2 Samuel 7:16 - Q'eqchi Bible

¹⁶ Laajunkab'al ut laa'awab'ejihom wanqeb' junelik rub'el linkupuhom, ut laak'ojarib'aal k'ojk'ooq sa' xna'aj chi junelik»”.

Li Santil hu

¹⁶ Junelic teꞌcua̱nk a̱cualal a̱cꞌajol, ut aꞌaneb li teꞌoc chokꞌ rey mokon chi junelic kꞌe cutan. Ut la̱ cuanquil xakxo̱k saꞌ xnaꞌaj chi junelic,” chan li Ka̱cuaꞌ.

2 Samuel 7:16 ပူးပေါင်းရင်းမြစ်များ

2 Samuel 7:13

A'an li taayiib'anq re jun li ochoch sa' ink'ab'a' ut laa'in tink'ojob' li x'awab'ejihom chi junajwa.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Daniel 7:14

Ut kik'ehe'k xwankil, xloq'al ut x'awab'ejihom, ut chixjunileb' li tenamit, eb' li poyanam li jalan jalanq li raatinob'aaleb' ke'ok chi k'anjelak chiru. Li xwankilal wanq chi junelik ut ink'a' taa'oso'q; ut li x'awab'ejihom maajoq'e taasachmanq.

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

Salmos 45:6

Q'axal jutz' ru'ujeb' li ral laasimaj, t'ant'ookeb' rub'el laawoq naab'aleb' li tenamit, sachsookeb' xch'ool li xik' neke'ilok re li awab'ej.

Génesis 49:10

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

Hebreos 1:8

A'ut chirix li K'ajolb'ej naxye: “At inYos, k'ojk'o laa'awab'ejihom chi junelik. Junelik sa' tiikilal nakatawab'ejink.

San Juan 12:34

Kisumeek xb'aaneb' li tenamit: —Laa'o xqab'i sa' li Chaq'rab' naq li Kriist wanq chi junelik. Chan put ru naq nakaye laa'at: «Tento taataqsiiq li K'ajolb'ej»? Ani li K'ajolb'ej a'an? chankeb'.

2 Reyes 19:34

Laa'in tinkoloq re li tenamit a'in, re naq ink'a' taasache'q, sa' xk'ab'a' linloq'al ut xb'aan xraab'al laj David laj k'anjel chiwu»”.

Salmos 72:5

Wanqaq chi junelik kama' li saq'e, jo'kaq li po junq'e junq'e kutan.

San Mateo 16:18

Ut laa'in ninye aawe: Laa'at aj Pedro ut sa' xb'een li pek a'in tink'ojob' linIklees, ut li xwankil li xb'alb'a ink'a' taanumtaaq sa' xb'een.

1 Samuel 25:28

Chakuy taxaq inmaak. Relik chi yaal naq li Qaawa' tixxaqab' chi junajwa xwankil laajunkab'al, xb'aan naq laa'at nakatyalok sa' xk'ab'a' li Qaawa', ut maajun wa taachalq li ink'a' us sa' aab'een chiru chixjunil laayu'am.

2 Samuel 7:17

Laj Natán kixye chixjunil a'in re laj David kama' kiyehe'k re xb'aan li Yos sa' li moy u a'in.

1 Reyes 9:5

laa'in tink'ojob' chi junajwa laawankilal sa' xb'eeneb' laj Israel, jo' kinyeechi'i re laj David laayuwa' naq kinye: «Junelik taawanq junaq aawalal li taak'ojlaaq sa' li xk'ojarib'aaleb' laj Israel».

Salmos 89:4

Xak'ojob' jun sumwank rik'in laj David sik'b'il ru aab'aan, xab'aanu jun jurament rik'in laj k'anjel chawu:

Jeremías 17:25

toja' naq junelik te'ok eb' li awab'ej sa' rokeb'aal li tenamit ut te'k'ojlaaq sa' li xk'ojarib'aal laj David. Te'chalq sa' b'eleb'aal ch'iich' malaj chirixeb' kawaay, rochb'eeneb' li xninqaleb' ru winq, eb' laj Judá ut eb' laj Jerusalén; ut li tenamit Jerusalén maajoq'e tox'oso'q.

Jeremías 33:17

“Laa'in, li Qaawa', ninye naq junelik taawanq junaq ralal laj David li taak'ojlaaq chi awab'ejink sa' xb'eeneb' laj Israel.

2 Samuel 22:51

“Nakatenq'a li awab'ej chi q'axok u, k'ajo' naq nakak'ut laarahom chiru li sik'b'il ru aab'aan, a' laj David ut eb' li ralal xk'ajol chi junelik”.

1 Reyes 2:4

Chi jo'kan li Qaawa' tixb'aanu li kixyeechi'i we naq kixye: «Wi eb' laawalal tine'xpaab' anchaleb' xch'ool ut anchaleb' raanm, wi chaab'il te'wanq ut tiikaqeb' xch'ool, junelik eb' laawalal te'wanq sa' li k'ojarib'aal chi rawab'ejinkileb' laj Israel».

2 Reyes 8:19

Ab'an li Qaawa' ink'a' kiraj xsachb'al ruheb' laj Judá, sa' xk'ab'a' laj David laj k'anjel chiru, xb'aan naq kixyeechi'i re naq wanq junaq xsaqenk lochlooq chiru chi junelik.

2 Crónicas 6:16

Jo'kan utan, at Qaawa', xYos laj Israel, chab'aanu ajwi' li kayeechi'i re laj David linyuwa', laj k'anjel chawu, naq kaye re: «Junelik wanq junaq aawalal aak'ajol taak'anjelaq chiwu ut taa'awab'ejinq sa' xb'eeneb' laj Israel, wi eb' laawalal te'b'eeq sa' tiikilal ut te'wanq chiwu jo' xatwank laa'at».

Li xHu LAJ JOB 36:7

Yo'oon wank chi xtenq'ankileb' li tiikeb' xch'ool: naxk'ojob'eb' sa' xyanqeb' li awab'ej ut naxterq'usiheb' xwankil chi junwaakaj.

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Ezequiel 37:25

Te'wanq sa' li ch'och' ink'ehom re laj Jakob, laj k'anjel chiwu, b'arwi' ke'wank eb' leemama' leerixa'an. Aran te'wanq eb' a'an, eb' li ralal xk'ajol ut eb' li ri xmameb' chi junelik; ut a' laj David, laj k'anjel chiwu, taajolominq reheb' junq'e junq'e kutan.