xb'een chixjunil li xyoseb' laj Ejiipt. Laa'in li Qaawa'.

Éxodo 9:16

Ab'an xatinkanab' chi yo'yo re xk'utb'al chawu linwankil, re naq chinimaaq link'ab'a' sa' xb'een chixjunil li ruuchich'och'.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

Salmos 66:3

Yehomaq re li Yos: “Sachb'ach'oolej laab'aanuhom! Sa' xk'ab'a' xnimal aawankil, tule'wiq'laaq eb' li xik' neke'ilok aawe.

Salmos 106:22

naq kixk'ut li sachb'ach'oolej sa' xch'och'el laj Kam ut xninqal b'aanuhom chire li Kaqi Palaw.

Números 6:27

Jo'ka'an naq te'xyaab'a link'ab'a' sa' xb'eeneb' laj Israel, ut laa'in twosob'tesiheb'”.

Jeremías 32:21

Laa'at kawisi chaq laatenamit Israel aran Ejiipt rik'in xninqal eetalil ut sachb'ach'oolej; ut rik'in xnimal aawankil ut xkawilal laawuq' xak'e xxiweb' chixjunileb'.

Éxodo 6:7

Texink'e cho'q intenamit ut laa'inaq leeYos; ut teenaw naq Laa'inin li Qaawa' leeYos li texwisi sa' ruq'eb' laj Ejiipt.

Éxodo 9:15

Wi ta xinye' li wuq' ut xatinrahob'tesi ta laa'at jo' ajwi' laatenamit rik'in raxkamk, ak maa'anihat raj chik sa' ruuchich'och'.

Éxodo 33:16

Xb'aan naq k'aru taanawmanq wi' naq usilal xintaw chawu wochb'een lintenamit? Ma ink'a' tab'i' rik'in naq laa'at nakoohaawochb'eeni? A'an reetalil naq sik'b'il qu aab'aan, chiruheb' chixjunil li tenamit junsut junrub'el choxa”.

2 Samuel 7:24

Laa'at xatxaqab'ank reheb' laj Israel re naq a'anaqeb' laatenamit chi junelik ut laa'ataq li xYos.

Salmos 44:3

Rik'in laawuq' xawaanilasiheb' li tenamit, xarahob'tesi chixjunileb' li poyanam re xk'ojob'ankil eb' li qana' qayuwa' sa' li xna'ajeb', re naq te'k'iiq ut te'nimanq.

Jeremías 32:20

Relik chi yaal naq xninqal eetalil ut sachb'ach'oolej kab'aanu chaq Ejiipt, ut chalen chaq junxil toj anaqwan yookat chi xb'aanunkil rik'ineb' laj Israel jo'wi' junsut junrub'el choxa; jo'kan naq q'axal nim laaloq'al jo' na'ilmank anaqwan.