2 Samuel 23:4 - Q'eqchi Bible

⁴ chanchanaq li kutan naq yo chi hik'e'k, chanchanaq li saq'e naq maak'a' li choql eq'la ut naxk'e chi lemtz'unk li pim chiru ch'och' sa' xraqik li hab'».

Li Santil hu

⁴ Li rey aꞌan chanchanak li sakꞌe na-el chak ekꞌela nak ma̱cꞌaꞌ li chok saꞌ li choxa. Chanchanak li hab li naxqꞌue chi mokc li pim saꞌ li chꞌochꞌ.’

2 Samuel 23:4 ပူးပေါင်းရင်းမြစ်များ

Jueces 5:31

“Jo'ka'in taxaq naq che'oso'q chixjunileb' li xik' neke'ilok aawe, at Qaawa'. Ut eb' li neke'rahok aawe, chanchanaqeb' taxaq li saq'e naq nalemtz'unk chaq wa'leb'!”. Ut li tenamit ke'wank sa' tuqtuukilal chiru ka'k'aal chihab'.

Salmos 72:6

Kama'aq li hab' li nat'ane'k sa' xb'een li pim, kama'aq li xchu'ke li nat'aqresink re li ch'och'.

Oseas 6:5

Jo'kan naq xintaqlaheb' li propeet chesachb'al ut xexinkamsi rik'in li waatin. Chanchan naq nayo'laak li saqenk naq tinraqoq aatin sa' eeb'een.

Salmos 89:36

Sa' xk'ab'a' linsantilal xinye sa' jurament naq ink'a' tintik'ti'i laj David!

San Juan 1:7

A'an kichalk cho'q aj yehol yaal chirix li saqenk re naq chixjunileb' te'paab'anq xb'aan.

Malaquías 4:2

A'ut laa'ex li nekex'oxloq'ink re link'ab'a', taalemtz'uno'q sa' eeb'een li xtiikilal linch'ool, ut sa' li xsaqenkil teetaw leekawilal. Toja' naq texpisk'oq xb'aan xsahil leech'ool jo'kaqex li saaj wakax naq neke'elk sa' li xna'ajeb'.

Miqueas 5:7

Toja' naq eb' li te'kole'q sa' xyanqeb' laj Israel chanchanaqeb' li k'ajob' nachalk rik'in li Qaawa', cho'q reheb' li k'iila tenamit; jo'aqeb' li hab' sa' xb'een li raxpim, k'ojk'ooqeb' xch'ool rik'in li Yos, ut ink'a' yal rik'in winq.

Oseas 6:3

Qasik'aq li Qaawa', qayalaq qaq'e chi xnawb'al ru. Relik chi yaal naq taachalq qik'in jo' naq nahik'e'k li kutan; taachalq qik'in jo' naq li hab' naxt'aqresi li ch'och' sa' li hab'alq'e”.

Isaías 60:3

Eb' li tenamit te'chalq sa' laasaqenkil ut eb' li awab'ej te'b'eeq sa' xlemtz'unkil laaloq'al.

Isaías 60:1

Waklin, at Jerusalén, ut chatlemtz'unq, xb'aan naq xk'ulunk laakutan saqenk ut li xloq'al li Qaawa' xhik'e'k sa' aab'een.

Isaías 4:2

Sa' li kutan a'an li xTuxm li Qaawa' a'anaq li xloq'al ut li xsahil ruheb' laj Israel li te'kole'q; ut li Ru li ch'och' a'anaq li xwankilal ut li xnimal xloq'aleb'.

Proverbios 4:18

Li xyu'ameb' li tiikeb' xch'ool a'an chanchan xsaqenkil li hik'e'k: na'ok chi lemtz'unk toj reetal nakutano'k ru sa' wa'leb'.

Salmos 110:3

Aawe li nimajwal wankilal chalen chaq sa' xkutankil laayo'lajik. Sa' li loq'laj muheb'aal, naq toj maji' nahik'e'k, xatinyoob'tesi.

Deuteronomio 32:2

Kama' ta li hab' naq chihoye'q li tzolok tink'e; jo' ta li k'ajob' naq chikub'eeq li waatin, kama' ta li musmus hab' sa' xb'een li raxpim, jo' ta li kawil hab' sa' xb'een li pach'aya'.

Isaías 18:4

Xb'aan naq jo'ka'in kixye we li Qaawa': “Maak'a' tinye ut yal tin'iloq chaq toj sa' linna'aj, jo'kaqin xtiqwal li saq'e sa' wa'leb', kama'aqin li xchu'ke sa' xq'ehil li q'olok.