2 Samuel 3:25 - Q'eqchi Bible

²⁵ Ma ink'a' nakanaw naq re aab'alaq'inkil naq xk'ulunk laj Abner, ralal laj Ner? A'an yal re xk'eeb'al reetal laayehom laab'aanuhom naq xk'ulunk”, chan.

Li Santil hu

²⁵ ¿Ma incꞌaꞌ ta biꞌ nacanau nak re a̱balakꞌinquil nak xcꞌulun arin? Aꞌan yal xqꞌuebal retal cꞌaꞌru nacaba̱nu xcꞌulun, chan.

2 Samuel 3:25 ပူးပေါင်းရင်းမြစ်များ

Isaías 37:28

Ninnaw chixjunil li nakab'aanu, naq nakat-elk ut nakat-ok sa' laawochoch, ut k'ajo' laajosq'il wik'in.

Deuteronomio 28:6

Osob'tesinb'ilaqat naq tat-ok ut osob'tesinb'ilaqat naq tat-elq.

Romanos 2:1

Jo'kan utan, maak'a' k'aru taakol wi' aawib', at winq li nakatraqok aatin sa' xb'een laawas aawiitz'in, a' yaal anihat. Naq nakatraqok aatin chirix anihaq, rahilal nakab'oq chaq sa' aab'een, xb'aan naq nakatraqok aatin ut toj yookat ajwi' chi xb'aanunkil li maak a'an.

San Juan 7:47

Ke'sumeek xb'aaneb' laj Pariseey: —Ma xexb'alaq'iik ajwi' chaq laa'ex?

San Juan 7:12

Ut q'axal neke'hashotk eb' li poyanam chirix a'an. Wan te'yehoq: “Chaab'il winq a'an”. Wankeb' chik neke'xye: “Ink'a', naxb'alaq'iheb' b'an li tenamit”.

Salmos 121:8

Li Qaawa' na'ilok aawe jo'q'e tat-elq ut jo'q'e tatsutq'iiq chaq, chalen anaqwan ut junelik q'e kutan.

2 Reyes 18:32

Chirix chik a'an tinwulaq laa'in ut texink'am sa' jun na'ajej jo' leena'aj laa'ex, b'arwi' na'elk chi us li triiw, li uub', li aseeyt ut li xya'al kab'. Chi jo'kan taawanq leewa leeruk'a' chi yo'oon, yo'yooqex ut ink'a' texkamq. Laj Esekías yo cheb'alaq'inkil rik'in xyeeb'al naq li Qaawa' taakoloq eere.

2 Samuel 10:3

eb' li xjolomileb' laj Amón ke'xye re laj Janún li x'awab'ejeb': “Ma xk'ojob'ankil tab'i' aach'ool chirix xkamik laayuwa' naq laj David xtaqlaheb' chaq li winq a'in? Re b'an xk'eeb'al reetal li qatenamit ut xsachb'al moqon naq xtaqlaheb' chaq arin”.

2 Samuel 3:27

Naq laj Abner kisutq'iik chaq Hebrón, laj Johab kixk'am xjunes chire li rokeb'aal li tenamit chanchan wi' ok re chi xyeeb'al junaq aatin sa' hasb', ut aran ajwi' kixtiq' rub'el xsa' ut kixkamsi re xtojb'al rix xkamik laj Asahel li riitz'in.

Números 27:17

ut tixb'eresiheb' yalaq b'ar, re naq ink'a' taakanaaq li xkomonil li Qaawa' jo'keb' li karneer maak'a' aj ilol reheb'”, chan laj Moisés.

Génesis 42:16

Taqlahomaq junaq eere re naq tixk'am chaq leeriitz'in, ut laa'ex texkanaaq wan sa' tz'alam. Chi jo'kan taanawmanq ma yaal li nekeye. Wi ut ink'a', ch'olch'ooq, sa' xk'ab'a' laj Parahón, naq laa'ex aj ch'uukex”.

Génesis 42:12

Kichaq'ok laj José: “Moko yaal ta a'an: li xexchalk wi', a'an rilb'al b'ar maak'a'eb' wi' aj k'aak'alehom re li tenamit”, chan.

Génesis 42:9

Toja' naq laj José kinaqk sa' xch'ool naq kimatk'ek chirixeb' li ras, ut kixye reheb': “Laa'ex aj ch'uukex; xexchalk arin yal re rilb'al b'ar maak'a'eb' wi' aj k'aak'alehom re li tenamit”, chan.

2 Samuel 3:24

Toja' naq laj Johab ki'ok wan wi' li awab'ej ut kixye: “K'aru xab'aanu? Laj Abner xk'ulunk aawik'in ut laa'at xakanab' chi xik!

2 Samuel 3:26

Ka'ajwi' ki'elk laj Johab rik'in laj David naq kixtaqlaheb' aj esil chi xsik'b'al laj Abner, chi ink'a' naxnaw li awab'ej. Ke'xtaw wan wi' li kumb'-ha' re Sirá ut ke'xk'am chaq.