2 Samuel 6:5 - Q'eqchi Bible

⁵ Laj David ut chixjunileb' laj Israel yookeb' chi xajok chiru li Qaawa' chi anchaleb' xch'ool. Yookeb' ajwi' chi b'ichank rik'in aarp, tzojtzoj, xolb', tanb'oor ut sursuukil ch'iich'.

Li Santil hu

⁵ Laj David ut chixjunileb laj Israel yo̱queb chi xajoc ut yo̱queb chi bicha̱nc chi anchaleb xchꞌo̱l re xqꞌuebal xlokꞌal li Ka̱cuaꞌ ut yo̱queb chi cuajbac. Cuanqueb x-arpa, cuanqueb xsalterios, cuanqueb xtambor, ut cuanqueb xxo̱lb ut yo̱queb ajcuiꞌ chixtꞌochbal li sursu̱quil chꞌi̱chꞌ.

2 Samuel 6:5 ပူးပေါင်းရင်းမြစ်များ

1 Crónicas 13:8

Laj David ut chixjunileb' laj Israel yookeb' chi xajok chiru li Qaawa' chi anchaleb' xch'ool. Yookeb' ajwi' chi b'ichank rik'in aarp, tzojtzoj, xolb', sursuukil ch'iich' ut tronpeet.

Amós 5:23

Isihomaq chiwu xyaab' leek'iila b'ich! Ink'a' nawaj rab'inkil li xyaab' lee'aarp!

Amós 6:5

Nekexb'ichank naq nekerab'i xyaab' li aarp, ut nekeyiib'atq eewajb' jo' kixb'aanu laj David.

Daniel 3:15

Anaqwan naq teerab'i chi yaab'asiik li pur, li xolb', li kitaar, li aarp, li tzojtzoj, li tun ut chixjunil li k'iila paay chi wajb', ma teeb'uchub' eerib' chi xloq'oninkil ru li jalam u oor li xink'e chi yiib'aak? Xb'aan naq wi ink'a' teeloq'oni ru, sa' junpaat texkute'q sa' li xam li k'ajo' xtiqwal; toja' naq k'a' chik chi yosil taakoloq eere sa' wuq'?”, chan li awab'ej.

Daniel 3:10

Laa'at xak'e li chaq'rab' a'in: Naq taayaab'asimanq li pur, li xolb', li kitaar, li aarp, li tzojtzoj, li tun ut chixjunil li k'iila paay chi wajb', xb'uchub'aqeb' rib' chiru ch'och' chixjunileb' li poyanam chi xloq'oninkil ru li jalam u oor,

Daniel 3:7

Ut relik chi yaal naq kiyaab'asiik li pur, li xolb', li kitaar, li aarp, li tzojtzoj, li tun ut chixjunil li k'iila paay chi wajb', chixjunileb' li poyanam, eb' li tenamit li neke'aatinak sa' jalan jalanq chi aatinob'aal, ke'xb'uchub' rib' chi xloq'oninkil ru li jalam u li kixk'e chi yiib'aak laj Nabukodonosor.

Daniel 3:5

Naq teerab'i chi yaab'asiik li pur, li xolb', li kitaar, li aarp, li tzojtzoj, li tun ut chixjunil li k'iila paay chi wajb', b'uchub'omaq eerib' chiru ch'och' re xloq'oninkil li jalam u oor li xk'e chi yiib'aak laj Nabukodonosor, li awab'ej.

Salmos 47:5

A'an xsik'ok ru li na'ajej li tixk'e cho'q qe: a' li kixnima wi' rib' laj Jakob li q'axal raaro xb'aan.

2 Reyes 3:15

K'amomaq chaq junaq aj wajb' anaqwan”. Naq laj wajb' kixtikib' wajb'ak, kichalk li xmusiq' li Qaawa' sa' xb'een laj Eliseo

1 Samuel 16:16

Chakuy qamaak, at awab'ej. Taqlaho laa'o aj k'anjel chawu re naq tqasik' junaq winq li naxnaw xwajb'ankil li aarp, ut naq tatxch'i'ch'i'i li ink'a' usil musiq'ej, a'an taawajb'aq toj reetal taak'ojlaaq wi' chik aach'ool”.

1 Samuel 10:5

Moqon chik tatwulaq Kibehá re li Yos, b'arwi' wankeb' li xjolomileb' laj Filistea. Ut naq tat-ok sa' li tenamit, taak'uleb' jun ch'uuteb' chi propeet li yookeb' chaq chi kub'eek taqe'q, aj k'amol xb'eheb' laj aarp, laj xolb' ut laj tzojtzoj.

1 Crónicas 15:28

Chixjunileb' laj Israel ke'xk'am li xLoq'laj Kaaxil li xSumwank li Qaawa', japjookeb' re xb'aan xsahilaleb' xch'ool, yookeb' ajwi' chi xyaab'asinkil li xukub', li tronpeet ut li sursuukil q'anch'iich'; yo ajwi' chi eek'ank li aarp li nim ut li kach'in xyaab'.

2 Crónicas 20:28

Ut naq ke'wulak Jerusalén, koheb' sa' rochoch li Yos, yookeb' chi xch'e'b'aleb' li aarp, tzojtzoj ut li pur.