2 Samuel 4:1 - Q'eqchi Bible

¹ Naq laj Isbahal, ralal laj Saúl, kirab'i resil li xkamik laj Abner aran Hebrón, k'ajo' naq kisachk xch'ool, ut chixjunileb' laj Israel ke'ok xxiw.

Li Santil hu

¹ Cꞌajoꞌ nak quixucuac laj Is-boset, li ralal laj Saúl, nak quirabi nak quicamsi̱c laj Abner aran Hebrón. Ut queꞌxucuac ajcuiꞌ chixjunileb li cuanqueb aran Israel.

2 Samuel 4:1 ပူးပေါင်းရင်းမြစ်များ

Esdras 4:4

Toja' naq li tenamit li wankeb' sa' li na'ajej a'an ke'xyoob' xch'inankil xch'ooleb' laj Judá ut ke'roksi xxiweb' re naq te'xkanab' kab'lak.

Isaías 13:7

Jo'kan naq chixjunileb' maak'a'aq chik xmetz'eweb' ut te'ch'inanq xch'ool eb' li poyanam.

Jeremías 6:24

Ut eb' laj Jerusalén ke'xye: “Naq xqab'i li esilal a'in, xookanaak chi maak'a' chik qametz'ew xb'aan qaxiw; k'ajo' naq xmayok sa' li qach'ool chi k'oxlak ut ra wanko jo' junaq ixq ok re chi alank.

Sofonías 3:16

Sa' li kutan a'an taayeemanq re Jerusalén: “Matxiwak, at Sión, chi moko chich'inaaq laach'ool”.

Jeremías 50:43

Naq li awab'ej re Babilonia xrab'i resileb', k'ajo' naq xchalk xxiw ut nasiksotk; xmayok li xch'ool jo' junaq ixq ok re chi alank.

Isaías 35:3

Chikawuuq leeruq' laa'ex li lub'luukex, xaqab'omaq chi kaw li xb'een eeraq maak'a' xmetz'ew.

Nehemías 6:9

Li rajomeb' li xik' neke'ilok qe a'an a'in: roksinkil qaxiw re naq taach'inanq li qach'ool ut ink'a' tqachoy li qak'anjel. Ab'anan laa'in q'axal wi' chik kikawuuk inch'ool.

2 Samuel 17:2

Toxinchap naq lub'jenaqaq ut maak'a'aq xmetz'ew; twoksi xxiw, ut chixjunileb' li wankeb' rochb'een te'eleliq chiqu. Ka'ajwi' li awab'ej tinkamsi,

2 Samuel 3:27

Naq laj Abner kisutq'iik chaq Hebrón, laj Johab kixk'am xjunes chire li rokeb'aal li tenamit chanchan wi' ok re chi xyeeb'al junaq aatin sa' hasb', ut aran ajwi' kixtiq' rub'el xsa' ut kixkamsi re xtojb'al rix xkamik laj Asahel li riitz'in.

2 Samuel 2:8

Ab'an laj Abner, ralal laj Ner, xjolomileb' laj puub' re laj Saúl, kixb'oq laj Isbahal, ralal laj Saúl, ut kixk'am chirix toj Majanáhin.