2 Samuel 4:11 - Q'eqchi Bible

¹¹ Ma toja' ta chik anaqwan naq maa'us aj winqeb' xe'xkamsi jun li winq tiik xch'ool naq yo chi wark sa' rochoch? Relik chi yaal naq texink'e chi xtojb'al li xkamik ut texinsach sa' ruuchich'och'”.

Li Santil hu

¹¹ Joꞌcan ajcuiꞌ tinba̱nu e̱re la̱ex xban nak kꞌaxal cuiꞌchic yibru xeba̱nu nak xex-oc saꞌ li rochoch li cui̱nk aꞌin ut xecamsi nak yo̱ chi cua̱rc. La̱in texinqꞌue chixtojbal e̱ma̱c joꞌ e̱cꞌulub xcꞌulbal xban nak xecamsi li cui̱nk aꞌin chi ma̱cꞌaꞌ xma̱c. Tintakla e̱camsinquil, chan.

2 Samuel 4:11 ပူးပေါင်းရင်းမြစ်များ

Salmos 9:12

B'ichahomaq xloq'al li Qaawa' li nak'ojlaak aran Sión, puktesihomaq resil li xninqal ru xb'aanuhom sa'atqeb' li tenamit.

1 Juan 3:12

Ink'a' jo'aqo laj Kaín: a'an re li maa'us ut kixkamsi li riitz'in. K'a'ut naq kixkamsi? Xb'aan naq ink'a' useb' li xb'aanuhom, ut li riitz'in a' li chaab'ilal naxb'aanu.

Habacuc 1:12

At Qaawa', ma ink'a' tab'i' ak wankat chalen chaq q'e kutan, at inSantil Yos li ink'a' kaamel? At Qaawa' ut aj k'aak'alehomat we, laa'at xatk'ehok xkawilaleb' laj Kaldeha chi raqok aatin sa' qab'een re naq tqatoj rix li qamaak.

Habacuc 1:4

Ink'a' napaab'aak li chaq'rab' ut ink'a' chik na'uxmank li tiikilal. Li ink'a' us xna'leb' naxch'i'ch'i'i li tiik xch'ool ut naxjal xyaalal li k'ulub'ej.

Jeremías 10:11

Jo'ka'in teeye reheb' li tenamit maak'a' xpaab'aaleb', ex ralal xk'ajol laj Israel: “Eb' li yos, li ink'a' ke'yiib'ank re li choxach'och', te'oso'q junsut junrub'el choxa”, cha'qex.

Proverbios 25:26

Jo' li ha' sulul ru malaj tz'ajn ru, jo'kan li tiik ru xyu'am naq nawiib'ank xch'ool chiru laj maak.

Proverbios 2:22

A'ut eb' li ink'a' useb' xna'leb' isinb'ilaqeb' sa' li na'ajej a'in; eb' laj b'alaq' te'sachmanq chi junwaakaj.

Salmos 109:15

Junelik ta chiwanq sa' xch'ool li Qaawa' chixjunil a'an re naq chixsach li xk'ab'a'eb' sa' ruuchich'och'.

1 Reyes 2:32

Li Qaawa' chixteneb' sa' xb'een laj Johab li xkamikeb' li wiib' chi winq jwal tiikeb' xch'ool ut q'axal chaab'ileb' chiru a'an. Kixkamsiheb' chi ch'iich' chi ink'a' kixnaw laj David linyuwa': a' laj Abner, ralal laj Ner, xjolomileb' laj puub' re Israel, ut laj Amasá, ralal laj Jéter, xjolomileb' laj puub' re Judá.

2 Samuel 3:39

Jo'kan naq, us ta laa'in li awab'ej sik'b'il ru xb'aan li Yos, ab'anan naweek'a naq maak'a' inmetz'ew: q'axal kaweb' rib' chiwu eb' li xyum lix Sarbia. Li Qaawa' chik'ehoq reeqaj re li ani xb'aanunk re li maa'usilal a'in!”, chan.

2 Samuel 3:27

Naq laj Abner kisutq'iik chaq Hebrón, laj Johab kixk'am xjunes chire li rokeb'aal li tenamit chanchan wi' ok re chi xyeeb'al junaq aatin sa' hasb', ut aran ajwi' kixtiq' rub'el xsa' ut kixkamsi re xtojb'al rix xkamik laj Asahel li riitz'in.

Éxodo 21:12

“Li tixsak' ras riitz'in ut a'in taakamq, tento naq taakamsiiq;

Éxodo 9:15

Wi ta xinye' li wuq' ut xatinrahob'tesi ta laa'at jo' ajwi' laatenamit rik'in raxkamk, ak maa'anihat raj chik sa' ruuchich'och'.

Génesis 7:23

Li Qaawa' kixsach jo'ch'inal jo'nimal wank sa' ruuchich'och'. Ke'sache'k li tenamit jo' ajwi' li ketomq, eb' li xul li neke'xjukuki rib' chiru ch'och' ut eb' li neke'rupupik chiru choxa: chixjunileb' kilaje'sachk sa' ruuchich'och', ka'aj chik laj Noé kikanaak rochb'eeneb' li wankeb' sa' li jukub' kab'l.

Génesis 6:13

Jo'kan naq kixye re laj Noé: “Twaj tinsach ruheb' chixjunileb': xmaakeb' a'an naq li ruuchich'och' xnujak chi raaxiik'. Jo'kan naq teb'insach ru; tinsach ajwi' chixjunil li ruuchich'och'.

Génesis 4:11

Jo'kan b'i', tz'eqtaananb'ilaqat xb'aan li ch'och' li x'uk'uk re xkik'el laawiitz'in li xakamsi laa'at.

2 Samuel 16:8

Li Qaawa' xk'ehok aawe chi xtojb'al laamaak xb'aan naq xakamsiheb' naab'al xkomoneb' li xjunkab'al laj Saúl. Laa'at xamaq' li xwankilal laj Saúl, jo'kan naq li Qaawa' xq'axtesi laa'awab'ejihom re laj Absalón laawalal. Yookat chi xtojb'al laamaak, xb'aan naq laa'at aj kamsinel!”.