2 Samuel 7:10 - Q'eqchi Bible

¹⁰ Tink'e xch'och'eb' laj Israel lintenamit ut tink'eheb' chi hilank aran, re naq sa te'wanq chi maak'a'aqeb' xxiw ut ink'a' chik te'rahob'tesiiq xb'aaneb' li ink'a' useb' xna'leb' kama' junxil

Li Santil hu

¹⁰ La̱in xinqꞌue xnaꞌajeb lin tenamit Israel ut xinqꞌueheb chi cua̱nc aran chi sa saꞌ xchꞌo̱leb. Ma̱ ani ta̱ru̱k ta̱isi̱nk reheb. Chi moco eb li incꞌaꞌ useb xnaꞌleb teꞌxrahobtesiheb joꞌ queꞌxba̱nu chak junxil.

2 Samuel 7:10 ပူးပေါင်းရင်းမြစ်များ

Amós 9:15

Xb'aan naq teb'ink'ojob' sa' li xch'och'eb', ut maajoq'e chik te'isiiq sa' li xna'ajeb' ink'ehom reheb', chan li Qaawa' laaYos”.

1 Crónicas 17:9

Tink'e xch'och'eb' laj Israel lintenamit ut tink'eheb' chi hilank aran, re naq sa te'wanq chi maak'a'aqeb' xxiw ut ink'a' chik te'rahob'tesiiq xb'aaneb' li ink'a' useb' xna'leb' kama' junxil

Jeremías 24:6

Twileb' chi chaab'il, tink'ameb' chaq wi' chik sa' li xch'och'eb' ut tink'eheb' chi wakliik re naq ink'a' chik te'juk'e'q li xwankil; te'k'ojlaaq wi' chik sa' li xtenamiteb' ut ink'a' chik twisiheb' chisa'.

Isaías 60:18

Ink'a' chik taa'ab'iiq resil li rahilal sa' laatenamit chi moko taawanq chik raaxiik' malaj sachok sa' laana'aj, taaye b'an reheb' laasuttz'ak: «Laa'ex linkolb'a ib'», ut laawokeb'aal «Nimaal u» chik tixk'ab'a'in.

Ezequiel 28:24

«Taaraqe'q li rahilal ut li rahob'tesiik cho'q reheb' laj Israel; maajun chik taatz'eqtaananq reheb' sa' xyanqeb' li k'iila tenamit neke'sutuk reheb'. Toja' naq taanawmanq naq laa'in li Qaawa'».

Salmos 80:8

At qaNimajwal Yos, choohaawaklesi wi' chik, choohaawil rik'in xnimal laawusilal, ut tookole'q!

Jeremías 18:9

Wan ajwi' naq na'alaak sa' inch'ool xwaklesinkil ut xk'eeb'al xwankil junaq tenamit malaj awab'ejihom.

Apocalipsis 21:4

Tixchaqihob'resi chixjunil li xya'aleb' ru, ut ink'a' chik taawanq kamk, chi moko yaab'ak, chi moko japok e malaj rahilal, xb'aan naq li najter ruuchich'och' ak xnume'k”.

Oseas 2:18

“Sa' li kutan a'an, sa' xk'ab'a' lintenamit, tink'ojob' jun sumwank rik'ineb' li josq' aj xul, rik'ineb' li neke'xik'ank ut eb' li k'anti'. Twisi sa' li na'ajej a'in li xna' simaj, li q'esnal ch'iich' ut li yalok re naq twanq sa' tuqtuukilal lintenamit.

Éxodo 15:17

Taawoksiheb' ut taaxe'eniheb' sa' li tzuul li xak'e cho'q xna'ajeb', li xakawresi cho'q aamuheb'aal, at Qaawa', toj sa' laaloq'laj ochoch li xayiib' rik'in aawuq', at inYos.

Isaías 5:7

Li xyaalal li b'ich, a'an a'in: li rawimq li Nimajwal Yos, a'an li tenamit Israel, ut eb' laj Judá, a'an li iyaj jwal raaro xb'aan. Li Qaawa' kiroyb'eni naq te'xb'aanu li us, ut maa'usilal chik kixtaw; kixyo'oni naq te'wanq sa' tiikilal, ut junes a' chik li rahob'tesink ib' kixtaw.

Isaías 5:2

Kixpiki li ch'och', kirisiheb' li pek chisa' ut kiraw li iyaj jwal chaab'il. Sa' xyi li rawimq kixkab'la jun najt xteramil ochoch ut kixyiib' jun xna'aj re xyatz'b'al li uub'. Li wamiiw kiroyb'eni li uub' q'axal ki', ab'anan junes ra re li uub' kiruuchin.

Salmos 44:4

Ch'olch'o naq moko rik'in ta yalok u xe'reechani li na'ajej, chi moko rik'in li xnimal xwankileb' xe'q'axok u, sa' xk'ab'a' b'an laawankil, rik'in laanim uq' ut li xlemtz'unkil xnaq' aawu, xb'aan naq k'ajo' xaraheb' chaq.

Jueces 4:3

Laj Jabín wank o'k'aal rox o'q'ob' (900) xb'eleb'aal ch'iich' ut k'ajo' naq kixrahob'tesiheb' laj Israel chiru junmay chihab'. Jo'kan naq eb' laj Israel ke'xtz'aama xtenq'ankileb' chiru li Qaawa'.

1 Samuel 13:17

Toja' naq oxib' ch'uuteb' aj Filistea ke'elk chaq sa' li xna'ajeb': jun ch'uut koheb' sa' xjayal Ofrá, xteepal Súal;

Éxodo 1:22

jo'kan naq laj Parahón kixk'e li chaq'rab' a'in re chixjunil li tenamit: “Chixjunileb' li kok' teelom li te'yo'laaq kutumaqeb' sa' nima'; a'ut eb' li kok' ixqa'al chekanab'eb' chi yo'yo”.

2 Reyes 21:8

Ut ink'a' chik tink'eheb' laj Israel chi xb'eeninkileb' rib' chi najt rik'in li na'ajej kink'e reheb' li xna' xyuwa'eb', wi te'xk'e xch'ool chi xk'anjelankil ru chixjunil li xinchaq'rab'iheb' wi' ut te'xpaab' chixjunil li Chaq'rab' k'eeb'il reheb' xb'aan laj Moisés”.

2 Crónicas 33:8

Ut ink'a' chik tink'eheb' laj Israel chi xb'eeninkileb' rib' chi najt rik'in li na'ajej kink'e reheb' li xna' xyuwa'eb', wi te'xk'e xch'ool chi xk'anjelankil ru chixjunil li xinchaq'rab'iheb' wi', jo' naxye li Chaq'rab', li waatin ut li xtaqlankileb' xb'aan laj Moisés, aj k'anjel chiwu”.

Salmos 44:2

At qaYos, rik'in qaxik xqab'i resil ut eb' li qana' qayuwa' xe'xseeraq'i qe k'aru xab'aanu najter q'e kutan, naq toj wankeb' chaq eb' a'an.

Salmos 80:9

Xamich' chaq jun toon chi uub' sa' li tenamit Ejiipt ut xawisiheb' li poyanam sa' li qana'aj re naq wanq junelik arin;

Isaías 60:21

“Chixjunileb' li wanqeb' sa' laatenamit tiikaqeb' xch'ool ut te'reechani li na'ajej a'in chi junajwa. Laa'in kinyoob'tesink reheb' re naq te'xk'ut linloq'al: chanchaneb' li xtuxm li awimq li kiwaw laa'in.