2 Samuel 4:8 - Q'eqchi Bible

⁸ Ke'xk'am xjolom laj Isbahal re laj David aran Hebrón, ut ke'xye re li awab'ej: “Waye' xjolom laj Isbahal, ralal laj Saúl, li xik' na'ilok aawe, li kiraj raj aakamsinkil. Sa' li kutan a'in li Qaawa' xk'e li awab'ej chi eeqajunk sa' xb'een laj Saúl ut eb' li ralal xk'ajol”, chankeb'.

Li Santil hu

⁸ Queꞌxcꞌam lix jolom li camenak re teꞌxkꞌaxtesi re li rey David aran Hebrón. Queꞌxye re laj David: —At rey, xkacꞌam chak chokꞌ a̱cue lix jolom laj Is-boset li ralal laj Saúl, li xicꞌ qui-iloc a̱cue li quixyal a̱camsinquil. Abanan saꞌ li cutan aꞌin li Dios quixqꞌue chixtojbal rix lix ma̱c laj Saúl joꞌ eb ajcuiꞌ li ralal xcꞌajol, chanqueb.

2 Samuel 4:8 ပူးပေါင်းရင်းမြစ်များ

1 Samuel 25:29

Us ta wanq ani taasik'oq aawe re aarahob'tesinkil ut aakamsinkil, ab'anan li Qaawa' laaYos taakoloq aawe: tixkol laayu'am rub'el li xkupuhom, ut li xyu'ameb' li xik' neke'ilok aawe tixkut chi najt jo' rik'in junaq jok'.

2 Samuel 22:48

a' li Yos nak'ehok we chi numtaak sa' xb'eeneb' li tenamit! A'an naxq'axtesiheb' rub'el linwankil chi junajwa.

Apocalipsis 18:20

Chatsaho'q xb'aan a'an, at choxa. Chisaho'q sa' eech'ool, ex sant, apóstol ut propeet, xb'aan naq rik'in xteneb'ankil li tojb'amaak sa' xb'een, li Yos xraqok aatin sa' tiikilal.

Apocalipsis 6:10

Ut ke'ok chi xjapb'aleb' re chi kaw xyaab'eb' xkux, ut ke'xye: “At santil Eechalinel, laa'at paab'ajelat, toj jo'q'e tatkanaaq chi ink'a' tatraqoq aatin sa' xb'eeneb' li wankeb' sa' ruuchich'och' ut ink'a' taweeqajuniheb' li ke'kamsink qe?”.

San Mateo 2:20

ut kixye re: “Waklin, k'am li k'uula'al rochb'een li xna' ut ayu Israel, xb'aan naq kamenaqeb' chik li xe'raj raj xkamsinkil li k'uula'al”.

Salmos 71:24

Li ru'uj waq' tixseeraq'i laatiikilal chi junelik, xb'aan naq xe'sache'k xwankil ut xutaanal xe'kanaak chixjunileb' li xe'ajok raj inkamsinkil.

2 Samuel 18:31

Sa' ajwi' li honal a'an kiwulak laj Kus ut kixye: “At awab'ej, aj eechal we, chak'ul li chaab'il esil, xb'aan naq sa' li kutan a'in li Qaawa' xatxkol sa' ruq'eb' chixjunileb' li xe'wakliik sa' aab'een”.

2 Samuel 18:19

Toja' naq laj Ajimás, ralal laj Sadok, kixye: “Xik we sa' aanil chi xyeeb'al re li awab'ej naq li Qaawa' xkolok re sa' ruq'eb' li xik' neke'ilok re”.

1 Samuel 24:4

Toja' naq eb' li rochb'een ke'xye re laj David: “K'e reetal, a'an a'in li kutan kixye resil aawe li Qaawa': «Tink'e sa' aawuq' li xik' na'ilok aawe; b'aanu re li k'aru taawaj»”. Kixaqliik laj David ut timil timil kixset kach'in li raq' laj Saúl.

1 Samuel 23:15

Yo xxiw laj David, xb'aan naq laj Saúl ki'elk chi xsik'b'al re xkamsinkil. Jo'kan naq junes nawank aran Jorsa, sa' li chaqich'och' re Sif.

1 Samuel 20:1

Chirix chik a'an laj David ki'elelik chaq Nayot li nach' wank rik'in Ramá, ut koho chi xyeeb'al re laj Jonatán: “K'aru xinb'aanu? B'ar wank li ink'a' us xinb'aanu? K'aru xinmaakob'k wi' chiru laayuwa' naq taaraj inkamsinkil?”.

1 Samuel 19:15

Ab'an laj Saúl kixtaqlaheb' wi' chik li xtaql chi xsik'b'al laj David: “K'amomaq chaq laj David sa' xch'aat, re naq tinkamsi”, chan reheb'.

1 Samuel 18:11

Tikto li awab'ej kixye sa' xch'ool: “Ok we xt'ojb'al laj David chiru tz'ak”. Ut kixkut li xjutz' che'. Ab'an laj David kixkol rib' ka'sut.

2 Samuel 2:8

Ab'an laj Abner, ralal laj Ner, xjolomileb' laj puub' re laj Saúl, kixb'oq laj Isbahal, ralal laj Saúl, ut kixk'am chirix toj Majanáhin.

1 Samuel 19:1

Laj Saúl kixye re laj Jonatán ut reheb' chixjunileb' laj k'anjel chiru naq te'xkamsi laj David. Ab'an laj Jonatán, ralal laj Saúl, q'axal naxra laj David