2 Samuel 4:5 - Q'eqchi Bible

⁵ Ke'xchap xb'eheb' laj Rekab ut laj Bahaná, ralaleb' laj Rimón aj Beherot, ut ke'wulak sa' rochoch laj Isbahal naq a'in yo chi wark, sa' li honal naq q'axal tiq li saq'e.

Li Santil hu

⁵ Laj Recab ut laj Baana, li cuib chi ralal laj Rimón, Beerot xtenamit, queꞌco̱eb saꞌ rochoch laj Is-boset. Queꞌcuulac saꞌ li ho̱nal nak kꞌaxal tik li sakꞌe nak laj Is-boset yo̱ chi hila̱nc.

2 Samuel 4:5 ပူးပေါင်းရင်းမြစ်များ

2 Crónicas 25:27

Chirix chik naq laj Amasías kixkanab' xloq'oninkil ru li Qaawa', ke'xk'uub' xkamsinkil aran Jerusalén, jo'kan naq ki'elelik toj sa' li tenamit Lakix. Ab'anan ke'xtaqlaheb' poyanam chi xsik'b'al toj Lakix, ut aran ke'xkamsi.

2 Crónicas 24:25

Ut naq eb' laj Aram ke'sutq'iik sa' xtenamiteb', ke'xkanab' laj Johás chi jwal ra wank. Toja' naq eb' laj k'anjel chiru ke'xk'uub' xkamsinkil, xb'aan xkamik li ralal laj Johadá laj tij, ut ke'xkamsi naq wank sa' li xwarib'aal. Chirix li xkamik ke'xmuq sa' xtenamit laj David, ab'anan ink'a' ke'xmuq sa' xmuqleb'aaleb' li awab'ej.

1 Reyes 16:9

Ab'anan laj Simrí, aj k'anjel chiru ut xjolomileb' laj b'eresinel b'eleb'aal ch'iich', kixk'uub' xkamsinkil. Sa' jun kutan naq laj Elá yo chi kalaak sa' rochoch laj Arsá, laj ilol re li junkab'al aran Tirsá,

2 Samuel 11:2

Sa' jun ewu naq kiwakliik chaq laj David sa' xwarib'aal ut yo chi b'eek sa' li xtaqeq'il li rochoch, toj aran taqe'q kiril chaq jun li ixq yo chi atink. K'ajo' xch'ina'usal li ixq a'an.

2 Samuel 2:8

Ab'an laj Abner, ralal laj Ner, xjolomileb' laj puub' re laj Saúl, kixb'oq laj Isbahal, ralal laj Saúl, ut kixk'am chirix toj Majanáhin.

2 Crónicas 33:24

Sa' jun kutan eb' laj k'anjel chiru laj Amón ke'xk'uub' xkamsinkil, ut ke'xkamsi li awab'ej sa' li rochoch.

2 Samuel 4:2

Laj Isbahal, ralal laj Saúl, wankeb' wiib' chi winq neke'k'anjelak chiru, xjolomileb' aj elq'. Li jun aj Bahaná xk'ab'a' ut li jun chik aj Rekab, ralaleb' laj Rimón aj Beherot. A'aneb' xkomoneb' li ralal xk'ajoleb' laj Benjamín, xb'aan naq Beherot wank sa' xteepal Benjamín.