2 Samuel 6:2 - Q'eqchi Bible

² Ut rochb'eeneb' kixchap xb'e, koho Bahalá sa' xteepal Judá re xk'amb'al chaq toj aran li xLoq'laj Kaax li Yos. Chiru a'an nayaab'amank xk'ab'a' li Nimajwal Yos li nahilank sa' xb'eeneb' li kerubín.

Li Santil hu

² Ut quixcꞌameb aran Baala li cuan saꞌ xcue̱nt Judá re nak teꞌxcꞌam lix Lokꞌlaj Ca̱x li Dios, li nequeꞌxya̱ba cuiꞌ xcꞌabaꞌ li nimajcual Dios li nahilan saꞌ xya̱nkeb li querubines.

2 Samuel 6:2 ပူးပေါင်းရင်းမြစ်များ

1 Samuel 4:4

Toja' naq eb' li tenamit ke'xtaqlaheb' aj k'amonel aran Siló ut ke'xxok chaq li xLoq'laj Kaaxil li xSumwank li Nimajwal Yos, li nahilank sa' xb'eeneb' li kerubín. Eb' li ke'ochb'eenink re li xLoq'laj Kaaxil li xSumwank li Yos, a'aneb' laj Ofní ut laj Pinjás, li wiib' chi ralal laj Elí.

Salmos 80:1

Re li xjolomileb' laj b'ichanel. Taab'ichamanq jo' chanru li xyaab': “Eb' li xliryo li sumwank”. Xsaalm laj Asaf.

1 Samuel 7:1

Ke'chalk eb' laj Kiryat-Yeharín ut ke'xk'am li xLoq'laj Kaax li Qaawa'. Ke'xk'e sa' rochoch laj Abinadab, li wank sa' xb'een jun li b'ool, ut ke'xq'axtesi sa' ruq' li Yos laj Elehasar li ralal, re naq a'an taak'aak'alenq re.

1 Pedro 1:12

Li Yos kixk'utb'esi chiruheb' li propeet naq moko cho'q reheb' ta a'an, eere b'an laa'ex taak'anjelaq chixjunil a'in, a' wi' chikeb' li ánjel neke'raj raj xka'yankil. Ut anaqwan a'in xch'olob'aak cheru xb'aaneb' li xe'puktesink re li Chaab'il Esilal eere, rik'in li Santil Musiq'ej taqlanb'il chaq sa' choxa.

Isaías 54:5

Xb'aan naq laasum'aatin a'an laj Yoob'tesihom aawe, li Nimajwal Yos xk'ab'a'; li xSant laj Israel a'an laj kolol aawe: “xYos chixjunil li ruuchich'och'” naxk'ab'a'in.

Isaías 47:4

Li Nimajwal Yos, li xSant laj Israel, laj Kolol qe kixye chi jo'ka'in:

Josué 15:60

Li tenamit Kiryat-Bahal (Kiryat-Yeharín ajwi' naxk'ab'a'in) ut Rabá. Naraj naxye, wiib' chi tenamit rochb'eeneb' xk'aleb'aaleb'.

2 Samuel 22:11

Xk'ame'k xb'aan jun kerubín ut xpurik; li Qaawa' xheelank sa' xb'eeneb' xxik' li iq'.

1 Samuel 6:21

Ut ke'xtaqlaheb' aj esil rik'ineb' laj Kiryat-Yeharín re xyeeb'al reheb': “Eb' laj Filistea ke'xq'axtesi chaq li xLoq'laj Kaax li Qaawa'. Kub'enqex chaq ut k'amomaq eerik'in”.

Salmos 99:1

Li Qaawa' na'awab'ejink, ut neke'xiwak eb' li tenamit. Nak'ojlaak sa' xb'eeneb' li kerubín, ut na'eek'ank chixjunil li ruuchich'och'.