2 Samuel 6:12 - Q'eqchi Bible

¹² Kiyehe'k resil re li awab'ej David chanru naq li Qaawa' kirosob'tesi li xjunkab'al laj Obededón ut chixjunil li k'aru re sa' xk'ab'a' li Loq'laj Kaax. Tikto laj David koho sa' rochoch laj Obededón re xk'amb'al li xLoq'laj Kaax li Yos aran Jerusalén, chi k'ajo' xsahil li xch'ool.

Li Santil hu

¹² Quiyeheꞌ resil re li rey David chanru nak li Ka̱cuaꞌ quirosobtesi laj Obed-edom joꞌ ajcuiꞌ chixjunil li cꞌaꞌru cuan re saꞌ xcꞌabaꞌ li Lokꞌlaj Ca̱x. Joꞌcan nak co̱ chirisinquil li Lokꞌlaj Ca̱x saꞌ rochoch laj Obed-edom re tixcꞌam Jerusalén ut kꞌaxal sa saꞌ xchꞌo̱l.

2 Samuel 6:12 ပူးပေါင်းရင်းမြစ်များ

1 Crónicas 15:25

Jo'kan naq laj David, eb' li xcheekal winqul laj Israel ut eb' li xjolomileb' laj puub' koheb' chi saheb' sa' xch'ool chi xxokb'al li xLoq'laj Kaaxil li xSumwank li Qaawa' sa' rochoch laj Obededón.

San Mateo 10:42

Ani taak'ehoq jun sek'aq chi kela' re junaq li kok'eb' a'in xb'aan naq intzolom, relik chi yaal ninye eere naq ink'a' taakanaaq chi maak'a' ta xq'ajkamunkil”.

1 Reyes 8:1

Toja' naq laj Salomón kixch'utub' aran Jerusalén li xcheekelaleb' laj Israel, chixjunileb' li xjolomileb' li junq teep ut eb' li xjolomileb' li xjunqkab'aleb' laj Israel, re xk'amb'al chaq li xLoq'laj Kaaxil li xSumwank li Qaawa' chalen chaq Sión, li xTenamit laj David, toj sa' rochoch li Yos.

2 Samuel 5:7

Ab'anan laj David ki'ok sa' li kawub'resinb'il ochoch re Sión, li xTenamit laj David chik naxk'ab'a'in.

2 Crónicas 5:2

Toja' naq laj Salomón kixch'utub' aran Jerusalén chixjunileb' li xcheekelaleb' laj Israel, chixjunileb' li xjolomileb' li junq teep ut eb' li xjolomileb' li xjunqkab'aleb' aj Israel, re xk'amb'al chaq li xLoq'laj Kaaxil li xSumwank li Qaawa' chalen chaq Sión, li xTenamit laj David.

1 Reyes 8:3

ke'k'ulunk chixjunileb' li xcheekal winqilaleb' laj Israel, ut eb' laj tij ke'xk'am chaq li xLoq'laj Kaax li Qaawa'

1 Reyes 8:4

ut li Loq'laj Muheb'aal, rochb'een chixjunil li k'a'aq re ru wank chisa'.

1 Crónicas 15:15

Ke'xk'am li xLoq'laj Kaax li Yos chi paqonb'il sa' xb'een xteleb', jo' chanru kixye laj Moisés sa' xk'ab'a' xtaqlahom li Qaawa'.

1 Crónicas 16:16

naq kixk'e rib' sa' aatin rik'in laj Abrahán ut ki'aatinak sa' jurament rik'in laj Isahak.

1 Crónicas 26:4

Eb' li ralal xk'ajol laj Obededón a'aneb' a'in: laj Semaías, li asb'ej; laj Josabad, li xkab'; laj Johaj, li rox; laj Sakar, li xka; laj Natanael, li ro';

1 Crónicas 26:5

laj Amiel, li xwaq; laj Isakar, li xwuq; ut laj Pehultay, li xwaqxaq. Li Yos kirosob'tesi laj Obededón rik'in naab'aleb' li ralal xk'ajol.