2 Samuel 24:25 - Q'eqchi Bible

²⁵ ut aran kixxaqab' jun x'artal li Qaawa' ut kixk'e li xk'atb'il mayej jo'wi' li xyeechi'om re xk'amb'aleb' rib' sa' usilal rik'in li Yos. Toja' naq li Qaawa' kirab'i li elajink chirix li na'ajej ut kirisi li raxkamk sa' xb'eeneb' laj Israel.

Li Santil hu

²⁵ Quixyi̱b lix artal laj David saꞌ li naꞌajej aꞌan. Quixqꞌue lix cꞌatbil mayej. Ut quixqꞌue lix mayej re xcꞌambaleb rib saꞌ usilal riqꞌuin li Ka̱cuaꞌ. Li Ka̱cuaꞌ quirabi li cꞌaꞌru queꞌxtzꞌa̱ma chiru ut quirisi li caki yajel saꞌ xbe̱neb laj Israel.

2 Samuel 24:25 ပူးပေါင်းရင်းမြစ်များ

2 Samuel 21:14

Ke'xmuq li xb'aqeleb' laj Saúl ut laj Jonatán li ralal sa' xch'och'eb' laj Benjamín, aran Selá, sa' li na'ajej kimuqe'k wi' laj Kis, xyuwa' laj Saúl; ut ke'xb'aanu chixjunil li ke'chaq'rab'iik wi' xb'aan li awab'ej. Chirix chik a'an kiq'uno'k xch'ool li Yos rik'in li tenamit.

2 Samuel 24:14

Kichaq'ok laj David ut kixye re laj Gad: “Q'axal ch'a'aj wankin. Ab'anan jwal us raj naq tqaq'axtesi qib' sa' ruq' li Qaawa' li q'axal nim ruxtaan, chiru li t'ane'k sa' ruq'eb' li winq”, chan.

1 Samuel 7:17

Chirix chik a'an nasutq'iik chaq Ramá, b'arwi' wank li rochoch ut naxb'eresiheb' laj Israel. Laj Samuel kixxaqab' ajwi' jun li artal cho'q re li Qaawa' aran Ramá.

Génesis 8:20

Chirix a'an laj Noé kixyiib' jun li artal re li Qaawa', kixchapeb' li chaab'ileb' xul li neke'b'eek jo' ajwi' li neke'rupupik, ut kixyeechi'i jo' k'atb'il mayej sa' xb'een li artal.

1 Samuel 7:9

Laj Samuel kixchap jun karneer toj natu'uk ut kixyeechi'i chi xjunxaqalil cho'q k'atb'il mayej chiru li Yos, kixyaab'a xk'ab'a' li Qaawa' sa' xb'eeneb' laj Israel, ut li Qaawa' kirab'i li xtij.

Génesis 22:9

Naq ke'wulak sa' li na'ajej kixye li Yos, laj Abrahán kixyiib' jun li artal ut kixtus li si' sa' xb'een; chirix a'an kixb'ak' laj Isahak li ralal ut kixk'e sa' xb'een li artal, sa' xb'een li si'.

Jueces 21:4

Sa' li kutan jun chik eb' laj Israel ke'wakliik eq'la, ke'xyiib' jun li artal ut ke'xyeechi'i k'atb'il mayej ut ke'mayejak re xk'amb'al wi' chik rib' sa' usilal rik'in li Yos.

1 Samuel 13:9

Toja' naq kixye laj Saúl: “K'amomaq chaq eb' li k'atb'il mayej ut li yeechi'om re k'amok ib' sa' usilal rik'in li Yos”, chan. Ut kixyeechi'i li k'atb'il mayej.

1 Samuel 14:35

Ut laj Saúl kixyiib' jun li artal re li Qaawa'. A'an li xb'een artal li kixyiib' cho'q re li Yos.

1 Reyes 1:1

Ak tiix chik li awab'ej David ut xikenaq xchihab' chi us. Us ta neke'xk'e naab'al li isb' sa' xb'een, ab'an ink'a' naq'ixno'k.

Ezequiel 16:42

Toja' naq taach'anaaq linjosq'il sa' aab'een ut taa'oso'q li xmay inch'ool. Rik'in a'an taak'ojlaaq li waanm ut ink'a' chik tinjosq'o'q.

Génesis 12:7

Aran li Qaawa' kixk'ut rib' chiru laj Abrán ut kixye re: “A'eb' laawalal aak'ajol tink'eheb' wi' li ch'och' a'in”. Toja' naq laj Abrán kixyiib' jun li artal re li Qaawa', xb'aan naq aran kixk'ut rib' chiru.

Números 17:13

Yalaq ani taajiloq chi xk'atq li xLoq'laj Muheb'aal li Qaawa', taakamq. Ma tookamq chiqajunilo?”, chankeb'.

Jueces 6:24

Toja' naq laj Jedehón kixyiib' sa' li na'ajej a'an jun li artal cho'q re li Qaawa', ut li Qaawa'-Tuqtuukilal kixk'e cho'q xk'ab'a'. Li artal a'an toj wank anaqwan aran Ofrá, xtenamiteb' laj Abiéser.