2 Samuel 20:24 - Q'eqchi Bible

²⁴ Laj Adonirán a'an li nataqlank sa' xb'eeneb' li taqlanb'ileb' chi k'anjelak chi kaw; ut laj Josafat, ralal laj Ajilud, a'an laj yehol esil.

Li Santil hu

²⁴ Laj Adoram quitaklan saꞌ xbe̱neb li queꞌpuersi̱c ruheb chi trabajic. Ut laj Josafat, li ralal laj Ahilud, aꞌan li quitzꞌi̱ban re li retalil li cꞌaꞌru quicꞌulman.

2 Samuel 20:24 ပူးပေါင်းရင်းမြစ်များ

1 Reyes 12:18

Ut naq laj Robohán li awab'ej kixtaqla laj Adonirán, aj jolominel reheb' li minb'ileb' ru chi k'anjelak, chixjunileb' laj Israel ke'xteni chi pek toj reetal ke'xkamsi. Toja' naq laj Robohán li awab'ej kixseeb'a rib' chi xsik'b'al li xb'eleb'aal ch'iich' re elelik toj Jerusalén.

1 Reyes 4:3

laj Eliaf ut laj Ajías, ralaleb' laj Seraías, aj tz'iib'eb'; laj Josafat, ralal laj Ajilud, aj k'ehol xna'leb' li awab'ej;

1 Reyes 4:6

laj Ajisar, aj ilol re li rochoch li awab'ej; laj Eliab, ralal laj Johab, xjolomileb' laj puub'; laj Adonirán, ralal laj Abdá, aj ilol re li minb'il k'anjel na'uxmank.

2 Samuel 8:16

Laj Johab, xyum lix Sarbia, a'an li najolomink reheb' laj puub'; ut laj Josafat, ralal laj Ajilud, a'an laj puktesinel esil.