2 Samuel 7:15 - Q'eqchi Bible

¹⁵ Ab'anan ink'a' tinkanab' xraab'al ut ruxtaanankil ru jo' kinb'aanu re laj Saúl li kiwisi sa' xwankil re naq laa'ataq chik reeqaj a'an.

Li Santil hu

¹⁵ Abanan incꞌaꞌ tincanab ruxta̱nanquil ru joꞌ nak quincanab ruxta̱nanquil ru laj Saúl. Quicuisi saꞌ xcuanquil re nak la̱at chic tat-oc chokꞌ rey.

2 Samuel 7:15 ပူးပေါင်းရင်းမြစ်များ

1 Samuel 15:23

Li xq'etb'al li xchaq'rab' li Yos, a'an maak kama' li q'ehink; ut li xtz'eqtaanankil li raatin li Qaawa', a'an ajwi' maak kama' li loq'onink chiru li jalanil yos. Jo' laa'at xatz'eqtaana li raatin li Qaawa', jo'kan ajwi' tatxtz'eqtaana A'an anaqwan, re naq ink'a' chik tat-awab'ejinq”.

Salmos 89:28

Ut laa'in tinxaqab' cho'q xb'een li walal, nimaq xwankil sa' xyanqeb' li x'awab'ej li ruuchich'och'.

1 Samuel 15:28

Toja' naq kixye laj Samuel: “Jo'kan ajwi' li Qaawa' xmaq' chawu laawankil sa' xb'eeneb' laj Israel sa' li kutan a'in, ut xq'axtesi re jalan chik q'axal chaab'il chawu laa'at.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

1 Reyes 11:13

Chi moko tinmaq' chixjunil li awab'ejihom, tink'e b'an jun teepeb' li ralal xk'ajol laj Israel rub'el xwankil laawalal, sa' xk'ab'a' xraab'al laj David, laj k'anjel chiwu, ut sa' xk'ab'a' li tenamit Jerusalén sik'b'il ru inb'aan”.

2 Samuel 7:14

Laa'inaq xyuwa' ut a'anaq walal. Wi tixb'aanu li ink'a' us, laa'in tink'e chi xtojb'al li xmaak ut tintij rik'in tz'uum jo' junaq yuwa'b'ej naxb'aanu reheb' li ralal xk'ajol.

1 Samuel 16:14

Li xmusiq' li Qaawa' kixkanab' laj Saúl ut jun li ink'a' usil musiq'ej taqlanb'il chaq xb'aan li Qaawa' kirahob'tesink re.

Isaías 37:35

Laa'in tinkoloq re li tenamit a'in, re naq ink'a' taasache'q, sa' xk'ab'a' linloq'al ut xb'aan xraab'al laj David laj k'anjel chiwu»”.

Salmos 89:34

Ab'anan junelik tinra laj David ut tintenq'a, junelik tinb'aanu li xinyeechi'i re.

2 Samuel 7:16

Laajunkab'al ut laa'awab'ejihom wanqeb' junelik rub'el linkupuhom, ut laak'ojarib'aal k'ojk'ooq sa' xna'aj chi junelik»”.

Isaías 55:3

Chex'ab'inq ut kimqex wik'in; ab'ihomaqin ut taawanq eeyu'am. Xb'aan naq tink'ojob' eerik'in jun junelik sumwank, ut chi jo'kan tinb'aanu li kinyeechi'i re laj David sa' xk'ab'a' linrahom.

1 Samuel 19:24

Aran kirisi li raq' ut kixk'ut rib' chiru laj Samuel chi eechaninb'il xb'aan xmusiq' propeet. Ut kikanaak chi t'ust'u chiru ch'och' chiru chixjunil li kutan ut q'oqyink a'an. Jo'kan naq chalen sa' li kutan a'an nayeemank: “Ma xkomoneb' li propeet laj Saúl?”.

Salmos 89:33

tink'eheb' chi xtojb'al li xmaakeb' rik'in che' ut tink'ajtesiheb' ru chi tz'uum xb'aan naq ke'xq'et li waatin.

Salmos 89:49

Ani yo'yooq chi ink'a' ta toxkamq, chanru taaqakol qib' chiru li kamk?

1 Samuel 15:26

Ab'an laj Samuel kixsume: “Ink'a' tinxik chawix. Laa'at xatz'eqtaana li raatin li Qaawa', jo'kan naq tz'eqtaananb'ilat anaqwan xb'aan li Qaawa' re naq ink'a' chik tat-awab'ejinq sa' xb'eeneb' laj Israel”.

Salmos 89:31

“Wi eb' li ralal xk'ajol te'xq'et linchaq'rab' ut ink'a' te'xb'aanu jo' li waatin,