2 Samuel 5:6 - Q'eqchi Bible

⁶ Li awab'ej ut eb' li winq li wankeb' rochb'een koheb' Jerusalén chi yalok rik'ineb' laj Jebús li wankeb' sa' li na'ajej a'an. Ut eb' a'in ke'xye re laj David: “Laa'at ink'a' truuq tat-ok arin, xb'aan naq a'atqeb' li mutz' ut li yeq roqeb' tz'aqaleb' charamb'al” (naraj naxye naq laj David ink'a' truuq taa'ok aran).

Li Santil hu

⁶ Co̱ ut li rey David aran Jerusalén rochbeneb li cui̱nk li nequeꞌtenkꞌan re. Co̱eb chi pletic riqꞌuineb laj jebuseo li cuanqueb aran. Eb laj jebuseo queꞌxye re laj David: —La̱at incꞌaꞌ tatru̱k chi oc arin xban nak la̱at incꞌaꞌ ta̱cuy usta yal riqꞌuineb li mutzꞌ ut eb li ye̱k rok tatpletik, chanqueb. Queꞌxye chi joꞌcan re xhobbal xban nak queꞌxcꞌoxla nak laj David incꞌaꞌ tixcuy pletic riqꞌuin li tenamit aꞌan.

2 Samuel 5:6 ပူးပေါင်းရင်းမြစ်များ

Jueces 1:8

Eb' laj Judá ke'yalok rik'ineb' laj Jerusalén, ke'xchap li tenamit, ke'xkamsi chi ch'iich' chixjunileb' li poyanam ut ke'xk'e xxamlel li tenamit.

Jeremías 37:10

Us ta texnumtaaq sa' xb'eeneb' laj Kaldeha li yookeb' chi yalok eerik'in, ut yal wiib' oxib'eb' aj chik te'kole'q chi tiq'ilkaqeb', ab'an eb' a'an chixjunqaleb' raj te'wakliiq wi' chik sa' li xmuheb'aaleb' ut te'xk'e xxamlel li tenamit a'in”.

Jueces 1:21

Ab'anan eb' laj Benjamín ink'a' ke'ruuk risinkileb' laj Jebús li wankeb' chaq Jerusalén. Jo'kan naq chalen toj anaqwan eb' laj Jebús wankeb' Jerusalén rochb'eeneb' li ralal xk'ajol laj Benjamín.

Josué 18:28

Selá-Jalef, Jebús (naraj naxye: Jerusalén), Kibehá ut Kiryat: kaalaju chi tenamit rochb'eeneb' xk'aleb'aaleb'. A'an a'in li reechanihomeb' li ralal xk'ajol laj Benjamín, chi ch'uutal.

Josué 15:63

Ab'anan eb' li ralal xk'ajol laj Judá ink'a' ke'ruhank chi risinkileb' laj Jebús li wankeb' Jerusalén. Jo'kan naq eb' laj Jebús toj wankeb' ajwi' Jerusalén anaqwan, rochb'eeneb' li ralal xk'ajol laj Judá.

Hebreos 7:1

Laj Melkisedek a'an awab'ej re Salem ut aj tij chiru li Nimajwal Yos. Ki'elk chi xk'ulb'al laj Abrahán, ut kirosob'tesi naq a'in yo chaq chi sutq'iik chi ak xsacheb' chaq eb' li awab'ej.

Génesis 14:18

Toja' naq laj Melkisedek, awab'ej re Salem, kixyeechi'i xwa ut b'iin, xb'aan naq a'an aj tij chiru li Nimajwal Yos.

Josué 10:3

Tojo' naq laj Adonisédek, awab'ej re Jerusalén, kixtaqla xyeeb'al re laj Ohán, awab'ej re Hebrón, re laj Pirán, awab'ej re Yarmut, re laj Yapía, awab'ej re Lakix, ut re laj Debir, awab'ej re Eklón:

2 Samuel 22:30

Rik'in laatenq'aal ninq'axeb' xwankil li xik' neke'ilok we; wochb'eenaq linYos tinpisk'o li tz'ak sutsu wi' li tenamit.

Proverbios 21:22

Li wank xna'leb' na'ok chi yalok rik'in jun kawub'resinb'il tenamit, ut naxjuk' li xsuttz'akil li k'ojk'o wi' xch'ooleb'.

Jeremías 21:13

Laa'in, li Qaawa', yo tz'aqal injosq'il sa' eeb'een li nim eewankil chiru taq'a, jo'kex li saqoonak chiru li helhookil ru ch'och'. Laa'ex nekeye: Ani taachalq chi yalok qik'in? Ani toltawoq qe sa' li qakawub'resinb'il tenamit? chankex.