2 Samuel 6:16 - Q'eqchi Bible

¹⁶ Naq li xLoq'laj Kaax li Qaawa' ki'ok sa' xTenamit laj David, lix Mikal, xrab'in laj Saúl, yo chi ilok sa' b'entaan, ut naq kiril li awab'ej yo chi pisk'ok ut xajok chiru li Qaawa', kixtz'eqtaana sa' li xch'ool.

Li Santil hu

¹⁶ Nak yo̱queb chirocsinquil li Lokꞌlaj Ca̱x Jerusalén, saꞌ lix tenamit laj David, lix Mical lix rabin laj Saúl yo̱ chi iloc saꞌ li ventana. Nak quiril nak laj David yo̱ chi xajoc ut yo̱ chi piscꞌoc re xqꞌuebal xlokꞌal li Ka̱cuaꞌ, xicꞌ quirecꞌa.

2 Samuel 6:16 ပူးပေါင်းရင်းမြစ်များ

1 Corintios 2:14

Li winq li maak'a' xMusiq' li Yos rik'in moko naxk'ulub'an ta li k'aru nachalk rik'in xMusiq' li Yos; memil na'leb' b'an cho'q re. Ut ink'a' naruhank chi xnawb'al a'an, xb'aan naq ka'ajwi' rik'in li Musiq'ej naru xtawb'al xyaalal.

1 Crónicas 15:29

Naq kiwulak li xLoq'laj Kaaxil li xSumwank li Qaawa' sa' xTenamit laj David, lix Mikal, xrab'in laj Saúl, yo chi ilok sa' b'entaan ut naq kiril li awab'ej yo chi pisk'ok ut xajok, kixtz'eqtaana sa' li xch'ool.

Salmos 69:7

At Nimajwal Yos, ink'a' taxaq te'xutaanaq inb'aan eb' li wankeb' royb'enihom aawik'in! Ink'a' taxaq te'luktaaq xch'ool inb'aan eb' li neke'sik'ok aawe, at xYos laj Israel!

Hechos 2:13

Wankeb' chik yookeb' chi se'ek: —Te'kalaaq, chankeb'.

2 Samuel 3:14

Chirix chik a'an laj David kixtaqlaheb' aj esil re xyeeb'al re laj Isbahal, ralal laj Saúl: “Q'ajsi we lix Mikal, li wixaqil li kiweechani rik'in o'k'aal (100) chi xtz'uumal xtz'ejwaleb' laj Filistea”.

Isaías 53:3

A'an tz'eqtaananb'il ut xik' ilb'il xb'aaneb' li poyanam, a'an jun li winq junes ra naril ut k'aynaq chi k'uluk rahilal; chanchan junaq li maajun naraj ilok re, majewanb'il chi moko xqak'e sa' xnaq' qu.

2 Samuel 5:7

Ab'anan laj David ki'ok sa' li kawub'resinb'il ochoch re Sión, li xTenamit laj David chik naxk'ab'a'in.

2 Samuel 6:15

Laj David ut chixjunileb' laj Israel ke'xk'am li xLoq'laj Kaax li Qaawa' rik'in kawil b'ichank ut xyaab' xukub'.

2 Samuel 6:20

Laj David ajwi' koho sa' rochoch chi rosob'tesinkil li xjunkab'al, ab'an lix Mikal, xrab'in laj Saúl, ki'elk chaq chi xk'ulb'al ut kixye re: “K'ajo' naq xnujak chi loq'al li awab'ej re Israel sa' li kutan a'in, rik'in xt'usub'ankil rib' chiruheb' li xmoos ixq eb' laj k'anjel chiru, jo' naxb'aanu junaq li maak'a' xxutaan”.

1 Samuel 18:17

Sa' jun kutan kixye laj Saúl re laj David: “Tink'e lix Merab, li xb'een inrab'in, cho'q aawixaqil. Ka'ajwi' nintz'aama chawu naq kawaq aach'ool chi yalok sa' xk'ab'a' li Qaawa'”, chan. Xb'aan naq laj Saúl naxye sa' xch'ool: “Moko laa'in ta tinkamsinq re laj David, a'eb' b'an laj Filistea”.

1 Samuel 18:20

Ut lix Mikal, xrab'in laj Saúl, koho li xch'ool chirix laj David. Kiyehe'k resil re laj Saúl, ut a'in kixk'ul xch'ool naq kirab'i,

Salmos 123:3

Chawuxtaana qu, at Qaawa', chawuxtaana qu, xb'aan naq k'ajo' naq tz'eqtaananb'ilo!